Top
Begin typing your search above and press return to search.
keyboard_arrow_down
Login
exit_to_app
exit_to_app
hyundai kona
cancel
Homechevron_rightHot Wheelschevron_rightAuto Newschevron_rightകോന...

കോന ഇലക്​ട്രിക്കിനെയും പരിഷ്​കരിച്ച്​ ഹ്യുണ്ടായ്​; അടുത്തവർഷം ഇന്ത്യയിലെത്തും

text_fields
bookmark_border

കഴിഞ്ഞ സെപ്​റ്റംബറിലാണ്​ പുതിയ എൻ ലൈൻ ബോഡികിറ്റോട്​ കൂടിയുള്ള 2021 മോഡൽ കോനയുടെ ഫേസ്​ലിഫ്​റ്റ്​ ഹ്യുണ്ടായി അവതരിപ്പിക്കുന്നത്​. ഇപ്പോൾ കോന ഇലക്​​ട്രിക്​ കാറിനെയും പരിഷ്​കരിച്ചിരിക്കുകയാണ്​ കമ്പനി. പുതിയ വാഹനം ഇന്ത്യയിൽ അടുത്തവർഷം എത്തുമെന്നാണ്​​ വിവരം.

കാഴ്​ചയിൽ ഒരുപാട്​ മാറ്റങ്ങളുമായാണ്​ കോന വരുന്നത്​. എയറോഡൈനാമിക്​സ്​ മെച്ചപ്പെടുത്തുന്നതി​െൻറ ഭാഗമായി ഗ്രില്ലുകളിൽ മാറ്റം സംഭവിച്ചു. മുന്നിലെ ചാർജിംഗ് പോർട്ട് കൂടുതൽ വ്യക്​തമായി കാണാം. ഹൈഡ്​ലൈറ്റുകളുടെ ഭംഗിയും വർധിച്ചു.

പിൻഭാഗത്തും കാര്യമായ മാറ്റങ്ങളു​ണ്ട്​. അധിക ലൈറ്റുകൾ വരുന്ന രീതിയിലാണ്​ പുതുക്കിയ ബമ്പർ. എൽ‌.ഇ.ഡി ടൈൽ‌ലൈറ്റുകൾ‌ ചെറുതായി മാറി. വാഹനത്തി​െൻറ നീളം 40 മില്ലിമീറ്റർ വർധിച്ചു. അതേസമയം വീൽബേസ് 2600 മില്ലിമീറ്റർ തന്നെയാണ്​.


നവീകരിച്ച ബ്ലൂലിങ്ക് കണക്റ്റിവിറ്റിയും വാഹനത്തിൽ കമ്പനി വാഗ്​ദാനം ചെയ്യുന്നു. ശബ്‌ദ നിയന്ത്രണം, റിമോട്ട്​ ചാർജിംഗ്, വാഹനത്തിനകം ചൂടാക്കുകയോ തണുപ്പിക്കു​കയോ ചെയ്യുക എന്നിവ ഇതിൽ ഉൾപ്പെടുന്നു. ​ൈബ്ലൻഡ്​ സ്​പോട്ട്​ അസിസ്​റ്റൻസ്​, റിയർ ക്രോസ്​ ട്രാഫിക്​ അസിസ്​റ്റൻസ്​, സേഫ്​ എക്​സിറ്റ്​ മുന്നറിയിപ്പ്​, എമർജൻസി കാൾ ഫംഗ്​ഷൻ തുടങ്ങിയവയും വാഹനത്തിൽ ഉൾപ്പെടുത്തിയിരിക്കുന്നു.

അതേസമയം, നിലവിലെ ബാറ്ററിയും പവറും തന്നെയാകും പുതിയ മോഡലിന്​ ഉണ്ടാവുക. ബേസ്​ മോഡലിലെ 39.2 കിലോവാട്ട്​ ബാറ്ററി​ പാക്കിൽ 134 ബി.എച്ച്​.പി കരുത്തുള്ള ഇലക്​ട്രിക്​ മോ​ട്ടോറുണ്ടാകും. 64 കിലോവാട്ട്​ ബാറ്ററി പാക്കിനൊപ്പം 201 ബി.എച്ച്​.പി കരുത്തുള്ള ഇലക്​ട്രിക്​ മോ​ട്ടോറാണ്​ ഉണ്ടാവുക.

രണ്ട്​ മോ​ട്ടോറുകളുടെയും പരമാവധി ടോർക്ക്​ 395 എൻ.എം ആണ്​. ചെറിയ ബാറ്ററി ഉപയോഗിച്ച്​ 304 കിലോമീറ്റർ ദൂരവും വലിയ ബാറ്ററി വഴി 483 കിലോമീറ്ററും ഒറ്റച്ചാർജിൽ സഞ്ചരിക്കാം. ഹ്യുണ്ടായ് കോന ഇലക്ട്രിക് ഫേസ്​ലിഫ്റ്റ് അടുത്ത ആഴ്​ചകളിൽ ദക്ഷിണ കൊറിയയിലെയും മറ്റു രാജ്യങ്ങളിലെയും വിപണിയിലെത്തും. ഇന്ത്യയിൽ അടുത്ത വർഷമായിരിക്കും എത്തുക. അതേസമയം, വില അൽപ്പം കൂടാൻ സാധ്യതയുണ്ട്​.

Show Full Article
TAGS:hyundai kona electric 
Web Title - Hyundai modifies Kona Electric; Will be coming to India next year
Next Story