Begin typing your search above and press return to search.
proflie-avatar
Login
exit_to_app
exit_to_app
Maruti Suzuki Celerio CNG launched at Rs 6.58 lakh
cancel
Homechevron_rightHot Wheelschevron_rightAuto Newschevron_right35.60 കിലോമീറ്റർ...

35.60 കിലോമീറ്റർ ഇന്ധനക്ഷമത, മാരുതിയുടെ വിശ്വസ്​തത; സെലേറിയോ സി.എൻ.ജി ​നിരത്തിൽ

text_fields
bookmark_border

സെലേറിയോ ഹാച്ച്​ബാക്കി​െൻറ സി.എൻ.ജി പതിപ്പുമായി മാരുതി. പെട്രോൾ സെലേറിയോയുടെ എൽഎക്സ്ഐ വേരിയന്റിലാണ്​ സി.എൻ.ജി വകഭേദം ഒവുക്കിയിരിക്കുന്നത്​. മാരുതിയുടെ ഫാക്ടറിയിൽ ഘടിപ്പിച്ച സിഎൻജി കിറ്റുമായാണ്​ പുതിയ സെലേറിയോ എത്തുന്നത്​. 6.58 ലക്ഷമാണ്​ വാഹനത്തി​െൻറ വില. പെട്രോൾ വാഹനത്തേക്കാൾ 95,000 രൂപ കൂടുതലാണിത്​. 35.60 km/kg നിരത്തിൽ ഇന്ധനക്ഷമത ലഭിക്കും. ഹ്യുണ്ടായ് സാൻട്രോ സിഎൻജിയും വരാനിരിക്കുന്ന ടാറ്റ ടിയാഗോ സിഎൻജിയുമായിരിക്കും പ്രധാന എതിരാളികൾ.

എഞ്ചിൻ വിശദാംശങ്ങൾ

പെട്രോൾ കാറിലെ അതേ 1.0-ലിറ്റർ K10C ഡ്യുവൽജെറ്റ് എഞ്ചിനാണ്​ സി.എൻ.ജി പതിപ്പിനും നൽകിയിരിക്കുന്നത്​. സി‌എൻ‌ജിയിൽ ഓടുമ്പോൾ സെലേറിയോക്ക്​ 57 എച്ച്‌പി കരുത്തും 82.1 എൻ‌എം ടോർക്കും ലഭിക്കും. പെട്രോളിനേക്കാൾ 10 എച്ച്‌പിയും 6.9 എൻ‌എമ്മും കുറവാണ്​.

5-സ്പീഡ് മാനുവൽ ഗിയർബോക്‌സാണ്​ നൽകിയിരിക്കുന്നത്​. അതേസമയം പെട്രോളിൽ പ്രവർത്തിക്കുന്ന സെലേറിയോയ്ക്ക് 5-സ്പീഡ് എഎംടിയും വാഗ്ദാനം ചെയ്യുന്നു. ഒരു സിലിണ്ടറിന് രണ്ട് ഇൻജക്ടറുകളുള്ള പുതിയ എഞ്ചിനിൽ സി‌എൻ‌ജി സംയോജിപ്പിക്കുന്നത് വെല്ലുവിളിയായിരുന്നില്ലെന്ന്​ എം‌എസ്‌ഐ‌എൽ ചീഫ് ടെക്‌നോളജി ഓഫീസർ സിവി രാമൻ പറഞ്ഞു.

പെട്രോൾ മോഡലുമായി താരതമ്യപ്പെടുത്തുമ്പോൾ, സിഎൻജിയിൽ പ്രവർത്തിക്കുന്ന സെലേറിയോയ്ക്ക് ഇന്റീരിയർ ഡിസൈനിലോ എക്​സ്​റ്റീരിയറിലോ ശ്രദ്ധേയമായ മാറ്റങ്ങളൊന്നും ഉണ്ടായിട്ടില്ല. പെട്രോൾ വാഹനത്തിൽനിന്ന് വേർതിരിച്ചറിയാൻ ടെയിൽ ഗേറ്റിൽ അധിക എസ്-സിഎൻജി ബാഡ്ജ് മാത്രമാണ്​ വ്യത്യാസം. കൂടാതെ, സി‌എൻ‌ജി ടാങ്ക് ബൂട്ടിൽ ഘടിപ്പിച്ചിരിക്കുന്നതിനാൽ, സെലേറിയോ സി‌എൻ‌ജിക്ക് കാര്യമായ അളവിൽ കാർഗോ സ്‌പേസ് നഷ്ടപ്പെടും.

വി.എക്​സ്​.​െഎ ട്രിമ്മിലെ എല്ലാ ഫീച്ചറുകളും വാഹനത്തിലുണ്ട്​. എയർ കണ്ടീഷനിംഗ്, സെൻട്രൽ ലോക്കിങ്​, പവർ വിൻഡോകൾ, ഇലക്ട്രിക് അഡ്ജസ്റ്റ് വിങ്​ മിററുകൾ, സ്പ്ലിറ്റ്-ഫോൾഡിങ്​ റിയർ സീറ്റ് തുടങ്ങിയവ ഇതിൽ ഉൾപ്പെടുന്നു. സുരക്ഷാ കിറ്റിൽ ഇരട്ട എയർബാഗുകൾ, എബിഎസ്, പിൻ പാർക്കിങ്​ സെൻസറുകൾ എന്നിവ സ്റ്റാൻഡേർഡാണ്​.

കൂടുതൽ മാരുതി സിഎൻജി മോഡലുകൾ അണിയറയിൽ

സെലേറിയോയെ പിന്തുടർന്ന്, മാരുതി സുസുകിയുടെ അരീന നിരയിലുള്ള കാറുകളിൽ നിന്ന് സ്വിഫ്റ്റ്, ഡിസയർ, വിറ്റാര ബ്രെസ്സ എന്നിവക്കും സി.എൻ.ജി നൽകാനുള്ള സാധ്യതയുണ്ട്​. മൂന്ന് കാറുകളുടെയും സി.എൻ.ജിപതിപ്പുകൾ നിലവിൽ വികസിപ്പിച്ചുകൊണ്ടിരിക്കുകയാണ്​. ഉപഭോക്താക്കൾക്ക് താൽപ്പര്യമുണ്ടെങ്കിൽ നെക്​സ മോഡലുകളിലും സി.എൻ.ജി കിറ്റുകൾ വാഗ്ദാനം ചെയ്യാൻ തയ്യാറാണെന്ന് മാരുതി സുസുക്കി നേരത്തെ പറഞ്ഞിരുന്നു. ഇഗ്‌നിസ്, എക്‌സ്‌എൽ6, ബലെനോ എന്നിവയുടെ സിഎൻജി മോഡലുകൾ ഭാവിയിൽ വരുമെന്നാണ്​ സൂചന.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:MarutiCNGMaruti SuzukilaunchedelerioCelerio CNG
News Summary - Maruti Suzuki Celerio CNG launched at Rs 6.58 lakh
Next Story