Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_rightഒല കൊച്ചിയിൽ...

ഒല കൊച്ചിയിൽ ഓടിച്ചുനോക്കാം; അടുത്തയാഴ്ച കോഴിക്കോട്ടും തിരുവനന്തപുരത്തും ടെസ്​റ്റ്​ റൈഡ്

text_fields
bookmark_border
ഒല കൊച്ചിയിൽ ഓടിച്ചുനോക്കാം; അടുത്തയാഴ്ച കോഴിക്കോട്ടും തിരുവനന്തപുരത്തും ടെസ്​റ്റ്​ റൈഡ്
cancel

കോഴിക്കോട്: ഒല ഇലക്​ട്രിക്​ സ്​കൂട്ടർ ടെസ്​റ്റ്​ റൈഡിന്​ കൊച്ചിയിൽ അവസരം. സ്​കൂട്ടർ രാജ്യവ്യാപകമായി ടെസ്​റ്റ്​ റൈഡിന്​ അവസരമൊരുക്കുന്നതി​െൻറ ഭാഗമായാണ്​ കൊച്ചിയിലും എത്തിച്ചത്​.

വാഹനം ബുക്​ ചെയ്​തവർക്കോ വാങ്ങിയവർക്കോ മാത്രമായിരിക്കും തൽക്കാലം ടെസ്​റ്റ്​ റൈഡ്​​. ഈ മാസം 27 മുതൽ കോഴിക്കോടും തിരുവനന്തപുരത്തും സ്​കൂട്ടർ ഓടിക്കാൻ അവസരമൊരുക്കുമെന്ന്​ കമ്പനിയുടെ ചീഫ്​ ബിസിനസ്​ ഓഫിസർ അരുൺ സർദേശ്​മുഖ്​ പറഞ്ഞു. വാഹനം ബുക്ക്​ ചെയ്​തവരുടെ ഇമെയിലിലേക്കും മൊബൈലിലേക്കും ടെസ്റ്റ്​ ഡ്രൈവ്​ സംബന്ധിച്ച കൂടുതൽ വിവരങ്ങൾ ലഭ്യമാക്കുമെന്നും ഒല അറിയിച്ചിട്ടുണ്ട്​.

നേരത്തെ രാജ്യത്തെ തെരഞ്ഞെടുത്ത മെട്രോപൊളിറ്റൻ നഗരങ്ങളിൽ മാത്രമായിരുന്നു ടെസ്റ്റ് റൈഡിന് അവസരം. എന്നാൽ ഇപ്പോൾ 1000 നഗരങ്ങളിലേക്ക് ടെസ്റ്റ് റൈഡ് വ്യാപിപ്പിച്ചിരിക്കുകയാണ് കമ്പനി.


എസ്​ വൺ (എക്സ് ഷോറൂം വില ഒരു ലക്ഷം), എസ്​ വൺ പ്രൊ (1.30 ലക്ഷം) എന്നീ മോഡലുകളാണ് കമ്പനി അവതരിപ്പിക്കുന്നത്​. രണ്ടു ദിവസം കൊണ്ട്​ 1,100 കോടി രൂപയുടെ സ്​കൂട്ടറുകൾ വിറ്റതായാണ്​ കമ്പനിയുടെ അവകാശവാദം.

ആദ്യ ഹൈപ്പർചാർജർ ഇവിടെ

ടെസ്​റ്റ്​ റൈഡുകൾക്ക് മുന്നോടിയായി കമ്പനി ആഴ്ചകൾക്ക് മുമ്പ് തങ്ങളുടെ ആദ്യ ഹൈപ്പർചാർജർ സ്​ഥാപിച്ചിരുന്നു. തമിഴ്​നാട്​ കൃഷ്​ണഗിരിയിലെ ഒല ഫ്യൂച്ചർ ഫാക്​ടറിയിലാണ്​ ആദ്യ ചാർജർ സ്​ഥാപിച്ചത്​. 18 മിനിറ്റിൽ 0- 50% ചാർജ് ചെയ്യാൻ കഴിയുന്നതാണ്​ ഹൈപ്പർ ചാർജറുകൾ. 75 കിലോമീറ്റർ സഞ്ചരിക്കാൻ ഇത്രയും ചാർജ്​ മതിയാകും. ഭാവിയിൽ 400 ഇന്ത്യൻ നഗരങ്ങളിൽ 100,000 ലധികം ടച്ച് പോയിന്റുകളിൽ ഇത്തരം ചാർജറുകൾ സ്ഥാപിക്കാനാണ്​ കമ്പനി ലക്ഷ്യമിടുന്നത്​. മൾട്ടി ലെവൽ ലേഔട്ടിൽ ഒന്നിൽക്കൂടുതൽ ഇ.വികൾ ചാർജ്​ ചെയ്യുന്നതിനും ഹൈപ്പർ ചാർജറിൽ സൗകര്യം ഉണ്ടാകും.

നിർമിക്കുന്നത്​ സ്​ത്രീകൾ ചേർന്ന്​; ലോകത്തിലെ ഏറ്റവുംവലിയ വനിതാ ഫാക്​ടറിയുമായി ഇന്ത്യൻ കമ്പനി

ഓല ഇലക്ട്രിക് സ്​കൂട്ടർ നിർമാണശാല ലോകത്തിലെ ഏറ്റവും വലിയ വനിത ഫാക്​ടറിയായി മാറുമെന്നാണ്​ കമ്പനി സി.ഇ.ഒ ഭവിഷ്​ അഗർവാൾ പറയുന്നത്. തമിഴ്‌നാട്ടിലെ ഫാക്​ടറിക്ക് ശക്​തി പകരുന്നതിന് 10,000 സ്ത്രീകളെ നിയമിക്കാനാണ്​ കമ്പനിയുടെ നീക്കം. 'ആത്മനിർഭർ ഭാരതത്തിന് ആത്മനിർഭരരായ സ്ത്രീകൾ ആവശ്യമാണ്. ഓല ഫ്യൂച്ചർഫാക്​ടറി പൂർണമായും പതിനായിരത്തിലധികംവരുന്ന സ്ത്രീകളാൽ നടത്തപ്പെടുമെന്നതിൽ അഭിമാനിക്കുന്നു. ലോകത്തിലെ ഏറ്റവും വലിയ വനിത ഫാക്​ടറിയാണിത്'-ഭവിഷ്​ അഗർവാൾ ട്വിറ്ററിൽ കുറിച്ചു.

രാജ്യത്തെ സ്ത്രീകളെ പുരുഷന്മാരുമായി തുല്യത കൈവരിക്കാൻ സഹായിക്കുന്നതിലാണ് ശ്രദ്ധ കേന്ദ്രീകരിക്കുന്നതെന്ന് അഗർവാൾ അറിയിച്ചു. 'സാമ്പത്തിക അവസരങ്ങൾ സ്ത്രീകൾക്ക് പ്രാപ്​തമാക്കുന്നത് അവരുടെ ജീവിതത്തെ മാത്രമല്ല കുടുംബങ്ങളേയും മെച്ചപ്പെടുത്തുന്നു. കുടുംബങ്ങളിലൂടെ മുഴുവൻ സമൂഹവും'-അദ്ദേഹം പറഞ്ഞു.

Show Full Article
TAGS:Ola Electric Scooter 
News Summary - Ola Electric Scooter test ride at calicut and trivandrum
Next Story