Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_rightപിരിച്ചുവിടലും...

പിരിച്ചുവിടലും പീഡനവുമില്ല; കോവിഡ്​ കാലത്ത്​ തൊഴിലാളികൾക്ക്​ കൈ നിറയെ പണംനൽകി​ മെഴ്​സിഡസ്​ ബെൻസ്​

text_fields
bookmark_border
പിരിച്ചുവിടലും പീഡനവുമില്ല; കോവിഡ്​ കാലത്ത്​ തൊഴിലാളികൾക്ക്​ കൈ നിറയെ പണംനൽകി​ മെഴ്​സിഡസ്​ ബെൻസ്​
cancel

കൊറോണ ദുരിതംവിതച്ച കാലത്ത്​ ജോലി നഷ്​ടങ്ങളുടേയും പിരിച്ചുവിടലി​േൻറയും കഥകൾക്കിടയിൽ വേറിട്ട വിശേഷവുമായി മെഴ്​സിഡസ്​ ബെൻസ്​. ഡെയിംലർ ബെൻസ്​ തങ്ങളുടെ ഒാരോ ജീവനക്കാരനും 1200 ഡോളർ വീതം കൊറോണ ബോണസ്​ നൽകാനാണ്​ തീരുമാനിച്ചിരിക്കുന്നത്​. കമ്പനിയുടെ ജർമൻ തൊഴിലാളികൾക്കാവും ബോണസ്​ നൽകുക. ദുരിത കാലത്ത്​ ജീവനക്കാർ നടത്തുന്ന പോരാട്ടങ്ങളെ സഹായിക്കുന്നതിനാണ്​ സഹായം.

ജോലിയിൽ തുടരാനുള്ള ജീവനക്കാരുടെ ശ്രമങ്ങളെ അഭിനന്ദിക്കുന്നതിനും വെല്ലുവിളി നിറഞ്ഞ കാലത്ത്​ തൊഴിലാളികളുടെ മാനസികാവസ്ഥ ഉയർത്താനുമാണ്​ അവധിക്കാല സീസണിന് മുന്നോടിയായി ബോണസ് നൽകുന്നതെന്ന്​ ബെൻസ് അധികൃതർ പറയുന്നു​. ജർമൻ പ്ലാൻറുകളിലെയും ഓഫീസുകളിലെയും 160,000 ജീവനക്കാർക്ക് തുക ലഭിക്കാൻ അർഹതയുണ്ടെന്നും പത്രക്കുറിപ്പിൽ ഡെയിംലർ അറിയിച്ചു. 'ഈ അസാധാരണമായ സമയത്ത് ഞങ്ങളുടെ തൊഴിൽ സേനക്ക്​ പിന്തുണ നൽകുക അനിവാര്യമാണെന്ന്​ ഞങ്ങൾ കരുതുന്നു'-ഡെയിംലർ പേഴ്‌സണൽ മേധാവി വിൽഫ്രഡ് പോർത്​ പറഞ്ഞു.

ഡെയിംലർ, മെഴ്‌സിഡസ് ബെൻസ്, ഡെയിംലർ ട്രക്ക്, ഡെയിംലർ മൊബിലിറ്റി ഡിവിഷനുകളിലുള്ള ജീവനക്കാർക്ക്​ പണം ലഭിക്കും. ഇതിനായി 200 മില്യൺ ഡോളർ ചെലവഴിക്കുമെന്നും ഡിസംബറിലെ ശമ്പളത്തി​െൻറ ഭാഗമായി പണം നൽകുമെന്നാണ്​ സൂചന. 2020 ലോകമെമ്പാടുമുള്ള കച്ചവടക്കാരെ സംബന്ധിച്ച്​ വെല്ലുവിളി നിറഞ്ഞ വർഷമായിരുന്നു.ഓട്ടോമോട്ടീവ് വ്യവസായത്തിൽ ഏറെ ആഘാതമേൽപ്പിക്കാനും 2020ലെ ദുരന്തങ്ങൾക്കായി.

Show Full Article
TAGS:Mercedes Daimler corona bonus Mercedes benz 
Next Story