Top
Begin typing your search above and press return to search.
keyboard_arrow_down
Login
exit_to_app
exit_to_app
ബെൻസ്​ എ.എം.ജികൾ പ്രാദേശികമായി നിർമിക്കും; വില കുറയുമെന്നും സൂചന
cancel
Homechevron_rightHot Wheelschevron_rightAuto Newschevron_rightബെൻസ്​ എ.എം.ജികൾ...

ബെൻസ്​ എ.എം.ജികൾ പ്രാദേശികമായി നിർമിക്കും; വില കുറയുമെന്നും സൂചന

text_fields
bookmark_border

എംജി മോഡലുകളുടെ പ്രാദേശിക നിർമാണം ഉടൻ ആരംഭിക്കുമെന്ന് മെഴ്‌സിഡസ് ബെൻസ് ഇന്ത്യ അറിയിച്ചു. ബെൻസി​െൻറ പെർഫോമൻസ് സബ് ബ്രാൻഡാണ്​ എഎംജി. നിലവിൽ പെർഫോമൻസ് ലിമോസിനുകൾ, എസ്‌യുവികൾ, എസ്‌യുവി കൂപ്പേകൾ, സ്‌പോർട്‌സ് കാറുകൾ എന്നിവ രാജ്യത്തേക്ക്​ ഇറക്കുമതി ചെയ്യുന്നുണ്ട്​. ഇവയെല്ലാം പൂർണ്ണമായും വിദേശത്ത്​ നിർമ്മിച്ച്​ ഇന്ത്യയിലേക്ക് ഇറക്കുമതി ചെയ്യുകയാണ്​ പതിവ്​. ആദ്യഘട്ടമെന്ന നിലയിൽ ജി‌എൽ‌സി 43 4 മാറ്റിക് എ‌എം‌ജി കൂപ്പെ മോഡലായിരിക്കും അവതരിപ്പിക്കുക. സാധനങ്ങൾ ഇറക്കുമതി ചെയ്​ത്​ പ്രാദേശികമായി കൂട്ടിയോജിപ്പിക്കുകയായിരിക്കും ആദ്യഘട്ടത്തിൽ ചെയ്യുക. അടുത്ത മാസം വാഹനം ഇന്ത്യൻ വിപണിയിലെത്തും.


'ഇന്ത്യയിൽ പ്രാദേശികമായി എഎംജി ഉത്പാദിപ്പിക്കാനുള്ള തീരുമാനം ഇന്ത്യൻ വിപണിയിലെ മെഴ്‌സിഡസ് ബെൻസി​െൻറ ദീർഘകാല പദ്ധതിയാണ്​. സാധ്യതയുള്ള ഉപഭോക്താക്കളിലേക്ക് എ‌എം‌ജി മോഡലുകൾ കൂടുതലായി‌ എത്തണമെന്നാണ്​ ഞങ്ങളുശട ആഗ്രഹം. പുതിയ തീരുമാനം ബെൻസി​െൻറ ഇന്ത്യ ഒാപറേഷൻസി​െൻറ ചരിത്രത്തിലെ നാഴികക്കല്ലാണ്'-പുതിയ പ്രഖ്യാപനത്തെക്കുറിച്ച് മെഴ്‌സിഡസ് ബെൻസ് ഇന്ത്യ മാനേജിംഗ് ഡയറക്ടറും സിഇഒയുമായ മാർട്ടിൻ ഷ്വെങ്ക് പറഞ്ഞു.കുറച്ച് വർഷങ്ങൾക്ക് മുമ്പ് വരെ എ‌എം‌ജി ജി‌എൽ‌സി 43 കൂപ്പേ ഇന്ത്യയിലുണ്ടായിരുന്നു. പഴയ മോഡലിന് 362 ബിഎച്ച്പി 3 ലിറ്റർ വി 6 എഞ്ചിനായിരുന്നു നൽകിയിരുന്നത്​. 520 എൻ‌എം ടോർക്​ ഉൽപ്പാദിപ്പിക്കുന്ന എഞ്ചിനാണിത്​.


2019 ൽ വാഹനത്തി​െൻറ ഫെയ്‌സ്‌ലിഫ്റ്റ്​ പതിപ്പ് അവതരിപ്പിച്ചപ്പോൾ ഇന്ത്യയിൽ എത്തിച്ചിരുന്നില്ല. എസ്‌യുവിയുടെ പ്രാദേശിക ഉത്പാദനം കമ്പനി ആസൂത്രണം ചെയ്യുന്നതിനാലാണ് കാലതാമസമുണ്ടായതെന്നാണ്​ സൂചന. പഴയ ബിഎസ് 4 മോഡലിന് ഇന്ത്യയിൽ ഏകദേശം 75 ലക്ഷം രൂപ (എക്സ്-ഷോറൂം) വിലയുണ്ടായിരുന്നു. നിലവിലെ ജിഎസ്ടി നിരക്കുകൾ കണക്കിലെടുക്കുമ്പോൾ, എസ്‌യുവിയുടെ അപ്‌ഡേറ്റുചെയ്‌ത ബിഎസ് 6 പതിപ്പിന് ഒരു കോടി രൂപക്കടുത്ത് വിലവരും. എന്നാൽ സാധനങ്ങൾ ഇറക്കുമതി ചെയ്​ത്​ കൂട്ടിയോജിപ്പിച്ചാൽ വാഹനം 80 ലക്ഷം രൂപക്ക്​ നൽകാനാവുമെന്നാണ്​ സൂചന.

2019 ൽ എ‌എം‌ജി ബ്രാൻഡിന് ഇന്ത്യയിൽ 54 ശതമാനം വളർച്ചയുണ്ടായി. പെർഫോമൻസ്​ വിഭാഗത്തിൽ ഒന്നാം സ്​ഥാനം നിലനിർത്താൻ 'മെയ്​ഡ്​ ഇൻ ഇന്ത്യ എ‌എം‌ജി' സഹായിക്കുമെന്നാണ്​ മെഴ്‌സിഡസ് ബെൻസ് ഇന്ത്യ കണക്കാക്കുന്നത്​. ഇന്ത്യയിലെ നിലവിലെ എ‌എം‌ജി പോർട്ട്‌ഫോളിയോയിൽ 43, 53, 63, ജിടി സീരീസ് വാഹനങ്ങൾ ഉൾപ്പെടുന്നു.

Show Full Article
TAGS:Mercedes-Benz AMG C 43 benz hotwheels 
Next Story