Begin typing your search above and press return to search.
exit_to_app
exit_to_app
ജാവ സ്​ക്രാംബ്ലർ 500 ഇന്ത്യയിലെത്തുമോ? ; ആകാംഷയിൽ ആരാധകർ
cancel
Homechevron_rightHot Wheelschevron_rightAuto Newschevron_rightജാവ സ്​ക്രാംബ്ലർ 500...

ജാവ സ്​ക്രാംബ്ലർ 500 ഇന്ത്യയിലെത്തുമോ? ; ആകാംഷയിൽ ആരാധകർ

text_fields
bookmark_border

അടുത്തിടെയാണ്​ ജാവ സ്​ക്രാംബ്ലർ എന്ന പേരിൽ 500 സി.സി ബൈക്കി​െൻറ ചിത്രങ്ങൾ സമൂഹമാധ്യമങ്ങളിൽ പ്രചരിച്ചത്​. ഇതോടെ ജാവ പുതിയ ബൈക്ക്​ പുറത്തിറക്കിയെന്ന അഭ്യൂഹങ്ങളും പ്രചരിക്കാൻ തുടങ്ങി. യഥാർഥത്തിൽ ആരാണീ ജാവ സ്​ക്രാംബ്ലർ. അതറിയണമെങ്കിൽ ജാവ എന്ന കമ്പനിയെപറ്റി മനസിലാക്കണം. ക്ലാസിക്​ ലജൻഡ്​സ്​ എന്ന ഇന്ത്യൻ കൺസോർഷ്യം നിർമിക്കുന്ന വാഹനങ്ങളാണ്​ നമ്മുടെ നാട്ടിൽ ജാവ എന്നറിയപ്പെടുന്നത്​. ജാവ 42, പെരക്​ എന്നിങ്ങനെ രണ്ട്​ മോഡലുകളാണ്​ അവർക്കുള്ളത്​.


യഥാർഥത്തിൽ ജാവ ഒരു ചെക്ക് കമ്പനിയാണ്. ഏതാനും വർഷങ്ങൾക്ക് മുമ്പ് മഹീന്ദ്രയുടെ ഉടമസ്ഥതയിലുള്ള ക്ലാസിക് ലെജൻറ്​സ്​ ഇന്ത്യയിലെ ജാവ ബ്രാൻഡി​െൻറ അവകാശങ്ങൾ വാങ്ങുക മാത്രമാണ്​ ചെയ്​തിരിക്കുന്നത്​. ഇതിന്​ മുമ്പും ശേഷവും ജാവ സജീവ സ്ഥാപനമായി സ്വതന്ത്രമായി പ്രവർത്തിക്കുന്നുണ്ട്​. ഇന്ത്യയിൽ ഇറങ്ങുന്നതിൽ നിന്ന്​ തികച്ചും വ്യത്യസ്​തമായ മോഡൽ ലൈനപ്പ് ലോകത്തി​െൻറ മറ്റ് ഭാഗങ്ങളിൽ നിർമിക്കുകയും വിൽക്കുകയും ചെയ്യുന്നുണ്ട്​ ജാവ. ഈ വിദേശ മോഡലുകൾക്ക് ക്ലാസിക് ലെജൻറുകളുമായി ഒരു ബന്ധവുമില്ല. മാത്രമല്ല അവ ഇന്ത്യയിൽ വിൽക്കുന്നുമില്ല. നാമിപ്പോൾ കാണുന്ന ജാവ സ്​ക്രാംബ്ലർ 500 ചെക്ക് നിർമ്മാതാക്കളായ ജാവയുടേതാണ്. 471 സിസി പാരലൽ-ട്വിൻ എഞ്ചിനാണ് ബൈക്കിനുള്ളത്​. ഇവ തലക്കാലം ഇന്ത്യയിൽ ലഭ്യമാകില്ല.


ജാവ ആർ‌വി‌എം 500 സ്‌ക്രാംബ്ലർ

ഒരു വർഷം മുമ്പ് ചെക്​ കമ്പനി ജാവ 471 സിസി പാരലൽ-ട്വിൻ മോട്ടോർ ഉപയോഗിച്ച് പ്രവർത്തിക്കുന്ന ആർ‌വി‌എം 500 എന്ന അഡ്വഞ്ചർ ബൈക്ക് അവതരിപ്പിച്ചിരുന്നു. ഈ ബൈക്കി​െൻറ ഒന്നാം വർഷത്തോടനുബന്ധിച്ചാണ്​ അവർ ഒരു സ്‌ക്രാംബ്ലർ സ്റ്റൈൽ മോട്ടോർസൈക്കിൾകൂടി പുറത്തിറക്കിയത്​. ഇതിലുള്ള 471 സിസി പാരലൽ ട്വിൻ എഞ്ചിൻ 8,500 ആർ‌പി‌എമ്മിൽ 47.6 എച്ച്പി കരുത്തും 6,500 ആർ‌പി‌എമ്മിൽ 43 എൻ‌എം ടോർക്കും ഉത്​പ്പാദിപ്പിക്കും. ഫിലിപ്പീൻസ് ആസ്ഥാനമായുള്ള ബ്ര​സ്​റ്റോൾ മോട്ടോർസൈക്കിളി​െൻറ വെഞ്ചുരി 500 ന് സമാനമാണ് ജാവയുടെ സ്​ക്രാംബ്ലർ. ഇന്ത്യൻ വിപണിയെ സംബന്ധിച്ചിടത്തോളം, ജാവ മോഡൽ ലൈനപ്പ് നമുക്ക് ഇവിടെ ലഭ്യമാകില്ല. അതിനാൽ ആർ‌വി‌എം 500 അഡ്വഞ്ചർ ബൈക്കോ സ്‌ക്രാംബ്ലറോ ഇവിടെ എത്താൻ തൽക്കാലം സാധ്യതയില്ല

Show Full Article
TAGS:Jawa scrambler Classic Legends 
Next Story