Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_rightഹോണ്ടയുടെ ഹോട്ട്​...

ഹോണ്ടയുടെ ഹോട്ട്​ ഹാച്ച്​ സിവിക്​ പുറത്തിറക്കി; ഹൈബ്രിഡ്​ എഞ്ചിനുകൾ മാത്രം

text_fields
bookmark_border
New Honda Civic hatchback revealed
cancel

ഹോണ്ടയുടെ ആഗോള വാഹനമായ സിവിക്​ ഹാച്ച്​ബാക്കി​െൻറ പുതിയ മോഡൽ പുറത്തിറക്കി. ആദ്യഘട്ടത്തിൽ യൂറോപ്പിലായിരിക്കും വിൽപ്പനക്കെത്തുക. അടുത്ത കാലത്ത്​ പുറത്തിറക്കിയ 11ാം തലമുറ ഹോണ്ട സിവിക്​ സെഡാനെ അടിസ്​ഥാനമാക്കിയാണ്​ പുതിയ ഹാച്ച്​ ബാക്ക്​ നിർമിച്ചിരിക്കുന്നത്​. ഇ എച്ച്​.ഇ.വി എന്നറിയപ്പെടുന്ന ഹോണ്ടയുടെ ​ൈഹബ്രിഡ്​ സംവിധാനവുമായാണ്​ വാഹനം വിപണിയിലെത്തുക.


11ാം തലമുറ സിവിക്കി​െൻറ സ്റ്റൈലിങിനായി ​േഹാണ്ട പുതിയൊരു സമീപനമാണ്​ സ്വീകരിച്ചിരിക്കുന്നത്​. ഫാസ്റ്റ്ബാക്ക് ശൈലിയിലുള്ള ചരിഞ്ഞ മേൽക്കൂരയാണ്​ സിവിക്​ ഹാച്ചിന് കമ്പനി നൽകിയിരിക്കുന്നത്​​. വീൽബേസിന്​ 1.4 ഇഞ്ച് നീളം കൂടിയിട്ടുണ്ട്​. അടുത്തിടെ പുറത്തിറക്കിയ എച്ച്ആർ-വി എസ്‌യുവിയും, ഏറ്റവും പുതിയ തലമുറ ജാസും പോലെ സിവിക് ഹാച്ച്ബാക്കും ഇ എച്ച്​.ഇ.വി പെട്രോൾ-ഇലക്ട്രിക് ഹൈബ്രിഡ് സംവിധാനം മാത്രമുള്ള വാഹനമാണ്​.

1.5 ലിറ്റർ അറ്റ്കിൻസൺ സൈക്കിൾ പെട്രോൾ എഞ്ചിനും രണ്ട്​ ഇലക്ട്രിക് മോട്ടോറുകളുമാണ്​ വാഹനത്തിന്​ കരുത്തുപകരുന്നത്​. ഇത് ജാസിൽ 108 എച്ച്പിയും എച്ച്ആർ-വിയിൽ 129 എച്ച്പിയും ഉത്പാദിപ്പിക്കും. സിവികിനായി ഇതിൽ ഏത്​ എഞ്ചിൻ കോമ്പനിനേഷനായിരിക്കുംവരിക എന്നത്​ ഹോണ്ട വെളിപ്പെടുത്തിയിട്ടില്ല. ഹൈബ്രിഡ് മോഡിൽ, ഇലക്ട്രിക് മോട്ടോറിന്​ വൈദ്യുതി ഉത്പാദിപ്പിക്കാനാണ്​ പെട്രോൾ എഞ്ചിൻ ഉപയോഗിക്കുന്നത്​. ഉയർന്ന ലോഡുകളിൽ സിംഗിൾ സ്പീഡ് ഗിയർബോക്സ് വഴി ഡ്രൈവ് വീലുകളുമായി വീണ്ടും ബന്ധിപ്പിക്കുന്നു.


അടുത്ത വർഷം അവസാനത്തോടെ എല്ലാ മുഖ്യധാരാ പാസഞ്ചർ കാറുകളും വൈദ്യുതീകരിക്കുക എന്ന ലക്ഷ്യമാണ്​ ഹോണ്ടക്കുള്ളത്​. ഹോണ്ടയുടെ യൂറോപ്യൻ പോർട്ട്‌ഫോളിയോയിലെ ഹൈബ്രിഡ് മാത്രമുള്ള അവസാന മോഡലാണ് സിവിക്. ഹോണ്ടയുടെ നോർത്ത്​ അമേരിക്കൻ പ്ലാൻറിൽ നിർമിച്ച്​ മിക്ക യൂറോപ്യൻ വിപണികളിലേക്കും വാഹനം കയറ്റുമതി ചെയ്യാനാണ്​ ലക്ഷ്യമിടുന്നത്​. പുതിയ സിവിക്​ ഹാച്ച്​ ഇന്ത്യയിൽ എത്താനുള്ള സാധ്യത വിരളമാണ്​. 11ാം തലമുറ സിവിക്​ സെഡാൻ നേരത്തേ അവതരിപ്പിച്ചിരുന്നെങ്കിലും ഇന്ത്യയിൽ പരാജയമായിരുന്നു.

തുടർന്ന്​ വാഹനം ഹോണ്ട ഇന്ത്യയിൽ നിന്ന്​ പിൻവലിക്കുകയും ചെയ്​തു. കോവിഡ്​ കാരണം ഹോണ്ടയുടെ ഗ്രേറ്റർ നോയിഡയിലെ പ്ലാൻറ്​ അടച്ചുപൂട്ടിയതും കമ്പനിക്ക്​ പ്രതിസന്ധിസൃഷ്​ടിച്ചിരുന്നു. ഇതെല്ലാം കണക്കിലെടുക്കു​േമ്പാൾ വാഹനം ഇന്ത്യയിൽ എത്താനുള്ള സാധ്യത തുലോം തുഛമാണെന്ന്​ പറയേണ്ടിവരും.



Show Full Article
TAGS:Honda Civic hatchback civic automobile 
Next Story