Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_rightകാവാസാക്കി സൂപ്പർ...

കാവാസാക്കി സൂപ്പർ നേക്കഡ്​ റോഡ്​സ്റ്റർ ഇന്ത്യയിൽ; വില 26 ലക്ഷം

text_fields
bookmark_border
കാവാസാക്കി സൂപ്പർ നേക്കഡ്​ റോഡ്​സ്റ്റർ ഇന്ത്യയിൽ; വില 26 ലക്ഷം
cancel

കാവാസാക്കി ഇന്ത്യൻ വിപണിയിൽ സൂപ്പർ നേക്കഡ്​ റോഡ്​സ്റ്റർ മോഡലുകളായ ഇസഡ്​ എച്ച്​ 2, ഇസഡ്​ എച്ച്​ 2 എസ്​ ഇ മോട്ടോർസൈക്കിളുകൾ അവതരിപ്പിച്ചു. ജനപ്രിയമായ കവാസാക്കി എച്ച് 2 ഹൈപ്പർ ബൈക്കിന്‍റെ അതേ സൂപ്പർചാർജ്ഡ് പ്ലാറ്റ്ഫോമിലാണ് റോഡ്സ്റ്ററുകൾ നിർമിച്ചിരിക്കുന്നത്​. അടിസ്ഥാന വേരിയന്‍റായ ഇസഡ് എച്ച്​ 2 വിന്​ 21.90 ലക്ഷവും ഉയർന്ന സ്പെക്ക് എസ്ഇ വേരിയന്‍റിന് 25.90 ലക്ഷം വിലവരും.


കാവാസാകിയുടെ സുഗോമി രൂപകൽപ്പനയാണ് പുതിയ ബൈക്കിന്​. മൊത്തം എൽഇഡി ലൈറ്റിംഗും ബ്ലൂടൂത്ത് സംവിധാനമുള്ള 4.3 ഇഞ്ച് കളർ ഇൻസ്ട്രുമെന്‍റ്​ ക്ലസ്റ്ററും ബൈക്കിലെ പ്രധാന സവിശേഷതകളിൽ ചിലതാണ്. കമ്പനിയുടെ 'റൈഡിയോളജി' ആപ്ലിക്കേഷനുമായി സംയോജിപ്പിച്ചാൽ ബൈക്കിന്‍റെ എല്ലാ വിവരങ്ങളും മൊബൈലിൽ നമ്മുക്ക്​ ലഭ്യമാകും. 998 സിസി, ഇൻ-ലൈൻ നാല് സിലിണ്ടർ, ലിക്വിഡ്-കൂൾഡ്, ഡി‌എ‌എച്ച്‌സി, 16-വാൽവ്, സൂപ്പർചാർജ്ഡ് എഞ്ചിനാണ്​ ഈ കാളക്കൂറ്റന്​ കരുത്തുപകരുന്നത്​. 197.2 ബിഎച്ച്പി കരുത്ത്​ എഞ്ചിൻ ഉത്​പാദിപ്പിക്കും.


ആറ് സ്പീഡ് ഗിയർബോക്സും സ്ലിപ്പർ ക്ലച്ചുമായി വരുന്ന വാഹനം പെർഫോമൻസിൽ ഏത്​ ലോകോത്തര സൂപ്പർ ബൈക്കുകളുമായും കിടിപിടിക്കും. ഷോവ എസ്‌എഫ്‌എഫ്-ബിപി ഫ്രണ്ട് ഫോർക്കുകളുംഷോവ റിയർ മോണോ ഷോക്കുമാണ്​ സസ്​പെൻഷൻ പ്രവൃത്തികൾ ചെയ്യുന്നത്​. നഗ്നമായ വാഹന ശരീരം ട്രെല്ലിസ് ഫ്രെയിമിലാണ്​ നിറച്ചിരിക്കുന്നത്​. ഉയർന്ന വേരിയന്‍റായ ഇസഡ്​ എച്ച്​ 2 എസ്​ഇയിൽ ഷോവയുടെ സ്കൈഹൂക്ക് സാങ്കേതികവിദ്യ ഉപയോഗിക്കുന്ന ഇല​ക്​ട്രോണിക്​ സസ്​പെൻഷനാണ്​ ഉൾപ്പെടുത്തിയിരിക്കുന്നത്​.


ട്രാക്ഷൻ കൺട്രോൾ, എബിഎസ്, ലോഞ്ച് കൺട്രോൾ, പവർ മോഡുകൾ (ഫുൾ, മിഡിൽ, ലോ), മൂന്ന് റൈഡിംഗ് മോഡുകൾ (സ്പോർട്​, റോഡ്, റെയിൻ), ക്വിക്ക് ഷിഫ്റ്റർ, ക്രൂയിസ് കൺട്രോൾ എന്നിവ ബൈക്കിൽ ഉൾപ്പെടുത്തിയിട്ടുണ്ട്​.

Show Full Article
TAGS:Kawasaki naked bike Kawasaki ZH2 automobile 
Next Story