Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightHot Wheelschevron_rightAuto Newschevron_rightമാരുതി സുസുകി ഓൺലൈൻ...

മാരുതി സുസുകി ഓൺലൈൻ മുഖേന വിറ്റത്​​ രണ്ട്​ ലക്ഷത്തിലേറെ കാറുകൾ

text_fields
bookmark_border
മാരുതി സുസുകി ഓൺലൈൻ മുഖേന വിറ്റത്​​ രണ്ട്​ ലക്ഷത്തിലേറെ കാറുകൾ
cancel

രാജ്യത്തൊട്ടാകെയുള്ള ആയിരത്തോളം ഡീലർഷിപ്പുകളെ ഉൾക്കൊള്ളിച്ച്​ ഏറ്റവും വലിയ ഓൺലൈൻ ഡിജിറ്റൽ ചാനൽ മാരുതി സുസുക്കി സ്ഥാപിച്ചത്​ രണ്ടുവർഷം മുമ്പായിരുന്നു. 2019 ഏപ്രിൽ മുതലുള്ള കണക്കുകൾ പ്രകാരം കമ്പനി ഓൺലൈൻ മുഖേന വിറ്റഴിച്ചത്​ രണ്ട്​ ലക്ഷത്തിലേറെ കാറുകളും. മാരുതി സുസുകി തന്നെയാണ്​ ഇൗ വിവരം പുറത്തുവിട്ടിരിക്കുന്നത്​.

ഓണ്‍ലൈന്‍ സംവിധാനത്തിലൂടെ 21 ലക്ഷം ഉപഭോക്തൃ അന്വേഷണങ്ങളാണെന്ന് തങ്ങൾക്ക്​ ലഭിച്ചതെന്നും മാരുതി സുസുകി ഇന്ത്യ എക്‌സിക്യൂട്ടിവ് ഡയറക്റ്റര്‍ (മാര്‍ക്കറ്റിങ്​ ആൻഡ്​ സെയ്ല്‍സ്) ശശാങ്ക് ശ്രീവാസ്തവ പറഞ്ഞതായി ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു. നിലവില്‍ മാരുതി സുസുകിയുടെ ആകെ വില്‍പ്പനയുടെ 20 ശതമാനവും ഓണ്‍ലൈന്‍ അന്വേഷണങ്ങളില്‍ നിന്ന് ഉണ്ടാവുന്നതാണെന്നും അദ്ദേഹം പറയുന്നു. കോവിഡ് വ്യാപകമായതിന് പിന്നാലെ കഴിഞ്ഞ അഞ്ച്​ മാസങ്ങളിൽ ഇക്കാര്യത്തിൽ 33 ശതമാനം വര്‍ധനയുമുണ്ടായി.

ഗൂഗ്ള്‍ ഓട്ടോ ഗിയര്‍ ഷിഫ്റ്റ് ഇന്ത്യ 2020 പുറത്തുവിട്ട റിപ്പോര്‍ട്ടുകൾ പ്രകാരം രാജ്യത്തെ 95 ശതമാനം കാര്‍ വില്‍പ്പനയിലും ഡിജിറ്റല്‍ സ്വാധീനമുള്ളതായി അദ്ദേഹം ചൂണ്ടിക്കാട്ടുന്നു. ആവശ്യക്കാർ കാറുകളെ കുറിച്ച് ഓണ്‍ലൈനില്‍ പഠിച്ചതിന്​ ശേഷമാണ് അടുത്തുള്ള ഡീലറെ സമീപിച്ച് കാറുകൾ വാങ്ങുന്നത്. ഇത്തരത്തില്‍ അന്വേഷണം തുടങ്ങി ശരാശരി പത്ത് ദിവസത്തിനകം തന്നെ പലരും കാര്‍ വാങ്ങുന്നുമുണ്ടെന്ന്​ അദ്ദേഹം സാക്ഷ്യപ്പെടുത്തുന്നു.

Show Full Article
TAGS:Maruti Suzuki online Dealerships 
Web Title - Maruti Suzuki surges to 2 lakh car sales through online
Next Story