Begin typing your search above and press return to search.
exit_to_app
exit_to_app
Hyundai Creta facelift makes global debut; gets major update to its exterior
cancel
Homechevron_rightHot Wheelschevron_rightAuto Newschevron_rightപരിഷ്​കരിച്ച ക്രെറ്റ...

പരിഷ്​കരിച്ച ക്രെറ്റ അവതരിപ്പിച്ച്​ ഹ്യൂണ്ടായ്; അഡാസ് ഉൾപ്പടെ ആധുനിക സംവിധാനങ്ങൾ, ബ്ലൂ ലിങ്കിന്​ പുതു ഫീച്ചറുകൾ ​

text_fields
bookmark_border

പുതുക്കിയ ക്രെറ്റയെ ഇന്തോനീഷ്യൻ ഓട്ടോഷോയിൽ അവതരിപ്പിച്ച്​ ഹ്യൂണ്ടായ്​. നിലവിലെ വാഹനത്തിൽനിന്ന് കാര്യമായ മാറ്റങ്ങളുമായാണ് പുതിയ ക്രെറ്റ പുറത്തിറങ്ങിയത്​. ഹ്യൂണ്ടായ്​ ട്യൂസോണിന് സമാനമായ രൂപമാണ് ക്രേറ്റയ്ക്കിപ്പോൾ. അഡാസ്​, ബ്ലൂ ലിങ്ക്​ സുരക്ഷാ ഫീച്ചറുകൾ വാഹനത്തിന്​ ലഭിക്കും. പാരാമെട്രിക് ഗ്രില്ലും എൽഇഡി ഡേടൈം റണ്ണിങ് ലാംപുകളും മുന്നിലെ പ്രത്യേകതകളാണ്​. നിലവിലെ ക്രേറ്റയ്ക്ക് സമാനമായി ഡേടൈം റണ്ണിങ് ലാംപുകൾക്ക് താഴെയാണ് ഹെഡ്‌ലാംപ്. പിന്നിൽ കൂടുതൽ സ്പോർട്ടിയറും ഷാർപ്പുമായി ടെയിൽ ലാംപും മാറ്റങ്ങൾ വരുത്തിയ ബൂട്ട് ലിഡും ഉണ്ട്.

ഇന്റീരിയർ

ഡാഷ്‌ബോർഡിന്റെ രൂപകൽപ്പനയും ലേഔട്ടും പഴയ മോഡലിൽ നിന്ന് എടുത്തതിനാൽ ഇന്റീരിയറിലെ മാറ്റങ്ങൾ സൂക്ഷ്​മമാണ്. 10.25 ഇഞ്ച് ഡിജിറ്റൽ ഇൻസ്ട്രുമെന്റ് ക്ലസ്റ്റർ (അൽകാസറിൽ കാണുന്നത് പോലെ), പ്രീമിയം 8 സ്പീക്കർ ബോസ് സൗണ്ട് സിസ്റ്റം, ആൻഡ്രോയിഡ് ഓട്ടോയും ആപ്പിളും ഉള്ള 8.0 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം എന്നിവ ഉൾപ്പെടുത്തി ഫീച്ചറുകളുടെ പട്ടിക ഹ്യുണ്ടായ് ശക്തിപ്പെടുത്തിയിട്ടുണ്ട്.


പനോരമിക് സൺറൂഫ്, വെന്റിലേറ്റഡ് ഫ്രണ്ട് സീറ്റുകൾ, കൂൾഡ് ഗ്ലവ് ബോക്​സ്​, ആംബിയന്റ് ലൈറ്റിങ്​, എയർ പ്യൂരിഫയർ എന്നിവയും പ്രത്യേകതയാണ്​. പുതുക്കിയ ബ്ലു ലിങ്കും അഡ്വാൻസിഡ് ഡ്രൈവർ അസിസ്റ്റ് സേഫ്റ്റി ഫീച്ചറുകളും പുതിയ ക്രെറ്റയിലുണ്ട്. ഇന്തോനീഷ്യൻ വിപണിയിൽ 1.5 ലീറ്റർ പെട്രോൾ എൻജിനോടെ മാത്രമായിരിക്കും വാഹനം പുറത്തിറങ്ങുക. ഇന്ത്യയിൽ പെട്രോൾ, ഡീസൽ വകഭേദങ്ങളിൽ വാഹനം എത്തുമെന്നാണ് പ്രതീക്ഷിക്കുന്നത്.

സുരക്ഷാ ഫീച്ചറുകൾ

ലൈൻ കീപ്പ് അസിസ്​റ്റ്​, ബ്ലൈൻഡ് സ്പോട്ട് മോണിറ്റർ, അഡാപ്റ്റീവ് ക്രൂസ് കൺട്രോൾ, ഓട്ടോണമസ് എമർജൻസി ബ്രേക്കിങ്​ പോലുള്ള സുരക്ഷാ ഫീച്ചറുകളാണ്​ അഡ്വാൻസ്​ഡ്​ ഡ്രൈവർ അസിസ്റ്റ് സിസ്റ്റം (ADAS) പ്രകാരം ലഭിക്കുന്നത്​. എം‌ജി ആസ്റ്റർ പോലുള്ള ചില എസ്‌യുവികളിൽ ഇതിനകം ഇൗ സംവിധാനങ്ങൾ വാഗ്ദാനം ചെയ്യുന്നുണ്ട്​. സുരക്ഷക്കായുള്ള മറ്റൊരു കൂട്ടിച്ചേർക്കലാണ് അപ്ഡേറ്റ് ചെയ്​ത ബ്ലൂലിങ്ക് കണക്റ്റഡ് കാർ ടെക്​. മോഷ്​ടിച്ച വാഹന ട്രാക്കിങ്​, മോഷ്​ടിച്ച വാഹനങ്ങളുടെ ഇമ്മൊബിലൈസേഷൻ, വാലെറ്റ് പാർക്കിങ്​ മോഡ് എന്നിവ പോലുള്ള പുതിയ സുരക്ഷാ സവിശേഷതകൾ ബ്ലൂലിങ്കിൽ വരും. ഇവയെല്ലാം ഉടമയുടെ ഫോണിലൂടെ ആക്സസ് ചെയ്യാവുന്നതാണ്.


പവർട്രെയിൻ

ഇന്തോനേഷ്യൻ മോഡലിൽ 115 എച്ച്പി, 144 എൻഎം, 1.5 ലിറ്റർ, നാല് സിലിണ്ടർ പെട്രോൾ എഞ്ചിനാണ്​ നൽകിയിരിക്കുന്നത്​. അത് 6-സ്പീഡ് മാനുവൽ അല്ലെങ്കിൽ സിവിടി ഓട്ടോമാറ്റിക് ഗിയർബോക്‌സ് ഓപ്ഷനിൽ ലഭിക്കും. ഇന്ത്യയിൽ നിന്ന് വ്യത്യസ്തമായി, ഡീസൽ അല്ലെങ്കിൽ ടർബോ-പെട്രോൾ എഞ്ചിൻ ഓപ്ഷനുകൾ ഇന്തോനേഷ്യൻ ക്രെറ്റയ്ക്ക് ഹ്യുണ്ടായ് നൽകുന്നില്ല. രണ്ടാം തലമുറ ക്രെറ്റ കഴിഞ്ഞ വർഷം മാത്രമാണ് ഇന്ത്യയിൽ അവതരിപ്പിച്ചത്​. അടുത്ത വർഷത്തിന്റെ അവസാന പകുതിയിൽ അപ്‌ഡേറ്റ് ചെയ്​ത ക്രെറ്റയെ ഹ്യുണ്ടായ് രാജ്യത്ത്​ അവതരിപ്പിക്കുമെന്നാണ്​ പ്രതീക്ഷിക്കുന്നത്​. ഇന്ത്യ-സ്പെകിലും ഇന്തോനേഷ്യൻ മോഡലിൽ കാണുന്ന മിക്ക ഡിസൈനും ഫീച്ചർ മാറ്റങ്ങളും ഉണ്ടായിരിക്കും.


Show Full Article
TAGS:Hyundai Creta facelift SUV 
News Summary - Hyundai Creta facelift makes global debut; gets major update to its exterior
Next Story