Begin typing your search above and press return to search.
proflie-avatar
Login
exit_to_app
exit_to_app
Homechevron_rightHot Wheelschevron_rightAuto Newschevron_rightവരാൻ പോകുന്നത്​...

വരാൻ പോകുന്നത്​ 'പരിഷ്​കാരിയായ'ഒക്​ടോബർ; ഡ്രൈവിങ് ലൈസൻസ്​, ബാങ്ക്​ നിയമങ്ങളിൽ കാതലായ മാറ്റങ്ങൾ

text_fields
bookmark_border
വരാൻ പോകുന്നത്​ പരിഷ്​കാരിയായഒക്​ടോബർ; ഡ്രൈവിങ് ലൈസൻസ്​, ബാങ്ക്​ നിയമങ്ങളിൽ കാതലായ മാറ്റങ്ങൾ
cancel

രാജ്യത്തെ സാധാരണക്കാരുടെ ജീവിതത്തെ സ്വാധീനിക്കുന്ന നിയമങ്ങളി​ൽ കാതലായ ചില മാറ്റങ്ങളുമായാണ്​ 2020 ഒക്​ടോബർ വരാൻപോകുന്നത്​. ഡ്രൈവിങ്​ ലൈസൻസ്​ ബാങ്കിങ്​ മേഖലകളിൽ നിർണായക നിയമ മാറ്റങ്ങൾക്ക്​ ഒക്ടോബർ സാക്ഷ്യംവഹിക്കും. ദൈനംദിന ജീവിതത്തെ ബാധിക്കുന്ന കാര്യമായതിനാൽ ഇവയേക്കുറിച്ച് വിശദമായി അറിഞ്ഞിരിക്കേണ്ടത്​ അത്യാവശ്യമാണ്.

രാജ്യത്തെ വാഹന രജിസ്ട്രേഷൻ കാർഡുകളും ഡ്രൈവിങ്​ ലൈസൻസുകളിലും വരുത്തുന്ന പരിഷ്​കാരങ്ങളാണ്​ മാറ്റങ്ങളിൽ പ്രധാനം. പെട്രോൾ പമ്പുകളിൽ ഇന്ധനം വാങ്ങുന്നതിന്​ ക്രെഡിറ്റ് കാർഡ് പേയ്‌മെൻറുകൾക്ക് ഒക്ടോബർ ഒന്നുമുതൽ കിഴിവ് ലഭിക്കില്ല എന്നതും മാറ്റമാണ്​. വൻകിട ബിസിനസുകാർക്ക് കേന്ദ്ര ധനമന്ത്രി നിരമല സീതാരാമൻ നേരത്തെ പ്രഖ്യാപിച്ച കോർപ്പറേറ്റ് നികുതി ഇളവുകൾ ഒക്ടോബർ മുതൽ പ്രാബല്യത്തിൽ വരികയുംചെയ്യും.


വാഹനമേഖല

ഒക്ടോബർ ഒന്നുമുതൽ ഇന്ത്യയിലുടനീളം യൂനിഫോം വെഹിക്​​ൾ രജിസ്ട്രേഷൻ കാർഡുകളും ഡ്രൈവിംഗ് ലൈസൻസുകളും നൽകും. പുതിയ ഡ്രൈവിങ്​ ലൈസൻസിന് ക്വിക്​ റെസ്‌പോൺസ് (ക്യു.ആർ) കോഡ്, നിയർ ഫീൽഡ് കമ്മ്യൂണിക്കേഷൻ (തൊട്ടടുത്ത ഇലക്​ട്രോണിക്​ ഉപകരണവുമായി കമ്യൂണി​ക്കേറ്റ്​ ചെയ്യാനുള്ള സൗകര്യം) തുടങ്ങിയ സവിശേഷതകൾ ഉണ്ടായിരിക്കും. കാർഡിൽ പിടിപ്പിച്ചിട്ടുള്ള മൈക്രോചിപ്പ്​ വഴിയാണിത്​ സാധ്യമാവുക. കേന്ദ്രീകൃത ഓൺലൈൻ ഡാറ്റാബേസിൽ 10 വർഷം വരെ വാഹന ഉടമയുടെ രേഖകളും പിഴകളും നിലനിർത്താൻ ഈ മാറ്റങ്ങൾ സർക്കാരിനെ സഹായിക്കും.

ഭിന്നശേഷിയുള്ള ഡ്രൈവർമാരുടെ രേഖകൾ സൂക്ഷിക്കുന്നതിനും വാഹനങ്ങളിൽ വരുത്തിയ മാറ്റങ്ങൾ രേഖപ്പെടുത്തിവയ്​ക്കാനും സൗകര്യമുണ്ടാകും. അവയവം ദാനം ചെയ്യുന്നതിന്​ വ്യക്തി സമ്മതപത്രം നൽകിയിട്ടുണ്ടൊ തുടങ്ങിയ സൂക്ഷ്​മ വിവരങ്ങളും ഡേറ്റബേസിൽ ചേർക്കും. പുതിയ ആർ‌.സി കാർഡിൽ ഉടമയുടെ പേര് മുൻ‌ഭാഗത്ത് അച്ചടിക്കും. മൈക്രോചിപ്പും ക്യുആർ കോഡും കാർഡി​െൻറ പുറകിലാകും ഉൾപ്പെടുത്തുക. ആർ‌.സി ഒഫീസുകളെ ഒരളവ്​വരെ പേപ്പർലെസ്സ്​ ആക്കാൻ പുതിയ പരിഷ്​കാരങ്ങൾ സഹായിക്കുമെന്നാണ്​ വിലയിരുത്തൽ.


പെട്രോൾ പമ്പുകളിൽ ഇനി കിഴിവില്ല

പെട്രോൾ പമ്പുകളിൽ ക്രെഡിറ്റ് കാർഡ് ഉപയോഗിക്കുന്നവർക്കുള്ള കിഴിവുകൾ അവസാനിപ്പിക്കുകയാണ്​. ഒക്ടോബർ ഒന്നുമുതൽ ഇത്​ പ്രാബല്യത്തിൽവരും. ഡിജിറ്റൽ പേയ്‌മെൻറുകൾ പ്രോത്സാഹിപ്പിക്കുന്നതിന്​ എണ്ണ കമ്പനികൾ ക്രെഡിറ്റ് / ഡെബിറ്റ് കാർഡുകൾക്കും ഇ-വാലറ്റുകൾ ഉപയോഗിക്കുന്നവർക്കും​ കിഴിവുകൾ നൽകിയിരുന്നു. ഡെബിറ്റ് കാർഡുകളിലെയും മറ്റ് ഡിജിറ്റൽ പേയ്‌മെൻറുകളിലെയും കിഴിവുകൾ തുടരാനും ക്രെഡിറ്റ്​ കാർഡുകളിലേത്​ അവസാനിപ്പിക്കാനുമാണ്​ പുതിയ തീരുമാനം.

എസ്‌.ബി.‌ഐ കൂടുതൽ ഇളവ്​ നൽകും

ഒക്​ടോബർ ഒന്നുമുതൽ പ്രതിമാസ ശരാശരി ബാലൻസ് കുറയ്ക്കാൻ സ്റ്റേറ്റ് ബാങ്ക് ഓഫ് ഇന്ത്യ തീരുമാനിച്ചു. മെട്രോ, നഗര കേന്ദ്രങ്ങളിൽ അകൗണ്ടുള്ളവർക്ക്​ ശരാശരി ബാലൻസ് 3,000 രൂപയും ഗ്രാമീണ ശാഖകൾക്ക് 1000 രൂപയും ആയിരിക്കും. ഈ തുക നിലനിർത്തുന്നതിൽ പരാജയപ്പെടുന്നവർക്കുള്ള പിഴയും കുറച്ചിട്ടുണ്ട്​. ഒരു ഉപഭോക്താവ് മെട്രോ, അർബൻ സെൻറർ ബ്രാഞ്ചുകളിൽ എഎംബിയായി 3,000 രൂപ നിലനിർത്തുന്നതിൽ പരാജയപ്പെടുകയും തുക 50 ശതമാനം കുറയുകയും ചെയ്താൽ 10 രൂപയും ജിഎസ്​ടിയും പിഴയായി ഈടാക്കും. തുക 50-75 ശതമാനത്തിൽ കുറയുകയാണെങ്കിൽ 12 രൂപയും ജിഎസ്​ടിയും ആയിരിക്കും പിഴ. തുക 75 ശതമാനത്തിലധികം കുറയുകയാണെങ്കിൽ 15 രൂപയും ജിഎസ്​ടിയും നൽകണം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:SBIdriving licensebankingOctoberNew rules
Next Story