ആൾ​ട്ടോക്ക്​ 20 വയസ്സ്​; വിറ്റത്​ 40 ലക്ഷം കാറുകൾ

ന്യൂഡൽഹി: മാരുതി സുസുകി ആൾ​ട്ടോ നിർമാണം തുടങ്ങി 20 വർഷം പിന്നിടു​േമ്പാൾ വിറ്റത്​ 40 ലക്ഷം കാറുകൾ. രാജ്യത്ത്​ 40 ലക്ഷത്തിലേറെപേർ ആൾ​ട്ടോ ഉപയോഗിക്കുന്നുവെന്നത്​ ചരിത്രപരവും അഭിമാനാർഹവുമായ നേട്ടമാണെന്ന്​ കമ്പനി വ്യക്​തമാക്കി.

രണ്ടുപതിറ്റാണ്ടിനിടെ അടിസ്​ഥാന മോഡലിൽ ഉപഭോക്​താക്കളുടെ താൽപര്യമനുസരിച്ച്​ നിരവധി മാറ്റങ്ങളോടെയാണ്​ വിപണിയിൽ എത്തിച്ചത്​. 16 വർഷത്തിനിടെ ഇന്ത്യൻ വിപണിയിൽ ഏറ്റവും കൂടുതൽ വിൽപന നടത്തിയ മോഡലെന്ന ഖ്യാതിയും ആൾ​ട്ടോക്ക്​ സ്വന്തമാണെന്ന്​ എക്​സി. ഡയറക്​ടർ (മാർക്കറ്റിങ്​ ആൻഡ്​ സെയിൽസ്​) ശശാങ്ക്​ ശ്രീവാസ്​തവ പറഞ്ഞു.

2000ത്തിലാണ്​ മാരുതി ആൾ​ട്ടോ വിപണിയിൽ ഇറക്കിയത്​. 2008ൽ വിൽപന 10 ലക്ഷവും 2012ൽ 20 ലക്ഷവും 2016ൽ 30 ലക്ഷവും പിന്നിട്ടു. 40 രാജ്യങ്ങളിലേക്ക്​ കയറ്റുമതിയുമുണ്ട്​.