Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightHot Wheelschevron_rightAuto Newschevron_rightസിയാസിനേയും വെർനയേയും...

സിയാസിനേയും വെർനയേയും മലർത്തിയടിച്ച്​ സിറ്റിയുടെ കുതിപ്പ്​; സി സെഗ്​മെൻറിൽ ഹോണ്ടയാണ്​ താരം

text_fields
bookmark_border
സിയാസിനേയും വെർനയേയും മലർത്തിയടിച്ച്​ സിറ്റിയുടെ കുതിപ്പ്​; സി സെഗ്​മെൻറിൽ ഹോണ്ടയാണ്​ താരം
cancel

ടുത്തിടെയാണ്​ ഹോണ്ട തങ്ങളുടെ സൂപ്പർ സ്​റ്റാർ സെഡാൻ സിറ്റിയെ പരിഷ്​കരിച്ച്​ പുറത്തിറക്കിയത്​. എസ്​.യു.വികൾ പൂണ്ടുവിളയാടുന്ന വിപണിയിൽ പുതിയകാലത്ത്​ സെഡാനുകൾക്ക്​ പ്രിയം കുറവാണ്​. എങ്കിലും സിറ്റി പോലെ ജനപ്രിയ വാഹനങ്ങൾക്ക്​ ഇപ്പോഴും കൾട്ട്​ പരിവേഷം ഉള്ളതിനാൽ വിൽപ്പന മോശമാക്കാറില്ല.

മാരുതി സിയാസ്,​ ഹ്യൂണ്ടായ്​ വെർന തുടങ്ങി എതിരാളികളും കരുത്തരായതിനാൽ കടുത്ത മത്സരമാണ്​ വിപണിയിൽ നടക്കുക. കഴിഞ്ഞ ഒാഗസ്​റ്റിൽ ഇന്ത്യയിൽ നടന്ന വാഹന കച്ചവടത്തിൽ പ്രീമിയം സെഡാൻ വിഭാഗത്തിൽ ഒന്നാമതെത്തിയത്​ ഹോണ്ട സിറ്റിയാണ്​. 2299 എണ്ണമാണ്​ കമ്പനി വിറ്റഴിച്ചത്​. രണ്ടാമതെത്തിയ വെർന 2015 എണ്ണം വിറ്റു. മാരുതി സിയാസ്​ 1223 എണ്ണവുമായി മൂന്നാമതാണ്​.


സ്​​കോഡ റാപ്പിഡ് ​(697), ടൊയോട്ട യാരിസ്​ (438),ഫോക്​സ്​വാഗൻ വെ​െൻറാ (172) എന്നിവയാണ്​ വിൽപ്പനയിലെ മറ്റ്​ നമ്പരുകാർ. 2019 ഓഗസ്റ്റിലെ വിൽപ്പനയുമായി താരതമ്യം ചെയ്യുമ്പോൾ 44% വളർച്ചയാണ് സിറ്റിക്ക്​ ലഭിച്ചത്​. തുടർച്ചയായ രണ്ടാം മാസമാണ് സെഡാൻ വിൽപ്പനയിൽ സിറ്റി ഒന്നാമതെത്തുന്നത്​. പുതുതായി അവതരിപ്പിച്ച അഞ്ചാം തലമുറ സിറ്റിയോടൊപ്പം നാലാം തലമുറ വാഹനവും ഹോണ്ട വിൽക്കുന്നുണ്ട്​. 2019 ഓഗസ്റ്റിനെ അപേക്ഷിച്ച്​ ഹ്യൂണ്ടായ്​ വെർനയുടെ വിൽപ്പന 26 ശതമാനം ഉയർന്നിട്ടുണ്ട്​. പെട്രോൾ ഒൺലി മോഡലായി മാറിയതാണ്​ സിയാസിന്​ വിൽപ്പനയിൽ തിരിച്ചടിയായതെന്നാണ്​ വിലയിരുത്തൽ.

Show Full Article
TAGS:Honda City Hyundai Verna Maruti Ciaz Aug 2020 Sales hotwheels 
Next Story