ഇൗ വർക്​ഷോപ്പിൽ സ്​ത്രീകൾ മാത്രം; ഇന്ത്യയിലെ ആദ്യ 'ആൾ വിമൺ'വർക്​ഷോപ്പ്​ വാർഷിക നിറവിൽ

ഇന്ത്യയിലെ സ്​ത്രീകൾ മാത്രം പണിയെടുക്കുന്ന ആദ്യ വർക്​ഷോപ്പ്​ വാർഷിക നിറവിൽ. ജയ്​പൂരിലാണ്​ മഹീന്ദ്ര ആൻഡ്​ മഹീന്ദ്ര ഇന്ത്യയിലെ ആദ്യത്തെ വനിതാ ഓട്ടോമൊബൈൽ വർക്ക് ഷോപ്പ് പ്രവർത്തിപ്പിക്കുന്നത്​. ടെക്​നീഷ്യൻമാർ, സേവന ഉപദേഷ്ടാക്കൾ, ഡ്രൈവർമാർ, പാർട്ട് മാനേജർമാർ, സെക്യൂരിറ്റി ഗാർഡുകൾ തുടങ്ങിയ വേഷങ്ങളിൽ ഒമ്പത് വനിതകളുടെ സംഘമാണ് വർക്ക് ഷോപ്പിന് കരുത്തേകുന്നത്.

കമ്പനിയുടെ ഓട്ടോമൊബൈൽ വർക്​ ഷോപ്പുകളിലുടനീളം സ്ത്രീകളെ റിക്രൂട്ട് ചെയ്യുന്നതിനെ പ്രോത്സാഹിപ്പിക്കുന്ന മഹീന്ദ്രയുടെ 'പിങ്ക് കോളേഴ്​സ്​' എന്ന സംരംഭത്തി​െൻറ ഭാഗമായാണ് 'കോംപാക്റ്റ് ക്വിക്'ഒൗട്ട്‌ലെറ്റ് പ്രവർത്തിക്കുന്നത്​. കഴിഞ്ഞ വർഷം പെൺകുട്ടികളുടെ അന്താരാഷ്ട്ര ദിനത്തിൽ കൃഷ്​ണ പുനിയയാണ്​ വർക്​ഷോപ്​ ഉദ്ഘാടനം ചെയ്​തത്​. മഹീന്ദ്രയുടെ 'പിങ്ക് കോളർ' സംരംഭം വനിതാ പ്രതിഭകളെ തിരിച്ചറിയുന്നതിനും റിക്രൂട്ട് ചെയ്യുന്നതിനുമായി കമ്പനിയുടെ അംഗീകൃത ഡീലർമാർ പ്രത്യേകം ശ്രദ്ധിക്കുന്നുണ്ട്​.

പെൺകുട്ടികൾക്കായി​ ഇൻഡസ്ട്രിയൽ ട്രെയിനിംങ്​ ഇൻസ്​റ്റിട്യൂട്ടുകളിൽ (ഐടിഐ) റിക്രൂട്ട്‌മെൻറ്​ ഡ്രൈവുകൾ നടത്തുന്നുണ്ട്​. ഈ സ്ഥാപനങ്ങളുമായി സഹകരിച്ച്​ കമ്പനിയുടെ പരിശീലകർ വഴി കാലികമായ വ്യാവസായിക അറിവ് നൽകാനും പ്രായോഗിക പരിശീലനത്തെ പിന്തുണയ്‌ക്കുന്നതിന് ഓട്ടോമോട്ടീവ് അഗ്രഗേറ്റുകൾ നൽകാനും ഐടിഐ വിദ്യാർത്ഥികളെ വ്യവസായത്തിന് തയ്യാറാക്കാനും പിങ്ക് കോളർ പ്രോത്സാഹിപ്പിക്കുന്നുണ്ട്​.