Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightHot Wheelschevron_rightAuto Newschevron_rightവൈദ്യുത ബെൻസ്​...

വൈദ്യുത ബെൻസ്​ ഇ.ക്യു.സി വിൽപ്പനക്ക്​; ആദ്യം 50 ഉപഭോക്​താക്കൾക്ക്​ മാത്രം

text_fields
bookmark_border
വൈദ്യുത ബെൻസ്​ ഇ.ക്യു.സി വിൽപ്പനക്ക്​; ആദ്യം 50 ഉപഭോക്​താക്കൾക്ക്​ മാത്രം
cancel

മെഴ്‌സിഡസ് ബെൻസി​െൻറ വൈദ്യുത എസ്​.യു.വിയായ​ ഇ.ക്യു.സി വിപണിയിൽ. തിരഞ്ഞെടുത്ത 50 ഉപഭോക്താക്കൾക്കാണ്​ വാഹനം ആദ്യം വിൽക്കുക. ഇവർക്ക്​ 99.30 ലക്ഷം രൂപക്ക്​ വാഹനം നൽകും. പിന്നീട്​ വില ഉയരാൻ സാധ്യതയുണ്ടെന്നാണ്​ സൂചന. ഇന്ത്യയിലെ ആദ്യത്തെ ആഢംബര ഇലക്ട്രിക് എസ്‌യുവിയാണ് ബെൻസ്​ ഇക്യുസി. കമ്പനിയുടെ വൈദ്യുത വാഹന വിഭാഗമായ ഇക്യുവിന് കീഴിലാണ്​ ഇവ വിൽക്കുന്നത്​.

2020 ജനുവരിയിൽ വാഹനം രാജ്യത്ത്​ അരങ്ങേറിയിരുന്നു. ആദ്യ ഘട്ടത്തിൽ മുംബൈ, പൂനെ, ദില്ലി, ഹൈദരാബാദ്, ചെന്നൈ,ബംഗളൂരു എന്നീ നഗരങ്ങളിലാവും ഇക്യുസി വിൽക്കുക. എന്നാൽ മറ്റ് നഗരങ്ങളിലെ ഉപഭോക്താക്കൾക്കും വാഹനം ഓൺലൈനിൽ ബുക്ക് ചെയ്യാനും വാങ്ങാനും കഴിയും. ഇന്ത്യയിലെ 48 നഗരങ്ങളിൽ നൂറിലധികം ചാർജിങ്​ പോയിൻറുകൾ ബെൻസ് സ്ഥാപിച്ചിട്ടുണ്ട്​. രണ്ട് ഇലക്ട്രിക് മോട്ടോറുകളാണ്​ വാഹനത്തിനുള്ളത്​.


80 കിലോവാട്ട് ലിഥിയം അയൺ ബാറ്ററി യൂണിറ്റാണ് മോട്ടോറുകൾക്ക് കരുത്ത്​ നൽകുന്നത്. ഇലക്ട്രിക് മോട്ടോറുകൾ 402 ബിഎച്ച്പി കരുത്തും 765 എൻഎം ടോർകും ഉത്പാദിപ്പിക്കും. ഒറ്റ ചാർജിൽ 450-471 കിലോമീറ്റർ വാഹനം പിന്നിടും. 5.1 സെക്കൻഡിനുള്ളിൽ 0-100 കിലോമീറ്റർ വേഗത കൈവരിക്കാൻ ഇ.ക്യൂ.സിക്കാവും. കമ്പനിയുടെ മിഡ്-സൈസ് എസ്‌യുവി ജി‌എൽ‌സിയുടെ പ്ലാറ്റ്‌ഫോമിനെ അടിസ്ഥാനമാക്കിയാണ് പുതിയ വാഹനവും നിർമിച്ചിരിക്കുന്നത്​. ബെൻസി​െൻറ മറ്റ്​ ആഢംബര സൗകര്യങ്ങളെല്ലാം ലഭ്യമാകുന്ന വാഹനമാണ്​ ഇ.ക്യു.സി

Show Full Article
TAGS:Mercedes-Benz Benz EQC Electric suv Benz car hotwheels 
Next Story