Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_rightമൂന്നാം തവണയും...

മൂന്നാം തവണയും വാഹനങ്ങൾക്ക്​ വില കൂട്ടാനൊരുങ്ങി മാരുതി; കാരണം ഇതാണ്​

text_fields
bookmark_border
Maruti Suzuki to hike prices of different models in
cancel

ഡൽഹി: നടപ്പ് സാമ്പത്തിക വർഷത്തി​െൻറ രണ്ടാം പാദത്തിൽ (ജൂലൈ മുതൽ സെപ്റ്റംബർ വരെ) കാറുകളുടെ വില വർധിപ്പിക്കുമെന്ന് മാരുതി സുസുക്കി ഇന്ത്യ ലിമിറ്റഡ് (എം‌.എസ്‌.ഐ.എൽ) അറിയിച്ചു. എന്നാൽ ഏത്​ തോതിലായിരിക്കും വിലവർധനവെന്ന്​ കമ്പനി വെളിപ്പെടുത്തിയിട്ടില്ല. അനിവാര്യമായ സാഹചര്യത്തിലാണ്​ വില വർധിപ്പിക്കാൻ തീരുമാനിച്ചതെന്ന്​ മാത്രമാണ്​ കമ്പനി അധികൃതർ പറയുന്നത്​. 'നിർമാണ ചെലവുകളുടെ വർധനവ് കാരണം കമ്പനി ഒരു വർഷമായി പ്രതിസന്ധിയിലാണ്​. വിലവർധനവിലൂടെ അധിക ചെലവി​െൻറ ഒരുഭാഗം ഉപഭോക്താക്കൾക്ക് കൈമാറേണ്ടത് അനിവാര്യമായിരിക്കുന്നു'-മാരുതി സുസുക്കി അറിയിച്ചു.


'സാമ്പത്തിക വർഷത്തി​െൻറ രണ്ടാം പാദത്തിലാണ്​ വിലവർധനവ്​ ആസൂത്രണം ചെയ്​തിരിക്കുന്നത്. വ്യത്യസ്​ത മോഡലുകൾക്ക് വർധനവ് വ്യത്യസ്​തമായിരിക്കും'എന്നും പ്രസ്​താവനയിൽ കൂട്ടിച്ചേർത്തിട്ടുണ്ട്​. ഈ കലണ്ടർ വർഷത്തിൽ മൂന്നാം തവണയാണ് കമ്പനി വില വർധിപ്പിക്കുന്നത്. ഏപ്രിലിൽ വ്യത്യസ്​ത മോഡലുകളുടെ വില ഉയർത്തിയിരുന്നു. ജനുവരിയിലും ഇൻ‌പുട്ട് ചെലവുകളുടെ വർധനവ് പറഞ്ഞ്​​ ചില കാർ മോഡലുകളുടെ വില വർധിപ്പിച്ചിരുന്നു. മോഡലും ശ്രേണികളും അനുസരിച്ച് 34,000 രൂപ വരെ അന്ന്​ വർധനവ്​ ഉണ്ടായിരുന്നു. ഇടയ്ക്കിടെയുള്ള വിലക്കയറ്റം വാഹന വിൽപ്പന മന്ദഗതിയിലാക്കുമെന്നാണ്​ സൂചന.


താങ്ങാനാവാത്ത നിർമാണ ചിലവ്​

വിലക്കയറ്റത്തിന്​ പ്രധാന കാരണമായി കമ്പനി ചൂണ്ടിക്കാണിച്ചിരിക്കുന്നത്​ നിർമാണ സാമഗ്രികളുടെ വില വർധനവാണ്​. പ്രത്യേകിച്ച് സ്​റ്റീൽ, അലുമിനിയം, പ്ലാസ്റ്റിക് എന്നിവക്ക്​ ഇൗ കാലയളവിൽ വൻതോതിൽ വിലവർധിച്ചിട്ടുണ്ട്​. റെനോ, ഹീറോ മോട്ടോകോർപ്പ്, നിസ്സാൻ എന്നിവയും ഏപ്രിലിൽ അവരുടെ വാഹനങ്ങളുടെ വില വർധിപ്പിച്ചിരുന്നു. അതേസമയം, പ്ലാൻറുകളിലെ പ്രവർത്തനം പുനരാരംഭിച്ചതായും സുരക്ഷാ പ്രോട്ടോക്കോളുകൾ പരിഷ്​കരിച്ചതായും മാരുതി വക്താവ് പറഞ്ഞു.


വിവിധ സംസ്ഥാനങ്ങളിൽ കോവിഡ്​ സാഹചര്യത്തി​െൻറ തീവ്രത കുറഞ്ഞതോടെ രാജ്യത്തെ പ്രമുഖ വാഹന നിർമാതാക്കൾ ഉത്​പാദനം സാധാരണ നിലയിലേക്ക് എത്തിക്കാനുള്ള നടപടികൾ സ്വീകരിക്കുകയാണ്​. ഇതോടൊപ്പം ഡീലർഷിപ്പുകൾ തുറക്കുന്നതോടെ, ബിസിനസ് പ്രവർത്തനങ്ങൾ മുന്നോട്ട് പോകുമെന്നും വാഹന നിർമാതാക്കൾ പ്രതീക്ഷിക്കുന്നുണ്ട്​.

Show Full Article
TAGS:Maruti Suzuki price hike automobile 
Next Story