ബാറ്ററി നിർമിക്കാൻ താൽപര്യമുണ്ടോ? സംരഭകർക്ക് വമ്പൻ ഇളവുകളുമായി സർക്കാർ

വൈദ്യുത വാഹനങ്ങളുടെ ഉപയോഗം പ്രോത്സാഹിപ്പിക്കാനും എണ്ണയെ ആശ്രയിക്കുന്നത് കുറയ്ക്കാനും രാജ്യത്ത്​ ബാറ്ററി നിർമാണ സൗകര്യങ്ങൾ വിപുലപ്പെടുത്തുമെന്ന്​ സർക്കാർ. പുതുതായി ബാറ്ററി നിർമാണ കമ്പനികൾ തുടങ്ങുന്നവർക്ക്​ 460 കോടിയുടെ ഉത്തേജന പദ്ധതികളാണ്​ ആവിഷ്​കരിക്കുന്നത്​.

വൈദ്യുത വാഹനങ്ങൾ വ്യാപകമായാൽ 2030 ഓടെ ഇന്ത്യക്ക് എണ്ണ ഇറക്കുമതിയിൽ 4,000 കോടിയുടെ കുറവ്​വരുത്താൻ കഴിയുമെന്നാണ്​ വിലയിരുത്തൽ. ഇതേപറ്റിയുള്ള പഠനത്തിന്​ നേതൃത്വം നൽകിയ എൻ‌.​െഎ.ടി.‌ഐ ആയോഗ് തയ്യാറാക്കിയ റിപ്പോർട്ട് ​അടുത്ത മന്ത്രിസഭ അവലോകനം ചെയ്യുമെന്നാണ്​ സൂചന.

ചൈനയുടെ ആധിപത്യം

ലോകത്തെ ലിഥിയം അയൺ ബാറ്ററി ഉത്​പാദനത്തി​െൻറ 80% ചൈനയാണ് കൈകാര്യം ചെയ്യുന്നത്​. ഇന്ത്യയും ചൈനയും തമ്മിലുള്ള അതിർത്തിയിലെ ഏറ്റുമുട്ടലിനുശേഷം ചൈനീസ് കമ്പനികൾക്ക്​ രാജ്യത്ത്​ കർശന നിക്ഷേപ നിയമങ്ങളാണ്​ ഏർപ്പെടുത്തിയിരിക്കുന്നത്​. ഇന്ത്യയിലെ വൈദ്യുത വാഹന നിർമാണത്തെ ഇത്​ പ്രതികൂലമായി ബാധിച്ചിരിക്കുകയാണ്​. നിരവധി ചൈനീസ്​ കമ്പനികളുടെ ബാറ്ററി നിർമാണ പ്രൊപ്പോസലുകളിൽ പലതും ഇന്ത്യ വേണ്ടെന്നും വച്ചിട്ടുണ്ട്​. നിലവിൽ ഇന്ത്യയിൽ 50 ജിഗാവാട്ട്​ മണിക്കൂറിൽ താഴെയുള്ളതും 200 കോടി മൂല്യമുള്ളതുമായ ബാറ്ററി നിർമാണ സംരംഭങ്ങളാണ്​ ആവശ്യം. 10 വർഷംകൊണ്ട്​ ഇത്​ 230 ജിഗാവാട്ട് മണിക്കൂറിലേക്കും 1,400 കോടിയിലേക്കും വളരുമെന്നാണ്​ കണക്കാക്കുന്നത്​.

നൂതന ബാറ്ററികൾ നിർമ്മിക്കുന്ന കമ്പനികൾക്ക് 2030 ഓടെ 460 കോടി ഇൻസെൻറീവ് നൽകാനാണ്​ എൻ‌.​െഎ.ടി.‌ഐ ആയോഗ് ശുപാർശ ചെയ്യുന്നത്​. അടുത്ത സാമ്പത്തിക വർഷംമുതൽ പണം നൽകി തുടങ്ങും. അടിസ്ഥാന സൗകര്യങ്ങൾ വികസിപ്പിക്കാനാണ്​ പദ്ധതി മുൻതൂക്കം നൽകുന്നത്​. നിലവിൽ, ബാറ്ററി വ്യവസായം ഇന്ത്യയിൽ പ്രാഥമികഘട്ടത്തിലാണ്. നിക്ഷേപകർ ഇൗ വ്യവസായത്തിൽ നിക്ഷേപിക്കാൻ ഭയപ്പെടുന്നുണ്ട്​. ഇൗ അവസ്​ഥ മാറ്റാനും ഇൻസെൻറീവുകൾ സഹായിക്കുമെന്നാണ്​ വിലയിരുത്തൽ. 2022 വരെ വൈദ്യുത വാഹനങ്ങൾക്കുള്ള ബാറ്ററികൾ ഉൾപ്പെടെയുള്ള ഘടകങ്ങളുടെ ഇറക്കുമതി നികുതി 5 ശതമാനം ആയി നിലനിർത്താനാണ് രാജ്യം പദ്ധതിയിടുന്നത്​. 2022ന്​ ശേഷം പ്രാദേശിക ഉത്​പാദനം പ്രോത്സാഹിപ്പിക്കുന്നതിന് ഇത് 15 ശതമാനമായി ഉയർത്തുമെന്ന​ും രേഖയിൽ പറയുന്നു.