Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_rightഇന്ത്യയിൽ ഒരുകോടി...

ഇന്ത്യയിൽ ഒരുകോടി കാറുകൾ നിർമിച്ച്​ ഹ്യുണ്ടായ്​; കോടിപതിയെ പുറത്തിറക്കിയത്​ സ്​റ്റാലിൻ

text_fields
bookmark_border
Hyundai rolls out 10 millionth car from India plant
cancel

ഇന്ത്യയിൽ​ ഒരുകോടി വാഹനങ്ങൾ നിർമിക്കുക എന്ന സ്വപ്​നനേട്ടം കരസ്​ഥമാക്കി കൊറിയൻ വാഹന നിർമാതാക്കളായ ഹ്യൂണ്ടായ്​. തമിഴ്‌നാട്ടിലെ ചെന്നൈയ്ക്കടുത്തുള്ള ശ്രീപെരുമ്പതൂരിലെ നിർമാണ കേന്ദ്രത്തിൽ നിന്നാണ്​ ഒരു കോടി തികച്ച കാർ പുറത്തിറക്കിയത്​. അൽകസാർ എസ്‌യുവിയായിരുന്നു ഇൗ വാഹനം. തമിഴ്​നാട്​ മുഖ്യമന്ത്രി എം​.കെ.സ്​റ്റാലിൻ പുറത്തിക്കൽ ചടങ്ങിൽ മുഖ്യാതിഥിയായിരുന്നു. പ്രവർത്തനം ആരംഭിച്ച് 23 വർഷത്തിന് ശേഷമാണ് ഹ്യുണ്ടായ്​ ഇന്ത്യയിൽ പുതിയ നാഴികക്കല്ല് പിന്നിടുന്നത്​.


1998 സെപ്റ്റംബറിലാണ്​ കൊറിയയ്ക്ക് പുറത്തുള്ള ഹ്യുണ്ടായിയുടെ ആദ്യത്തെ സംയോജിത പ്ലാൻറിൻറ നിർമാണം​ ഇന്ത്യയിൽ ആരംഭിച്ചത്​. 'മേക്​ ഇൻ ഇന്ത്യ സംരംഭത്തോടുള്ള ഹ്യുണ്ടായിയുടെ പ്രതിബദ്ധതയുടെ തെളിവാണ് ഈ നാഴികക്കല്ല്. തമിഴ്‌നാടി​െൻറ സാമൂഹിക-സാമ്പത്തിക വികസനം ഉയർത്തുന്നതിനും രാജ്യത്തെ കൂടുതൽ സ്വാശ്രയരാക്കുന്നതിനുമുള്ള ഞങ്ങളുടെ പ്രവർത്തനം തുടരും'-10 മില്യൺ കാർ പുറത്തിറക്കുന്ന ചടങ്ങിൽ ഹ്യുണ്ടായ് മോട്ടോർ ഇന്ത്യ എംഡിയും സിഇഒയുമായ എസ്.എസ്. കിം പറഞ്ഞു.


ഇന്ത്യയിൽ നിർമിക്കുന്നു.....ലോകത്തിനായി

വർഷങ്ങൾക്കുമുമ്പുതന്നെ 'മേഡ്​ ഇൻ ഇൻഡ്യ' കാറുകൾ നിർമിച്ചുതുടങ്ങിയ വാഹന കമ്പനിയാണ്​ ഹ്യൂണ്ടായ്​. ഇന്ത്യയിൽ ഹ്യൂണ്ടായ്​ പ്രവർത്തനം തുടങ്ങിയിട്ട്​ ഇൗ വർഷം 25 വർഷം ആകും. 1996 മെയ് ആറിനാണ് ഹ്യുണ്ടായ് മോട്ടോർ ഇന്ത്യ അധികൃതർ ശ്രീപെരുമ്പതൂരിലെ ഇരുങ്ങാട്ട്​കോട്ടയിൽ പ്ലാൻറിന്​ തറക്കല്ലിടുന്നത്​. ആദ്യത്തെ കാറായ സാൻട്രോ നിരത്തിലിറങ്ങിയത് 1998ലാണ്​. ചെന്നൈയിലെ രണ്ടാമത്തെ നിർമാണ കേന്ദ്രം 2008 ൽ ഉദ്ഘാടനം ചെയ്​തു. രണ്ട് പ്ലാന്റുകളുടെയും സ്ഥാപിത ശേഷി പ്രതിവർഷം 7,50,000 യൂനിറ്റാണ്.


നിലവിൽ ഇന്ത്യയിൽനിന്ന്​ ഏറ്റവുംകൂടുതൽ കാറുകൾ കയറ്റുമതി ചെയ്യുന്ന നിർമാതാവ്​ ഹ്യൂണ്ടായ്​ ആണ്​. 2020 വരെ ഹ്യുണ്ടായ് മോട്ടോർ ഇന്ത്യ 30 ലക്ഷം പാസഞ്ചർ വാഹനങ്ങൾ രാജ്യത്തുനിന്ന്​ കയറ്റുമതി ചെയ്​തിട്ടുണ്ട്​. അൽകസാർ എസ്‌യുവിക്കുശേഷം ഹ്യൂണ്ടായ്​ ഇന്ത്യയിൽ അവതരിപ്പിക്കുക മൈക്രോ എസ്‌യുവിയായ എഎക്സ് 1 ആയിരിക്കും. നിലവിൽ കോഡ്​ നെയിം മാത്രമാണ്​ വാഹനത്തിന്​ ഉള്ളത്​. ടാറ്റ എച്ച്ബിഎക്സ് പോലുള്ളവയായിരിക്കും എഎക്സ് 1 ​െൻറ പ്രധാന എതിരാളി.

Show Full Article
TAGS:Hyundai 10 million car Alcazar automobile 
Next Story