ഡിജിറ്റൽ സംവിധാനത്തിൽ പ്രശ്​നങ്ങൾ; ആറ്​ ലക്ഷത്തോളം കാറുകൾ തിരിച്ചുവിളിച്ച്​ ഹോണ്ട

കാറുകൾ വാങ്ങുന്നവർക്കെല്ലാം ഇപ്പോൾ അതിനകത്തുള്ള ഇൻഫോടെയിൻമെൻറ്​ സിസ്റ്റം ഏറ്റവും മെച്ചപ്പട്ടതാവാൻ നിർബന്ധമുണ്ട്​​. മികച്ച ഡിജിറ്റൽ സംവിധാനമുള്ള കാറുകൾക്ക്​ ഡിമാൻറ്​ ഏറെയാണ്​. ചൈനയിൽ നിന്ന്​ ഇന്ത്യയിലെത്തി തരംഗമായ കിയയും എം.ജിയും അവരുടെ എസ്​.യു.വികൾ മാർക്കറ്റ്​ ചെയ്​തത്​ പോലും അകത്തുള്ള ഇൻറർനെറ്റ്​ - ഡിജിറ്റർ സംവിധാനങ്ങളുടെ മേന്മ എടുത്ത്​ പറഞ്ഞായിരുന്നു. ടാറ്റയുടെ പുതിയ മോഡലുകളിലും ഡിജിറ്റൽവത്​കരണം കാണാൻ കഴിയും.

എന്നാൽ ചിലപ്പോൾ ഇത്തരം സംവിധാനങ്ങൾക്ക്​ സോഫ്റ്റ്​വയർ അല്ലെങ്കിൽ ഹാർഡ്​വയർ പ്രശ്​നങ്ങൾ വന്നേക്കാം. അതുപോലൊരു പ്രശ്​നം റിപ്പോർട്ട്​ ചെയ്​തതിനെ തുടർന്ന്​ പ്രശസ്​ത ജാപ്പനീസ്​ ബ്രാൻഡായ ഹോണ്ട തിരിച്ചുവിളിച്ചിരിക്കുന്നത് 6.08 ലക്ഷം കാറുകളാണ്​. കമ്പനി നിർമിച്ച ചില എസ്​.യു.വികളിലും സെഡാനുകളിലുമാണ്​ ഇൻഫോടെയിൻമെൻറ്​ സിസ്റ്റത്തിലുള്ള സോഫ്റ്റ്​വയർ പ്രശ്​നങ്ങൾ കണ്ടെത്തിയത്​.

കാർ റിവേഴ്​സ്​ എടുക്കു​േമ്പാൾ പുറകിലുള്ള ദൃശ്യങ്ങൾ ഡിസ്​പ്ലേയിൽ തെളിയാത്തതും സ്​പീഡ്​, ഗിയർ പൊസിഷൻ, എൻജിൻ ഒായിൽ പ്രഷർ, ഫ്യുവൽ ഗോജ്​ എന്നിവ ഇൻസ്​ട്രുമെ​േൻറഷൻ ഡിസ്​പ്ലേയിൽ കൃത്യമായി കാണിക്കാത്തതുമാണ്​ പ്രധാന പ്രശ്​നങ്ങൾ. ഡിജിറ്റൽ സംവിധാനം പ്രവർത്തിച്ചുകൊണ്ടിരിക്കു​േമ്പാൾ ഇടക്കിടെ റീബൂട്ടാവുന്നതും റിപ്പോർട്ട്​ ചെയ്യപ്പെട്ടിട്ടുണ്ട്​.

2018-2020 ഒഡേസി, 2019-2020 പാസ്​പോർട്ട്​, 2019-2021 പൈലറ്റ്​ എന്നീ കാറുകളിലും​ ഇൻ-കാർ ഡിജിറ്റൽ സിസ്റ്റങ്ങളിൽ വിവിധ പ്രശ്​നങ്ങൾ കണ്ടെത്തിയിട്ടുണ്ട്​​. പഴയതുപോലെ വിവരങ്ങൾ ദൃശ്യമാകാൻ മുഴുവൻ സിസ്റ്റവും ഒാഫ്​ ചെയ്​തതിന്​ ശേഷം വീണ്ടും ഒാൺ ചെയ്യേണ്ടതായും വരുന്നു​. കൂടാതെ ഒാഡിയോ സംവിധാനത്തിലും ബഗ്ഗുകൾ കണ്ടെത്തി​. എന്തായാലും ഇൗ വർഷം സെപ്​തംബർ 23 മുതൽ ഉടമകളിൽ നിന്ന്​ കാറുകൾ തിരിച്ചുവിളിച്ച്​ തുടങ്ങും.