ജീപ്പ്​ ഗ്ലാഡിയേറ്റർ വില്ലീസ്​; ഒാഫ്​റോഡറുകളിലെ മാരക വെർഷൻ

ജീപ്പ്​ വില്ലീസ്​, ലോകത്തിലെ എക്കാലത്തേയും മികച്ച ഒാഫ്​റോഡറുകളിൽ ഒന്നാണിത്​​. പുതിയ ഗ്ലാഡിയേറ്റർ സീരീസിൽ വില്ലീസ്​ എന്ന പേരുകൂടി ഉൾപ്പെടുത്തി പുതിയൊരു വേരിയൻറ്​ അവതരിപ്പിച്ചിരിക്കുകയാണ്​ ജീപ്പ്​. ഗ്ലാഡിയേറ്റർ സ്പോർട്ട്, സ്പോർട്ട് എസ് എന്നിവ അടിസ്ഥാനമാക്കിയാണ്​ ജീപ്പ് ഗ്ലാഡിയേറ്റർ വില്ലീസ് 2021 നിർമിച്ചിരിക്കുന്നത്​. ഓഫ്-റോഡിങ്​ കഴിവുകൾ മെച്ചപ്പെടുത്തിയാണ്​ പുതിയ വാഹനം വിപണിയിൽ എത്തുന്നത്​. ജീപ്പി​െൻറ ​െഎതിഹാസികമായ ഫോർവീൽ, ക്രൂസിങ്​ കഴിവുകളുടെ സമന്വയമാണ്​ ജീപ്പ് ഗ്ലാഡിയേറ്റർ വില്ലിസ് 2021ലുള്ളത്​. ഇതോടൊപ്പം ആക്രമണാത്മക രൂപവും ഒത്തുചേർന്നിട്ടുണ്ട്​.

ലിമിറ്റഡ്-സ്ലിപ്പ് ഡിഫറൻഷ്യൽ (റിയർ), റുബിക്കൺ ക്യാബ് റോക്​ റെയിലുകളും ഷോക്​ അബ്സോർബറും, 32 ഇഞ്ച് ബിഎഫ് ഗുഡ്രിക്ക് കെഎം 2 മഡ് ടെറൈൻ ടയറുകൾ, കമാൻഡ്-ട്രാക്​ 4 × 4, രണ്ട് സ്​പീഡ് ട്രാൻസ്​ഫർ കേസ് തുടങ്ങിയ അത്യാധുനിക സംവിധാനങ്ങൾ വാഹനത്തിലുണ്ട്​. രൂപത്തിലും ഗ്ലാഡിയേറ്റർ വില്ലീസിന്​ ചില പ്രത്യേകതകളുണ്ട്​. കറുത്ത 17 ഇഞ്ച് അലോയ് വീലുകൾ, ഗ്ലോസ് ബ്ലാക്ക് ഗ്രിൽ, പ്രത്യേകം ഡിസൈൻ ചെയ്​ത ടെയിൽഗേറ്റ്​ പ്രത്യേകതകളാണ്​.

ക്യാബിനുള്ളിൽ എല്ലാ കാലാവസ്ഥകൾക്കുമുള്ള കാർപെറ്റ്​, 7 ഇഞ്ച് ഹെഡ് യൂനിറ്റ് ഡിസ്പ്ലേ, കണക്റ്റിവിറ്റി, കൺവീനിയൻസ് ഗ്രൂപ്പ് എന്നിവയുള്ള ടെക്നോളജി ഗ്രൂപ്പ് സവിശേഷതകളും ഉണ്ട്. 3.6 ലിറ്റർ പെൻറാസ്റ്റാർ വി 6 എഞ്ചിനാണ്​ വാഹനത്തിന്​. പരമാവധി പവർ 285 എച്ച്പി കരുത്തും 353 എൻഎം ടോർക്കും ഉത്​പാദിപ്പിക്കും. പുതിയ ഗ്ലാഡിയേറ്റർ വില്ലീസി​െൻറ എഞ്ചിൻ ആറ് സ്പീഡ് മാനുവൽ, ഫോർ വീൽ ഡ്രൈവ് സിസ്റ്റം, എട്ട് സ്പീഡ് ഓട്ടോമാറ്റിക് ഗിയർബോക്സ് എന്നിവയുമായാണ്​ വരുന്നത്​.

ട്രാക്ഷൻ, ഗ്രൗണ്ട് ക്ലിയറൻസ്, വാട്ടർ ഫോർഡിംഗ് തുടങ്ങിയവയിലെല്ലാം വാഹനം മികച്ച പ്രകടനം ഉറപ്പാക്കുന്നതായി ജീപ്പ്​ പറയുന്നു. കറുപ്പ്, ഗ്രാനൈറ്റ് ക്രിസ്റ്റൽ, സ്റ്റിംഗ് ഗ്രേ, ബില്ലറ്റ്, ഫയർക്രാക്കർ റെഡ്, വൈറ്റ്, ഹൈഡ്രോ ബ്ലൂ, സ്നാസ്ബെറി എന്നിങ്ങനെ എട്ട് നിറങ്ങളാണുള്ളത്​.