Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_rightജിംനി വരുമോ എന്ന്​...

ജിംനി വരുമോ എന്ന്​ ആരാധകർ​? സാധ്യത വിലയിരുത്തുകയാണെന്ന്​ മാരുതി

text_fields
bookmark_border
Maruti confirms it is evaluating Jimny
cancel

മാരുതിയുടെ എസ്​.യു.വിയായ ജിംനിയെ ഇന്ത്യയിലെത്തിക്കാനുള്ള സാധ്യതകൾ വിലയിരുത്തുകയാണെന്ന്​ കമ്പനി. 2020 ഓട്ടോ എക്‌സ്‌പോയിലാണ്​ ജിംനി ഇന്ത്യയിൽ അരങ്ങേറ്റം കുറിച്ചത്​. മെയ്ഡ്-ഇൻ-ഇന്ത്യ ജിംനികൾ നിലവിൽ നിരവധി അന്താരാഷ്ട്ര വിപണികളിലേക്ക് കയറ്റുമതി ചെയ്യുന്നുണ്ട്​. ആഭ്യന്തര വിപണിയിൽ വാഹനം എത്തിക്കുന്നതുസംബന്ധിച്ച്​ കമ്പനി ഇനിയും സ്​ഥിരീകരണം നൽകിയിട്ടില്ല. കഴിഞ്ഞ വർഷം ഫെബ്രുവരിയിൽ നടന്ന ഓട്ടോ എക്‌സ്‌പോയിൽ മോഡൽ പ്രദർശിപ്പിച്ചതുമുതൽ ജിംനിയുടെ ഇന്ത്യ ലോഞ്ചിനെക്കുറിച്ച് നിരവധി റിപ്പോർട്ടുകൾ പുറത്തുവന്നിരുന്നു.


'ആഭ്യന്തര വിപണിയിൽ ജിംനി എത്തിക്കാനുള്ള സാധ്യത ഞങ്ങൾ വിലയിരുത്തുന്നുണ്ട്​. ഓട്ടോ എക്​സ്പോയിൽ ജിംനിക്​ നല്ല പ്രതികരണമാണ് ലഭിച്ചത്. നിലവിൽ ഇതിന്‍റെ വിവിധ വശങ്ങൾ പഠിക്കുകയാണ്. എപ്പോൾ വേണമെങ്കിലും ഞങ്ങൾക്ക് വാഹനം ഇന്ത്യയിൽ പുറത്തിറക്കാൻ കഴിയും'-മാരുതി സുസുക്കി മാർക്കറ്റിംഗ് ആൻഡ് സെയിൽസ് എക്സിക്യൂട്ടീവ് ഡയറക്ടർ ശശാങ്ക് ശ്രീവാസ്തവ പറഞ്ഞു. ജിംനിക്കായി വാഹന പ്രേമികൾ കാത്തിരിപ്പ്​ തുടങ്ങിയിട്ട്​ ഏറെ നാളായി. ചിത്രങ്ങളും വീഡിയോയും കാട്ടി കൊതിപ്പിക്കുന്നതല്ലാതെ എന്നാണ്​ ജിംനി ഇന്ത്യയിലെത്തുക എന്ന്​ ഇനിയും മാരുതി സുസുക്കി വെളിപ്പെടുത്തിയിട്ടില്ല. നേരത്തേ ​മാരുതിയുടെ മനേസർ പ്ലാൻറിൽ നിന്ന്​ ഒരു ബാച്ച്​ ജിംനികൾ ​പ്രൊഡക്ഷൻ ലൈൻ വിട്ടിറങ്ങുന്ന ചിത്രങ്ങൾ പുറത്തുവന്നിരുന്നു.


ജിംനി, മഹീന്ദ്രക്ക്​ പോന്ന എതിരാളി

സുസുക്കി ജിംനിയെ നമ്മുക്ക്​ മഹീന്ദ്ര ഥാറി​െൻറ നേരിട്ടുള്ള എതിരാളിയായി കണക്കാക്കാം​. വിദേശ വിപണിയിൽ മൂന്നും അഞ്ചും വാതിലുള്ള ജിംനികൾ ലഭ്യമാണ്​. ഇന്ത്യയിൽ ഏതായാലും അഞ്ച്​ വാതിലുള്ള ജിംനിയാകും വരിക. 3550 മില്ലീമീറ്റർ നീളവും 1645 മില്ലീമീറ്റർ വീതിയും 1730 മില്ലീമീറ്റർ ഉയരവും ഉള്ള വാഹനമാണ്​ ജിംനി. 2250 മില്ലിമീറ്ററാണ് വീൽബേസ്. ഇന്ത്യയെ സംബന്ധിച്ചിടത്തോളം 1.5 ലിറ്റർ നാല് സിലിണ്ടർ കെ 15 ബി മിൽഡ്-ഹൈബ്രിഡ് പെട്രോൾ എഞ്ചിനാകും വാഹനത്തിൽ വരിക. 104.7 പിഎസും 138 എൻഎം ടോർക്കും ഉത്പാദിപ്പിക്കാം. സിയാസ്, എക്സ് എൽ 6, എസ്-ക്രോസ്, വിറ്റാര ബ്രെസ്സ എന്നിവയുൾപ്പെടെ മറ്റ് മാരുതി വാഹനങ്ങളിൽ ഇൗ എഞ്ചിൻ നിലവിലുണ്ട്​. 9 മുതൽ 15 ലക്ഷം വരെ വിലയാണ് പ്രതീക്ഷിക്കപ്പെടുന്നത്​.

Show Full Article
TAGS:maruti Jimny Maruti Suzuki automobile 
Next Story