Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_rightവൈദ്യുത ഓ​ട്ടോകളുമായി...

വൈദ്യുത ഓ​ട്ടോകളുമായി പിയാജിയോ, കാർഗോ പാസഞ്ചർ വാഹനങ്ങൾ അവതരിപ്പിച്ചു

text_fields
bookmark_border
Piaggio Vehicles enters electric cargo
cancel

ചെറുകിട വാണിജ്യ വാഹന നിർമാതാക്കളായ പിയാജിയോ വെഹിക്കിൾസ് രാജ്യത്ത്​ വൈദ്യുത ഓ​ട്ടോകൾ അവതരിപ്പിച്ചു. കാർഗോ പാസഞ്ചർ വിഭാഗങ്ങളിലായി രണ്ട്​ വാഹനങ്ങളാണ്​ അവതരിപ്പിച്ചത്​. ചരക്ക്​ വാഹനമായ ആപ് ഇ-എക്‌സ്ട്രാ എഫ്എക്സിന്​ 3.12 ലക്ഷമാണ്​ വില. പാസഞ്ചർ പതിപ്പായ ആപ് ഇ-സിറ്റിക്ക്​ 2.83 ലക്ഷം രൂപ വിലവരും (വിലകൾ, എക്സ്ഷോറൂം). നിശ്ചിത ബാറ്ററികളുമായാണ് ഇരുചക്രവാഹനങ്ങളും വരുന്നത്.


9.5 കിലോവാട്​സ്​ ലിഥിയം അയൺ ബാറ്ററിയും ആറടി കാർഗോ ഡെക്കും ഘടിപ്പിച്ചതാണ് ആപ് ഇ-എക്‌സ്ട്രാ എക്‌സ്. ഡെലിവറി വാനുകളും മാലിന്യ ശേഖരണവും പോലെ ഉടമയുടെ ആവശ്യം അനുസരിച്ച് ഡെക്കിൽ മാറ്റം വരുത്താനാകും. ബ്ലൂ വിഷൻ ഹെഡ്‌ലാമ്പുകൾ, റീജനറേറ്റീവ് ബ്രേക്കിംഗ്, മൾട്ടി ഇൻഫർമേഷൻ ഇൻസ്ട്രുമെന്‍റ്​ ക്ലസ്റ്റർ, ബൂസ്റ്റ് മോഡ്, ഹിൽ ഹോൾഡ് അസിസ്റ്റ്, ഓട്ടോമാറ്റിക് ട്രാൻസ്മിഷൻ തുടങ്ങിയ സവിശേഷതകളും പുതിയ ഇ-ത്രീ വീലറുകൾക്ക് ലഭിക്കും.


ഇ-കൊമേഴ്‌സ്, ഗ്യാസ് സിലിണ്ടറുകൾ, മിനറൽ വാട്ടർ ബോട്ടിലുകൾ, എഫ്‌എം‌സിജിയ്ക്ക് പുറമെ പച്ചക്കറി ഗതാഗതം തുടങ്ങി വിവിധ ഉപയോഗങ്ങൾക്ക്​ വാഹനം പ്രാപ്​തമാണ്​. വാഹനത്തിന്‍റെ പ്രവർത്തനച്ചെലവ് കുറവാണെന്നാണ്​ പിയാജിയോ അവകാശപ്പെടുന്നത്​. രണ്ട് വാഹനങ്ങൾക്കും 3 വർഷം/ഒരു ലക്ഷം കിലോമീറ്റർ വാറന്‍റിയും മൂന്ന് വർഷത്തെ സൗജന്യ മെയിന്‍റനൻസ് പാക്കേജും ലഭ്യമാണ്​. പിയാജിയോ ഗ്രൂപ്പിന്റെ പൂർണ ഉടമസ്ഥതയിലുള്ള സബ്സിഡിയറിയായ പിയാജിയോ കൊമേഴ്‌സ്യൽ വെഹിക്കിൾസ് 2019 ഡിസംബറിലാണ്​ ഇലക്ട്രിക് ത്രീ-വീലർ വിപണിയിൽ പ്രവേശിച്ചത്​.



Show Full Article
TAGS:Piaggio Electric Auto electric cargo three-wheeler 
Next Story