Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_rightപുത്തൻ ക​ഫേറേസറുമായി...

പുത്തൻ ക​ഫേറേസറുമായി ഹോണ്ട?; ഹൈനസിനുപിന്നാലെ വമ്പൻ റിലീസ്​

text_fields
bookmark_border
New Honda CB350 based motorcycle
cancel

പഴമയെ തിരിച്ചുപിടിക്കുക എന്ന ലക്ഷ്യത്തോടെ ക്ലാസിക്​ ബൈക്കുകളുടെ പുനരവതരണം നടത്തുകയാണ്​ ജാപ്പനീസ്​ നിർമാതാക്കളായ ഹോണ്ട. ഇവരുടെ അടുത്ത മോഡൽ ഒരു കഫേറേസർ ആയിരിക്കുമെന്ന്​ സൂചന. നേരത്തേ പുറത്തിറക്കിയ റെട്രോ സ്​റ്റൈൽ ബൈക്കായ ഹൈനസ്​ സി.ബി 350ക്ക്​ പിന്നാലെയാണ്​ കഫേറേസൽ മോഡൽകൂടി അവതരിപ്പിക്കുന്നത്​.


നിലവിൽ വിപണിയിൽ ലഭ്യമായ കഫേറേസർ മോഡലാണ്​ ​േറായൽ എൻഫീൽഡിന്‍റെ കോണ്ടിനെന്‍റർ ജി.ടി. 650 സി.സി വാഹനമായ കോണ്ടിനെന്‍റൽ ജി.ടിക്ക്​ നേരിട്ടുള്ള എതിരാളി ആയിരിക്കില്ലെങ്കിലും ഹോണ്ട പുതിയൊരുകൂട്ടം ആരാധകരെ സൃഷ്​ടിക്കുമെന്നാണ്​ കണക്കുകൂട്ടുന്നത്​. പുതിയ ബൈക്കിന്‍റെ ടീസർ ചിത്രം ഹോണ്ട പങ്കുവച്ചിട്ടുണ്ട്​. 2021 ഫെബ്രുവരി 16ന്​ ബൈക്ക് വെളിപ്പെടുത്തുമെന്നാണ്​ കമ്പനി വൃത്തങ്ങൾ പറയുന്നത്​. ബൈക്കിന്‍റെ പിൻഭാഗം മാത്രമാണ്​ ടീസർ ചിത്രത്തിലുള്ളത്​. സി.ബി 350 അടിസ്ഥാനമാക്കിയുള്ള വാഹനമാണിതെന്നാണ് ​നിഗമനം.


എക്‌സ്‌ഹോസ്റ്റ്, റിയർ മഡ്‌ഗാർഡ്, കൗണ്ടർ സീറ്റ് തുടങ്ങിയവ മാത്രമാണ്​ ചിത്രത്തിൽ വെളിപ്പെടുത്തിയിട്ടുള്ളത്​. ഹൈനസിന്‍റെ 348 സിസി സിംഗിൾ സിലിണ്ടർ എഞ്ചിനാണ് ഇതിന് കരുത്ത് പകരുന്നത്. 20.9 ബിഎച്ച്പിയും 30 എൻഎം ടോർക്കും വാഹനം ഉത്പാദിപ്പിക്കും. അഞ്ച്​ സ്പീഡ് ഗിയർബോക്‌സാണ്​ നൽകിയിരിക്കുന്നത്​. ​

Show Full Article
TAGS:honda honda highness cafe racer honda bikes 
Next Story