Top
Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_rightഎല്ലാ മോഡലുകൾക്കും...

എല്ലാ മോഡലുകൾക്കും വിലകൂട്ടി മാരുതി; അരീനയിലും നെക്​സയിലും വർധനവ്​ ബാധകം

text_fields
bookmark_border
Maruti Suzuki hikes car prices by
cancel

എല്ലാ മോഡലുകൾക്കും വിലകൂട്ടി മാരുതി സുസുക്കി ഇന്ത്യ. ജനുവരി 19 മുതൽ വിലവർധനവ്​ പ്രാബല്യത്തിൽ വന്നു. അരീനയിലും നെക്‌സയിലുമുള്ള വാഹനങ്ങളുടെ എക്‌സ്‌ഷോറൂം വിലയാണ്​ ഉയർത്തിയത്​. വാഹന മോഡലിനെയും വേരിയന്‍റിനെയും ആശ്രയിച്ച് 5000 രൂപ മുതൽ 34,000 രൂപ വരെയാണ്​ വർധനവ് വന്നിരിക്കുന്നത്​. ചെറുകാറായ എസ്-പ്രസ്സോ സി‌എൻ‌ജി, എ‌എം‌ടി വേരിയന്‍റുകളുടെ വില 7,000 രൂപ വരെ ഉയർന്നു. എസ്-പ്രസ്സോ പെട്രോൾ മാനുവൽ മോഡലിൽ വിലയിൽ മാറ്റമില്ല.


മാരുതി സ്വിഫ്റ്റ് എൽ‌എക്‌സ്​ഐ വേരിയന്‍റിന്​ 30,000 രൂപ വർധിച്ചു. മറ്റ്​ വേരിയന്‍റുകൾക്ക് വിലവർധനയില്ല. ഡിസയർ, വാഗൺ ആർ വില യഥാക്രമം 12,500, 23,200 രൂപ വരെ ഉയർന്നു. ബലേനോ, സിയാസ് എന്നിവക്ക്​ യഥാക്രമം 25,000 രൂപയും 26,000 രൂപയും കുടിയിട്ടുണ്ട്​. എൻട്രി ലെവൽ ആൾട്ടോയുടെ സ്റ്റാൻഡേർഡ് ട്രിമിന് 5,000 രൂപ വർധിച്ചു. വിഎക്‌സ്​ഐ പ്ലസ്​ വേരിയന്‍റിന് 14,000 രൂപവരെ കൂടിയിട്ടുണ്ട്​. സെലേറിയോ എൽ‌എക്‌സ്​ഐ(ഒ) വേരിയന്‍റിന് 9,100 രൂപയും വിഎക്‌സ്​ഐ എഎംടിക്ക് 19,400 രൂപയും വർധനവുണ്ട്​. വാഗൺ ആറിന്​ വ്യത്യസ്ത ട്രിമ്മുകളിലായി 23,200 രൂപവരെ വില വർധിക്കും. വാഗൺ ആർ 1.0 ലിറ്റർ എഞ്ചിൻ വേരിയന്‍റുകൾക്ക് 7,500 രൂപ വർധിച്ചു.


വിറ്റാര ബ്രെസ്സ എസ്‌യുവിയും അടിസ്ഥാന എൽ‌എക്‌സ്​ഐ, ടോപ്പ് എൻഡ് ഇസഡ്എക്​സ്​ഐ എടി ട്രിമ്മുകൾക്ക് യഥാക്രമം 5,000 രൂപയും 10,000 രൂപയും വിലകൂടി. 7 സീറ്റർ എർട്ടിഗ എംപിവിയുടെ വില 10,000 രൂപ ഉയർന്നു. യഥാക്രമം LXi, ZXi AT എന്നിവയ്‌ക്ക്​ 34,000 രൂപയും വർധിച്ചു. 7 സീറ്റുകളുള്ള മാരുതി സുസുക്കി ഇക്കോ വാണിജ്യേതര വേരിയന്‍റുകൾക്ക് 17,000 മുതൽ 23,400 രൂപ വരെ വില ഉയർത്തി. നെക്സ മോഡലുകൾക്ക് 26,000 രൂപ വരെയാണ്​ വർധിക്കുന്നത്​.

ബലേനോ പ്രീമിയം ഹാച്ച്ബാക്കിന് 5,000 മുതൽ 25,000 രൂപ വരെ വില വർധിച്ചു. ഇഗ്നിസിന് 3,000 മുതൽ 11,000 രൂപ വരെയാണ്​ വർധന. സിയാസ് സെഡാന് 26,000 രൂപ കൂടിയിട്ടുണ്ട്. എക്സ്എൽ 6 എംപിവിക്ക് ഓട്ടോമാറ്റിക് ട്രിമ്മുകളിൽ 10,000 രൂപ വർധനവുണ്ട്​. മാരുതി എസ്-ക്രോസിന്​ വിലകൂടിയിട്ടില്ല.

Show Full Article
TAGS:Maruti Suzuki pricehike swift baleno 
Next Story