Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_rightകിയയുടെ പുതുതലമുറ...

കിയയുടെ പുതുതലമുറ വൈദ്യുത വാഹനം തയ്യാർ; പേര്​ ഇ.വി 6, ചിത്രം ടീസ്​ ചെയ്​ത്​ കമ്പനി

text_fields
bookmark_border
Kia Teases Its First Dedicated Electric
cancel

കിയയുടെ പുതുതലമുറ വൈദ്യുത വാഹനമായ ഇ.വി 6ന്‍റെ ചിത്രം ടീസ്​ ചെയ്​ത്​ കമ്പനി. ഇലക്ട്രിക് വാഹനങ്ങൾക്കായി പ്രത്യേകമായി വികസിപ്പിച്ചെടുത്ത പ്ലാറ്റ്ഫോമിലാണ് ഇവി 6 നിർമിച്ചിരിക്കുന്നത്​.​ ഇലക്ട്രിക്-ഗ്ലോബൽ മോഡുലാർ പ്ലാറ്റ്ഫോം അഥവാ ഇ-ജി എംപി എന്നാണ്​ പുതിയ പ്ലാറ്റ്​​േഫാം അറിയപ്പെടുന്നത്​. പുതുതലമുറ ഇലക്ട്രിക് വാഹനങ്ങൾക്കായി പുതിയൊരു ഡിസൈൻ തീമും കിയ നേരത്തേ അവതരിപ്പിച്ചിരുന്നു. പുറത്തുവന്ന ചിത്രങ്ങളിൽനിന്ന്​ വാഹനത്തിന്‍റെ പൂർണരൂപം ലഭ്യമല്ല.


ക്രോസോവർ ഛായയുള്ള വാഹനമാണ്​ ഇ.വി 6. കൂപ്പെകളെ അനുസ്​മരിക്കുന്ന രൂപമെന്നും സാമാന്യമായി പറയാം. അൽപ്പം കൂത്ത മുൻവശമാണ്​ വാഹനത്തിനുള്ളത്​. 'ഞങ്ങളുടെ പുതിയ ഡിസൈൻ തീമിന്‍റെ മൂർത്തീഭാവമാണ് ഇവി 6. ദൈനംദിന ജീവിതത്തെ മെച്ചപ്പെടുത്തുന്ന സ്വാഭാവിക അനുഭവമാകണം വാഹനമെന്നാണ്​ ഞങ്ങൾ തീരുമാനിച്ചിരിക്കുന്നത്​. ഒപ്പം ലളിതവും ഉപഭോക്​താക്കൾ ഉപയോഗപ്രദവുമാകണം'-കിയ ഗ്ലോബൽ ഡിസൈൻ സെന്‍റർ സീനിയർ വൈസ് പ്രസിഡന്‍റ്​ കരീം ഹബീബ് പറഞ്ഞു. കമ്പനിയുടെ ബ്രാൻഡ് പരിവർത്തനത്തിന്‍റെ ഭാഗമായി പുതിയ നാമകരണ തന്ത്രമാണ്​ വൈദ്യുത വാഹനങ്ങൾക്കായി കിയ സ്വീകരിച്ചിരിക്കുന്നത്​.


കിയയുടെ എല്ലാ പുതിയ വൈദ്യുത വാഹനങ്ങളുടേയും പേര്​ 'EV' എന്നായിരിക്കും ആരംഭിക്കുക. ഇത് കിയയുടെ ഉൽപ്പന്നങ്ങളിൽ ഏതാണ് പൂർണ്ണമായും വൈദ്യുതിയിലോടുന്നതെന്ന്​ ഉപയോക്താക്കൾക്ക് മനസ്സിലാക്കാൻ സഹായിക്കും. 'EV' ക്ക്​ ശേഷം ലൈനപ്പിലെ കാറിന്‍റെ സ്ഥാനവുമായി പൊരുത്തപ്പെടുന്ന ഒരു സംഖ്യയാകും വരിക. ​കിയയുടെ ആദ്യത്തെ ഇലക്​ട്രിക്​ വെഹിക്കിൾ അല്ല ഇ.വി 6. ഇ-നീറോ, സോൾ ഇവി എന്നിങ്ങനെ രണ്ട്​ വൈദ്യുത വാഹനങ്ങൾ കിയ നേരത്തേ പുറത്തിറക്കിയിട്ടുണ്ട്​.

Show Full Article
TAGS:Kia Electric Vehicle Kia EV 6 automobile 
Next Story