Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_rightഹോണ്ട ആരാധകർക്ക്​...

ഹോണ്ട ആരാധകർക്ക്​ സുവാർത്ത; ഹൈബ്രിഡ്​ സിറ്റി ഉടനെത്തും

text_fields
bookmark_border
ഹോണ്ട ആരാധകർക്ക്​ സുവാർത്ത; ഹൈബ്രിഡ്​ സിറ്റി ഉടനെത്തും
cancel

ജാപ്പനീസ്​ വാഹന നിർമാതാക്കളുടെ വിപണിയിലെ തുറുപ്പ്​ശീട്ടാണ്​ ഹൈബ്രിഡുകൾ. ടൊയോട്ട രണ്ട്​ പതിറ്റാണ്ട്​ മു​െമ്പങ്കിലും ഇൗ മേഖലയിൽ കരുത്ത്​ തെളിയിച്ചിട്ടുണ്ട്​. ടൊയോട്ട പ്രയൂസ്​ ഹൈബ്രിഡ്​ ആഗോളവിപണിയിൽ ഹിറ്റായ വാഹനമായിരുന്നു. വേൾഡ്​ കാർ ഒാഫ്​ ദ ഇയർ പുരസ്​കാരം പലതവണ പ്രയൂസ്​ സ്വന്തമാക്കിയിട്ടുണ്ട്​.

ഇപ്പോഴും ഹൈബ്രിഡുകളുടെ ഉസ്​താദുമാരാണ്​ ടൊയോട്ട. മ​െറ്റാരു ജാപ്പനീസ്​ വമ്പനായ സുസുക്കി വർഷങ്ങളായി മൈൽഡ്​ ഹൈബ്രിഡുകളെ ഇന്ത്യയിലുൾപ്പടെ ഇറക്കുന്നുണ്ട്​. സിയാസിലൂടെ രംഗത്ത്​ വന്ന എസ്​.എച്ച്​.വി.എസ്​ എഞ്ചിൻ സാ​േങ്കതികത ഇപ്പോൾ സുസുക്കി വാഹനങ്ങളുടെ മുഴുവൻ നിരയിലേക്കും വ്യാപിപ്പിച്ചിട്ടുണ്ട്​. ഹോണ്ടയുടെ ഹൈബ്രിഡ്​ മികവ്​ ലോകമറിഞ്ഞത്​ സിവിക്​ മോഡലിലൂ​െടയാണ്​.


പക്ഷെ സിവിക്കിനെ പിന്നീട്​ ഹോണ്ട ഇന്ത്യൻ വിപണിയിൽ നിന്ന്​ തിരിച്ചുവിളിക്കുകയായിരുന്നു. ഹോണ്ടയുടെ ഏറ്റവും ജനപ്രിയ മോഡലായ സിറ്റിയിൽ ഒരിക്കലും ഹൈബ്രിഡ്​ പരീക്ഷണം നടത്തിയിട്ടില്ല. അതിനൊരു മാറ്റം വരാനുള്ള കളമൊരുങ്ങുകയാണ്​ നിലവിൽ. മലേഷ്യൻ വിപണിയിലെ 2020 ഹോണ്ട സിറ്റിയിൽ പുതിയ ഹൈബ്രിഡ് പതിപ്പ് ഉൾപ്പെടെ അവതരിപ്പിച്ചിട്ടുണ്ട്​.


എന്താണിതി​െൻറ പ്രത്യേകതയെന്ന്​ ചോദിച്ചാൽ ഇതേ ഹൈബ്രിഡ്​ സിറ്റി 2021 ൽ ഇന്ത്യയിലേക്ക് വരുമെന്നതാണ്​. ഐ-എം.എം.ഡി എന്നാണ്​ ഹോണ്ടയുടെ ഹൈബ്രിഡ് സാങ്കേതികവിദ്യ അറിയ​െപ്പടുന്നത്​. അന്താരാഷ്ട്ര വിപണിയിൽ പുറത്തിറങ്ങുന്ന ഹോണ്ട സിആർ-വിയിലും പുതുതലമുറ ഹോണ്ട ജാസിലും ഉപയോഗിക്കുന്ന ഹൈബ്രിഡ്​ സാ​േങ്കതികവിദ്യയാണ്​ സിറ്റിയിൽ വരുന്നത്​.

മാരുതി സുസുകിയുടെയൊ എം‌ജി ഹെക്​ടറി​െൻറയൊ നിലവാരത്തിലുള്ള ഹൈബ്രിഡ് സാങ്കേതികവിദ്യയല്ല സിറ്റിയിൽ വരുന്നതെന്ന്​ എടുത്ത്​ പറയേണ്ടതാണ്​. സിറ്റി ഇ -എച്ച്.ഇ.വി ഹൈബ്രിഡിൽ പിടിപ്പിച്ചിരിക്കുന്ന ഇരട്ട വൈദ്യുത മോ​േട്ടാറുകളിൽ ഒരെണ്ണം വാഹനത്തിന്​ ശക്​തി പകരുന്നതുംകൂടിയാണ്​.


1.5 ലിറ്റർ, നാല് സിലിണ്ടർ പെട്രോൾ എഞ്ചിൻ 98 എച്ച്പിയും 127 എൻഎം ടോർക്കും ഉൽപ്പാദിപ്പിക്കും. ആദ്യത്തെ വൈദ്യുത മോട്ടോർ എഞ്ചിനെ സഹായിക്കും. രണ്ടാമത്തെ മോട്ടോർ സ്വതന്ത്രമായി 109എച്ച്​.പി കരുത്തും 253എൻ.എം ടോർക്കും ഉൽപ്പാദിപ്പിക്കും. സാ​േങ്കതിക വിദ്യയിൽ എന്നപോലെ വിലയിലും സിറ്റി മുന്നിലായിരിക്കും എന്നാണ്​ പ്രതീക്ഷിക്ക​െപ്പടുന്നത്​. സിറ്റി ഇ -എച്ച്.ഇ.വിക്ക്​ 15 ലക്ഷത്തിനടുത്ത്​ വിലവരും

Show Full Article
TAGS:Honda City Hybrid car automobile 
Next Story