Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightHot Wheelschevron_rightAuto Newschevron_rightപുതിയ തലമുറ ​െഎ 20കൾ...

പുതിയ തലമുറ ​െഎ 20കൾ ഡീലർഷിപ്പുകളിൽ; ഉടൻ നിരത്തിലെത്തുമെന്ന്​ സൂചന

text_fields
bookmark_border
പുതിയ തലമുറ ​െഎ 20കൾ ഡീലർഷിപ്പുകളിൽ;  ഉടൻ നിരത്തിലെത്തുമെന്ന്​ സൂചന
cancel

ഹ്യുണ്ടായുടെ ജനപ്രിയ വാഹനമായ ഐ 20 ഡീലർഷിപ്പുകളിലെത്തി. വാഹനം ഉടൻ പുറത്തിറങ്ങുമെന്നാണ്​ സൂചന. ഹ്യൂണ്ടായിയുടെ ഏറ്റവും പുതിയ ഡിസൈൻ തീം അനുസരിച്ച്​ നിർമിക്കുന്ന വാഹനം ഏറെ ആകർഷകമാണ്​. മാരുതി ബലേനോ, ടാറ്റ ആൾട്രോസ്, ഫോക്​സ്​വാഗൻ പോളോ തുടങ്ങിയ വാഹനങ്ങളുടെ എതിരാളിയാണ്​ ഐ 20. നിലവിലെ മോഡലിന് പകരമായാണ്​ പുതിയ വാഹനം വരുന്നത്​. ഇതിനകം തന്നെ അന്താരാഷ്ട്ര വിപണിയിൽ വാഹനം എത്തിയിട്ടുണ്ട്​. ഇതോടൊപ്പം പെർഫോമൻസ് മോഡലായ ഐ 20 എൻ ലൈനും അടുത്തിടെ ഹ്യൂണ്ടായ്​ പുറത്തിറക്കിയിരുന്നു.

മുന്നിലെ വിശാലമായ ഗ്രില്ല്​, കൂർത്ത ഹെഡ്​ലൈറ്റുകൾ, ഡി‌ആർ‌എൽ, ഇസഡ് ആകൃതിയിലുള്ള ടെയിൽ ലൈറ്റുകൾ, പുതിയ 16 ഇഞ്ച് ഡയമണ്ട് കട്ട് അലോയ്​, ഫോഗ് ലാമ്പുകൾക്ക്​ ത്രികോണാകൃതിയിലുള്ള ഹൗസിങ്​, റിയർ ഡിഫ്യൂസർ, സ്‌പോർട്ടി ബമ്പറുകൾ തുടങ്ങിയ ഘടകങ്ങളാണ്​ ​കാഴ്​ചയിൽ െഎ 20ക്ക്​ മാറ്റുകൂട്ടുന്നത്​. അന്താരാഷ്​ട്ര മോഡലിൽ 10.25 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെൻറ്​ സിസ്റ്റം ലഭിക്കുന്നുണ്ട്​. ഇത് ഇൻസ്ട്രുമെൻറ്​ കൺസോളിനോട്​ ചേർന്നാണ്​ ഇരിക്കുന്നത്​. ഡ്രൈവറുടെ സൗകര്യാർഥം ഇൻഫോടെയ്ൻമെൻറ്​ സിസ്റ്റം ഇപ്പോൾ ഡാഷ്‌ബോർഡിന് മുകളിലാണ്​ പിടിപ്പിച്ചിരിക്കുന്നത്​.

ആപ്പിൾ കാർപ്ലേ, ആൻഡ്രോയിഡ് ഓട്ടോ കണക്റ്റിവിറ്റി, ഹ്യുണ്ടായ് ലൈവ് സേവനങ്ങൾ, ബ്ലൂ ലിങ്ക് ആപ്ലിക്കേഷൻ സേവനങ്ങൾ, വോയ്‌സ് റെക്കഗ്നിഷൻ എന്നിവയുൾപ്പെടെ ഇതിൽ ലഭിക്കും. യൂറോ-സ്പെക്​ ഐ 20 യിൽ വയർലെസ് ചാർജറും ലഭ്യമാക്കിയിട്ടുണ്ട്​. എട്ട് സ്പീക്കറുകൾ ഉൾക്കൊള്ളുന്ന ബോസ് ഓഡിയോ സിസ്റ്റം ഓപ്‌ഷണലായി ലഭിക്കും. ഇന്ത്യയിൽ മൂന്ന് എഞ്ചിൻ കോൺഫിഗറേഷനുകളിൽ വാഹനം അവതരിപ്പിക്കുമെന്നാണ്​ പ്രതീക്ഷിക്കപ്പെടുന്നത്​. 1.2 ലിറ്റർ എംപിഐ യൂണിറ്റ്, 1.0 ലിറ്റർ ടി-ജിഡി യൂണിറ്റ്, 1.5 ലിറ്റർ യു 2 സിആർഡി യൂണിറ്റ് എന്നിവയാണത്​.

Show Full Article
TAGS:Hyundai Hyundai i20 i20 hotwheels 
Next Story