Begin typing your search above and press return to search.
proflie-avatar
Login
exit_to_app
exit_to_app
ഹ്യുണ്ടായ്​ അൽകാസർ ഷോറൂമുകളിലെത്തി; ജൂൺ 18ന്​ പുറത്തിറങ്ങും
cancel
Homechevron_rightHot Wheelschevron_rightAuto Newschevron_rightഹ്യുണ്ടായ്​ അൽകാസർ...

ഹ്യുണ്ടായ്​ അൽകാസർ ഷോറൂമുകളിലെത്തി; ജൂൺ 18ന്​ പുറത്തിറങ്ങും

text_fields
bookmark_border

ഹ്യുണ്ടാ​യുടെ ഏഴ്​ സിറ്റുള്ള എസ്​.യു.വി അൽകാസർ രാജ്യത്തെ വിവിധ ഷോറൂമുകളിൽ എത്തിത്തുടങ്ങി. വാഹനം ജൂൺ 18ന്​ ഔദ്യോഗികമായി പുറത്തിറക്കുമെന്നാണ്​ റിപ്പോർട്ട്​. ഡീലർഷിപ്പിൽ വാഹനം എത്തുന്ന ചിത്രങ്ങൾ ഇപ്പോൾ സാമൂഹിക മാധ്യമങ്ങളിൽ വൈറലാണ്​.

അൽകാസറി​െൻറ ഒൗദ്യോഗികമായ ബുക്കിങ് ഈ മാസം​ ആരംഭിച്ചിരുന്നു. 25,000 രൂപ നൽകി വാഹനം ഷോറൂമുകൾ വഴിയും ഒാൺലൈനായും ബുക്ക്​ ചെയ്യാൻ അവസരമുണ്ട്​.

ക്രെറ്റയെ അടിസ്​ഥാനമാക്കി നിർമിച്ച ഏഴ്​ സീറ്റുള്ള എസ്​.യു.വിയാണ്​ അൽകാസർ. വാഹനത്തിന്‍റെ ആദ്യ അവതരണം 2021 ഏപ്രിലിൽ നടത്താനാണ്​ തീരുമാനിച്ചിരുന്നത്​​. എന്നാൽ കോവിഡ്​ കാരണമുള്ള ലോക്​ഡൗണിൽ എല്ലാം തകിടംമറിഞ്ഞു. വളരെക്കാലത്തിനുശേഷം ഹ്യൂണ്ടായ്​ അവതരിപ്പിക്കുന്ന മൂന്ന് നിര സീറ്റ്​ വാഹനമായിരിക്കും അൽകാസർ. ക്രെറ്റയുമായി എഞ്ചിൻ, ഗിയർബോക്സ് ഓപ്ഷനുകൾ പങ്കിടുന്ന വാഹനവുമാണിത്​.


രൂപത്തിൽ ക്രെറ്റയുമായി നല്ല സാമ്യമുള്ള വാഹനമാണ്​ അൽകാസർ. ക്രെറ്റയുടെ ഫ്രണ്ട് ബമ്പറി​േന്‍റയും ഗ്രില്ലി​േന്‍റയും ഡിസൈനിൽ നിന്ന്​ നേരിയ വ്യത്യാസം പുതിയ വാഹനത്തിൽ കാണാം. വ്യത്യസ്തമായ അലോയ് വീൽ ഡിസൈൻ, മറ്റ് ചില സൗന്ദര്യവർദ്ധക വ്യത്യാസങ്ങൾ എന്നിവ അൽകാസറിന് ഉണ്ടാകും. ആറ്, ഏഴ് സീറ്റ് കോൺഫിഗറേഷനുകളോടെ വാഹനം നിരത്തിലെത്തും​. അധിക നിര സീറ്റുകൾ ഉൾക്കൊള്ളാൻ അൽകാസറിന്‍റെ വീൽബേസ് 2,760 മില്ലിമീറ്ററായി (ക്രെറ്റയേക്കാൾ 150 മി.മി) നീട്ടിയിട്ടുണ്ട്​.

ഹ്യുണ്ടായ് ക്രെറ്റയിലുള്ള പെട്രോൾ, ഡീസൽ എഞ്ചിൻ ഓപ്ഷനുകളുമായിട്ടായിരിക്കും അൽകാസർ വരുന്നത്​. എലാൻട്ര, ട്യൂസോൺ എന്നിവയിലുള്ള2.0 ലിറ്റർ, നാല് സിലിണ്ടർ യൂനിറ്റിന്‍റെ പുതുക്കിയതും ശക്തവുമായ പതിപ്പായിരിക്കും പെട്രോൾ എഞ്ചിൻ. 159 എച്ച്​.പി കരുത്തും 192 എൻ.എം ടോർക്കും ഈ എഞ്ചിൻ ഉൽപ്പാദിപ്പിക്കും.


ക്രെറ്റയിലുള്ള 1.5 ലിറ്റർ, നാല് സിലിണ്ടർ ടർബോചാർജ്ഡ് യൂനിറ്റായിരിക്കും ഡീസൽ എഞ്ചിൻ. 115 എച്ച്.പി, 250 എൻ.എം എന്നിവ ഉൽപ്പാദിപ്പിക്കും. രണ്ട് എഞ്ചിനുകൾക്കും 6 സ്പീഡ് മാനുവൽ അല്ലെങ്കിൽ 6 സ്പീഡ് ഓട്ടോമാറ്റിക് ഗിയർബോക്സ് ലഭിക്കും. പ്രസ്റ്റീജ്, പ്രസ്റ്റീജ് (ഒ) എ.ടി, പ്ലാറ്റിനം, പ്ലാറ്റിനം (ഒ) എ.ടി, സിഗ്നേച്ചർ എം.ടി, സിഗ്നേച്ചർ (ഒ) എടി എന്നീ ആറ് വേരിയൻറുകളിൽ വാഹനം ലഭ്യമാകുമെന്നാണ്​ വിവരം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Hyundaialcazar
News Summary - Hyundai Alcazar hits showrooms; It will be launched on June 18
Next Story