Begin typing your search above and press return to search.
proflie-avatar
Login
exit_to_app
exit_to_app
Homechevron_rightHot Wheelschevron_rightAuto Newschevron_rightനിരത്തുകളിൽ ഇനി...

നിരത്തുകളിൽ ഇനി കരിമ്പുലി വാഴും കാലം; ലാൻഡ്​ റോവർ ഡിഫൻഡർ വി 8 ന്‍റെ കരുത്തിൽ

text_fields
bookmark_border
Land Rover Defender V8 revealed
cancel

ലാൻഡ്​റോവറിന്‍റെ കരുത്തനായ എസ്​.യു.വി ഡിഫൻഡർ ഇനിമുതൽ വി 8 എഞ്ചിനിലും. എക്കാലത്തെയും ശക്തനായ ഡിഫെൻഡറായി ഇതോടെ വാഹനം മാറും. ഡിഫെൻഡർ വി 8 ന്​ 525 എച്ച്പി, 5.0 ലിറ്റർ, സൂപ്പർചാർജ്ഡ് 'എജെ' വി 8 എഞ്ചിനാണ്​ നൽകിയിരിക്കുന്നത്​. സൗന്ദര്യവർധക്കായി ക്വാഡ് എക്‌സ്‌ഹോസ്റ്റ്, 22 ഇഞ്ച് വീലുകൾ, ബ്ലൂ ഫ്രണ്ട് ബ്രേക്ക് കാലിപ്പറുകൾ എന്നിവയും ഉൾപ്പെടുത്തിയിട്ടുണ്ട്​. കരുത്തേറിയ സസ്പെൻഷനും ആന്‍റി-റോൾ ബാറുകളും വാഹനത്തിലുണ്ട്​.


എഞ്ചിനാണ്​ താരം

5.0 ലിറ്റർ സൂപ്പർചാർജ്ഡ് എജെ വി 8 എഞ്ചിൻ റേഞ്ച് റോവർ സ്പോർട്​, ജാഗ്വാർ എഫ്-ടൈപ്പ് എന്നിവയുൾപ്പെടെയുള്ള പ്രകടന-കേന്ദ്രീകൃത മോഡലുകളിൽ നേരത്തേ വന്നിട്ടുള്ളതാണ്​. വി 8 ഡിഫെൻഡറിന്​ പൂജ്യത്തിൽ നിന്ന്​ 100 കിലോമീറ്റർ വേഗമാർജിക്കാൻ വെറും 5.2 സെക്കൻഡ്​ മതിയാകും. ഷോർട്ട് വീൽബേസുള്ള ത്രീ-ഡോർ 90 വേഷത്തിൽ 240 കിലോമീറ്റർ വരെ വാഹനം വേഗത കൈവരിക്കും. പുതിയ ഡിഫെൻഡർ ഹാൻഡ്​ലിങിലും മികവുപുലർത്തുന്ന വാഹനമാണ്​.

സ്റ്റാൻഡേർഡ് ഡിഫെൻഡറിലെ ടെറൈൻ റെസ്‌പോൺസ് സിസ്റ്റം, ഓഫ്‌-റോഡ് ഡ്രൈവിങ്​ മോഡുകൾ എന്നിവക്കുപുറമേ, വി 8 പതിപ്പിൽ പുതിയ ഡൈനാമിക് സെറ്റിങ്ങും ഉൾപ്പെടുത്തിയിട്ടുണ്ട്​. ഇത് ത്രോട്ടിൽ റെസ്​പോൺസ്​ വർധിപ്പിക്കുകയും തുടർച്ചയായി വേരിയബിൾ ഡാംപറുകൾ ക്രമീകരിച്ച്​ ഡ്രൈവിങ്​ ആസ്വാദ്യകരമാക്കുകയും ചെയ്യും. വി 8 ൽ ഉറച്ച സസ്പെൻഷൻ ബുഷുകളും ഫ്ലാറ്റർ കോർണറിംഗിനായി ആന്‍റി-റോൾ ബാറുകളും ഉണ്ട്.


പുതിയ ഡിഫെൻഡർ എന്ന്​ ഇന്ത്യയിൽ എത്തുമെന്ന്​ ലാൻഡ്​റോവർ വെളിപ്പെടുത്തിയിട്ടില്ല. നിലവിൽ സ്റ്റാൻഡേർഡ് വാഹനം ഇവിടെ വിൽക്കുന്നുണ്ട്​. 2021 മോഡൽ ലാൻഡ് റോവർ ഡിഫെൻഡർ 110 ബേസ്' 2.0 ലിറ്റർ പെട്രോൾ ട്രിമ്മിന്‍റെ വില 80.56 ലക്ഷം രൂപയാണ്​. ഉയർന്ന വകഭേദമായ 3.0 ലിറ്റർ ഹൈബ്രിഡ് ഡീസൽ ഡിഫെൻഡർ എക്‌സിന് (എക്സ്-ഷോറൂം, പാൻ-ഇന്ത്യ) 1.08 കോടി രൂപ വിലവരും.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:automobileland roverLand Rover DefenderDefender V8
Next Story