Begin typing your search above and press return to search.
exit_to_app
exit_to_app
ഇന്ത്യക്കായി ഒരുങ്ങി ഹുറാകാൻ എസ്​.ടി.ഒ; ഇത്​ ട്രാക്കിലെ കറുത്ത കുതിര
cancel
Homechevron_rightHot Wheelschevron_rightAuto Newschevron_rightഇന്ത്യക്കായി ഒരുങ്ങി...

ഇന്ത്യക്കായി ഒരുങ്ങി ഹുറാകാൻ എസ്​.ടി.ഒ; ഇത്​ ട്രാക്കിലെ കറുത്ത കുതിര

text_fields
bookmark_border

ലംബോർഗിനി ഹുറാകാൻ, സൂപ്പർ കാറുകളിലെ കിരീടംവയ്​ക്കാത്ത രാജാവെന്നാണ്​ ഹുറാകാൻ അറിയപ്പെടുന്നത്​. ഹുറാകാൻ എസ്​.ടി.ഒ എന്നുപറഞ്ഞാൽ അതിലും കടുപ്പമുള്ള ഒന്നാണ്​. റോഡുകളല്ല ട്രാക്കാണ്​ ഇവരുടെ താവളം. സ്​റ്റാ​േൻറർഡ്​ ഹുറാകാനുകളേക്കാൾ പരിഷ്​കരിക്കപ്പെട്ട വാഹനമാണിത്​. 5.2ലിറ്റർ വി 10 എഞ്ചിനാണ്​ എസ്​.ടി.ഒകളുടെ കരുത്ത്​. 640 എച്ച്​.പി കരുത്തിൽ പൂജ്യത്തിൽ നിന്ന്​ 100 കി​ലോമീറ്റർ എത്താൻ കേവലം 3.0 സെക്കൻഡുകളാണ്​ വാഹനത്തിന്​ വേണ്ടത്​. ഇൗ മാസം 15ന്​ വാഹനം ഇന്ത്യയിലെത്തിക്കുമെന്ന്​ ലംബോർഗിനി അധികൃതർ പറഞ്ഞു.


മാറ്റങ്ങൾ

മറ്റ്​ ഹുറാക്കാനുകളുമായി താരതമ്യപ്പെടുത്തിയാൽ എസ്​.ടി.ഒകൾക്ക്​ ട്രാക്കിൽ സഞ്ചരിക്കാനുള്ള സവിശേഷതകളാണ്​ അധികം ലഭിക്കുന്നത്​. ഹുറാക്കാൻ ഇവോയ്‌ക്കും ജിടി 3 റേസിങ്​ മോഡലുകൾക്കും നൽകിയിട്ടുള്ള നിരവധി പ്രത്യേകതകൾ എസ്​.ടി.ഒക്കും നൽകിയിട്ടുണ്ട്​. ഡൗൺഫോഴ്‌സ് (റോഡ്​ പിടുത്തം) മെച്ചപ്പെടുത്തുകയും എഞ്ചിൻ കൂളിംഗ് വർധിപ്പിക്കുകയും ചെയ്യുന്ന മാറ്റങ്ങൾ ഇതിൽപ്പെടും.

റേസ് കാർ സ്റ്റൈലിങിനായി​ ഫ്രണ്ട് ഫെൻഡർ, ബോണറ്റിലെ വെൻറുകൾ, പുതിയ ഫ്രണ്ട് സ്പ്ലിറ്റർ, നാക എയർ ഇൻടേക്കുകൾ, എഞ്ചിൻ കവറിലെ എയർസ്‌കൂപ്പ്, ഡിഫ്ലെക്ടർ ഡിസൈൻ, ക്രമീകരിക്കാവുന്ന സ്‌പോയിലർ, മഗ്നീഷ്യം വീലുകൾ, പുതിയ റിയർ ഡിഫ്യൂസർ, പുനർ‌രൂപകൽപ്പന ചെയ്‌ത അണ്ടർ‌ബോഡി എന്നിവയെല്ലാം നൽകിയിട്ടുണ്ട്​​. ഭാരം ലാഭിക്കാനായി കാറി​െൻറ ബോഡി പാനലുകളിൽ 75 ശതമാനവും കാർബൺ ഫൈബറിലാണ് നിർമിച്ചതെന്ന് ലംബോർഗിനി പറയുന്നു.


കാർബൺ ഫൈബർ പിന്തുണയുള്ള സ്‌പോർട്‌സ് സീറ്റുകൾ, കാർബൺ ഫൈബർ ഫ്ലോർ മാറ്റുകൾ തുടങ്ങി കാർബണി​െൻറ വ്യാപകമായ ഉപയോഗം ഭാരം ലാഭിക്കാൻ സഹായിച്ചിട്ടുണ്ട്​. അടുത്തിടെ നിർത്തലാക്കിയ ഹുറാക്കാൻ പെർഫോർ​മെൻറിനേക്കാൾ 43 കിലോഗ്രാം ഭാരം കുറഞ്ഞതും 53 ശതമാനം കൂടുതൽ ഡൗൺഫോഴ്‌സ് ഉണ്ടാക്കുന്നതുമായ വാഹനമാണിത്​. ​ 7 സ്പീഡ്, ഡ്യുവൽ ക്ലച്ച് ഓട്ടോമാറ്റിക് ഗിയർബോക്സ് വഴി പിൻ ചക്രങ്ങളിലേക്കാണ്​ കരുത്തുപകരുന്നത്​. കടുപ്പമുള്ള സ്​പ്രിങ്ങുകൾ, വിശാലമായ ട്രാക്​ പുതിയ ആൻറി-റോൾ ബാറുകൾ, മികച്ച സ്റ്റിയറിംഗ്, കാർബൺ സെറാമിക് ബ്രേക്കുകൾ എന്നിവയാണ് മറ്റ് മെക്കാനിക്കൽ അപ്‌ഗ്രേഡുകൾ. റിയർ വീൽ സ്റ്റിയറിംഗും ഹുറാക്കൻ എസ്​ടിഒയിൽ ഉണ്ട്.


ലംബോർഗിനി ഇന്ത്യയിൽ

ഓൾ-വീൽ ഡ്രൈവ്, റിയർ-വീൽ ഡ്രൈവ്, കൂപ്പെ, സ്‌പൈഡർ മോഡലുകളെ പിന്തുടർന്ന് ഇന്ത്യയിൽ വിൽപ്പനയ്‌ക്കെത്തുന്ന അഞ്ചാമത്തെ ഹുറാക്കാൻ വേരിയൻറാണ്​ എസ്‌ടിഒ. ഹുറാക്കാനെ മാറ്റിനിർത്തിയാൽ, ലംബോർഗിനിയുടെ ഇന്ത്യ ലൈനപ്പിൽ ഉറൂസ്​ എസ്‌യുവിയും അവന്തഡോർ സൂപ്പർകാറുമാണ്​ പിന്നീട്​ വരുന്നത്​.

Show Full Article
TAGS:Lamborghini Huracan Huracan STO India launch 
Next Story