Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_rightകോമാകി ഇ.വി...

കോമാകി ഇ.വി കേരളത്തിലും; 125 കിലോമീറ്റർ റേഞ്ച്​, സ്​കൂട്ടറും ബൈക്കും വിൽപ്പനക്ക്​

text_fields
bookmark_border
Komaki Electric Scooter And Motorcycle Launched
cancel

ഡൽഹി ആസ്ഥാനമായുള്ള വൈദ്യുത ഇരുചക്ര വാഹന നിർമാതാക്കളായ കൊമാകി നാല് പുതിയ ഡീലർഷിപ്പുകളുമായി കേരളത്തിലേക്ക്​. കൊല്ലത്ത്​ ആരംഭിച്ച ആദ്യ ഷോറൂം മേയർ പ്രസന്ന ഏണസ്റ്റും എംപിമാരും എം‌എൽ‌എമാരും ചേർന്ന് ഉദ്ഘാടനം ചെയ്തു. 1,800-2,400 ചതുരശ്ര അടി വിസ്തീർണ്ണമുള്ള വിശാലമായ ഷോറൂമാണ്​ ഇവിടെ ഒരുക്കിയിരിക്കുന്നത്​. കൊമാകി ശ്രേണിയിലുള്ള ഇലക്ട്രിക് വാഹനങ്ങളെല്ലാം ഷോറൂമിൽ വിൽപ്പനക്ക്​ എത്തും. സ്​കൂട്ടറുകൾ, ബൈക്കുകൾ, ഇ റിക്ഷ തുടങ്ങി വിപുലമായ വാഹനനിരയാണ്​ കോമാക്കിക്കുള്ളത്​.


കൊമാകി ടിഎൻ 95, കൊമാകി എസ്ഇ, കൊമാക്കി എം 5 എന്നിവയാണ്​ പ്രധാന വാഹനങ്ങൾ. അടുത്തിടെ അവതരിപ്പിച്ച എക്സ്ജിടി ക്യാറ്റ് 2.0 വാണിജ്യ ഇലക്ട്രിക് ബൈക്കും പ്രധാന ഉത്​പന്നമാണ്​​. രണ്ട് വേരിയന്‍റുകളാണ് ഈ ഇലക്ട്രിക് ബൈക്ക് വാഗ്ദാനം ചെയ്യുന്നത്. ജെൽ അധിഷ്ഠിത ബാറ്ററി ടെക്കിന് 75,000 രൂപയും ലിഥിയം-അയൺ പതിപ്പിന് 85,000 രൂപയുമാണ് വില. 300-350 കിലോഗ്രാം പേലോഡ് ശേഷിയുണ്ട്​. സിംഗിൾ ചാർജിൽ 125 കിലോമീറ്റർ ദൂരം സഞ്ചരിക്കും. എൽഇഡി ഹെഡ്‌ലാമ്പുകൾ, ഡിജിറ്റൽ ഇൻസ്​ട്രുമെന്‍റ്​ ക്ലസ്റ്റർ, മുൻവശത്ത് കാരിയർ, വശങ്ങളിലും പിൻഭാഗത്തും ധാരാളം സംഭരണ ഇടങ്ങൾ തുടങ്ങിയവ സവിശേഷതകളാണ്​.


പിന്നിൽ ആറ്​​ ഷോക്ക് അബ്സോർബറുകൾ, മുൻവശത്തെ ടെലിസ്‌കോപ്പിക് യൂനിറ്റുകൾ, രണ്ട് അറ്റത്തും ഡിസ്ക് ബ്രേക്കുകൾ എന്നിവ ഉപയോഗിച്ചിട്ടുണ്ട്​. 12 ഇഞ്ച് അലോയ് വീലുകളാണ്​. 72 വി 42 ജെൽ ബാറ്ററിയും 72 വി 30 ലിഥിയം അയൺ ബാറ്ററിയും ഉൾപ്പെടുന്ന രണ്ട് ബാറ്ററി ഓപ്ഷനുകളാണ്​ കൊമാകി എക്സ്ജിടി ക്യാറ്റ് 2.0 നുള്ളത്​. 125 കിലോമീറ്റർ റേഞ്ച്​ ലഭിക്കും. മണിക്കൂറിൽ 25-30 കിലോമീറ്റർ മാത്രമാണ്​ വേഗത.

സ്​കൂട്ടറുകളും മോ​ട്ടോർ സൈക്കിളും

ടിഎൻ 95, എസ്ഇ സ്കൂട്ടറുകൾ, എം 5 മോട്ടോർസൈക്കിൾ എന്നിവയും കൊമാകി വിൽക്കുന്നുണ്ട്​. ടിഎൻ 95, എസ്ഇ എന്നിവയുടെ വില യഥാക്രമം 98,000 രൂപയും 96,000 രൂപയുമാണ്. എം 5 ഇലക്ട്രിക് മോട്ടോർസൈക്കിളിന് 99,000 രൂപയാണ് വില. ഗാർനെറ്റ് റെഡ്, ഡീപ് ബ്ലൂ, മെറ്റാലിക് ഗോൾഡ്, ജെറ്റ് ബ്ലാക്ക് എന്നീ നിറങ്ങളിൽ ലഭിക്കുന്ന ടിഎൻ 95 ഇലക്ട്രിക് സ്‌കൂട്ടറിന് 3,000 ബിഎൽഡിസി മോട്ടോറും ലിഥിയം അയൺ ബാറ്ററിയുണ്ട്. ഓൾ-ഡിജിറ്റൽ ഇൻസ്ട്രുമെന്‍റ്​ ക്ലസ്റ്റർ, എൽഇഡി ലാമ്പുകൾ, യുഎസ്ബി മൊബൈൽ ചാർജർ, ആന്‍റി തെഫ്റ്റ് സിസ്റ്റം എന്നിവ ഉൾക്കൊള്ളുന്ന വാഹനത്തിന്‍റെ റേഞ്ച്​ 100-140 കിലോമീറ്ററാണ്​. മണിക്കൂറിൽ 85 കിലോമീറ്റർ വേഗതയും വാഗ്ദാനം ചെയ്യുന്നു.


സോളിഡ് ബ്ലൂ, മെറ്റാലിക് ഗോൾഡ്, ജെറ്റ് ബ്ലാക്ക്, ഗാർനെറ്റ് റെഡ് എന്നീ നാല് നിറങ്ങളിൽ കോമാകി എസ്ഇ സ്കൂട്ടർ ലഭിക്കും. സിംഗിൾ ചാർജിൽ 100-120 കിലോമീറ്റർ ദൂരം സഞ്ചരിക്കും. ഫുൾ കളർ ഡിസ്പ്ലേ, സെൽഫ് ഡയഗ്നോസിസ് സ്വിച്ച്, റിവേഴ്സ് പാർക്കിങ്​ അസിസ്റ്റ്, ക്രൂസ് കൺട്രോൾ എന്നിവയുമുണ്ട്​. എം 5 മോട്ടോർസൈക്കിൾ അവരുടെ ആദ്യത്തെ അതിവേഗ ഇലക്ട്രിക് ബൈക്കാണ്. ലിഥിയം അയൺ ബാറ്ററിയാണിതിൽ. സിംഗിൾ ചാർജിൽ 100-120 കിലോമീറ്റർ ഡ്രൈവിംഗ് ശ്രേണി അവകാശപ്പെടുന്നു. സിൽവർ, ഗോൾഡ് കളർ ഓപ്ഷനുകളിലാണ് ഇത് വാഗ്ദാനം ചെയ്യുന്നത്. കൊമാകി നിരയിലെ ഓരോ വാഹനവും ഗുണനിലവാരത്തിന്‍റെ അടിസ്ഥാനത്തിൽ നിരവധി പരിശോധനകൾക്ക് വിധേയമാണെന്ന്​ കമ്പനി അധികൃതർ പറയുന്നു.

Show Full Article
TAGS:Komaki Electric Scooter Launched kerala 
Next Story