Begin typing your search above and press return to search.
exit_to_app
exit_to_app
Hero MotoCorp opens booking of Harley-Davidson Pan America
cancel
Homechevron_rightHot Wheelschevron_rightAuto Newschevron_rightഹാർലിയുടെ കരുത്തൻ, പാൻ ...

ഹാർലിയുടെ കരുത്തൻ, പാൻ അമേരിക്ക സ്വന്തമാക്കാനവസരം; ബുക്കിങ്​ ആരംഭിച്ച്​ ഹീറോ​

text_fields
bookmark_border

ഹാർലി ഡേവിഡ്​സ​െൻറ ഏറ്റും കരുത്തുള്ള വാഹനമായ പാൻ അമേരിക്ക 1250 ​െൻറ ബുക്കിങ്​ ആരംഭിച്ച്​ ഹീറോ മോട്ടോകോർപ്പ്. ഇന്ത്യയിൽ പ്രവർത്തനം അവസാനിപ്പിച്ച ഹാർലിയുടെ വാഹനങ്ങൾ നിലവിൽ ഹീറോ വഴിയാണ്​ വിൽക്കുന്നത്​. ഹാർലിയുടെ മറ്റ് 13 മോഡലുകൾക്കും വരാനിരിക്കുന്ന സ്‌പോർട്‌സ്‌റ്റർ എസിനും പാൻ അമേരിക്കക്ക്​ ഒപ്പം ബുക്കിങ്​ ആരംഭിച്ചതായി ഹീറോ മോട്ടോകോർപ്പ് അറിയിച്ചു. അടുത്ത വർഷം ഫെബ്രുവരി മുതൽ ഹാർലി ഓണേഴ്​സ്​ ഗ്രൂപ്പ് ഇവൻറുകൾ പുനരാരംഭിക്കാനും ഹീറോ പദ്ധതിയിടുന്നുണ്ട്​.

പാൻ അമേരിക

ഹാർലി-ഡേവിഡ്‌സണിന്‍റെ വേറിട്ട വാഹനമാണ്​ പാൻ അമേരിക. അഡ്വഞ്ചർ ടൂറർ വിഭാഗത്തിലാണ്​ വാഹനം വരുന്നത്​. 16,90,000 രൂപയാണ്​ അടിസ്​ഥാന മോഡലിന്‍റെ വില. ഉയർന്ന സ്‌പെക്​ പാൻ അമേരിക്ക 1250 സ്‌പെഷലിന് 19,99,000 രൂപ വിലവരും (എല്ലാ വിലകളും എക്‌സ്‌ഷോറൂം, ഇന്ത്യ). അഡ്വഞ്ചർ വിഭാഗത്തിൽപ്പെടുന്ന ഹാർലിയുടെ ഒരേയൊരു ബൈക്കാണിത്​. സ്റ്റാ​േന്‍റർഡ്​ സ്​പെഷൽ എന്നിങ്ങനെ രണ്ട്​ വകഭേദങ്ങളാണ്​ വാഹനത്തിനുള്ളത്​.

ഫുൾ-എൽഇഡി ലൈറ്റിങ്​, ബ്ലൂടൂത്തുള്ള 6.8 ഇഞ്ച് കളർ ടിഎഫ്ടി ടച്ച്സ്ക്രീൻ ഡിസ്പ്ലേ, യുഎസ്ബി സി-ടൈപ്പ് ഔട്ട്‌ലെറ്റ് എന്നിവ രണ്ട്​ മോഡലുകളിലും ലഭ്യമാണ്. ഉയർന്ന വകഭേദമായ സ്‌പെഷലിന് ആധുനികമായ നിരവധി സവിശേഷതളും നൽകിയിട്ടുണ്ട്​​. ഇലക്‌ട്രോണിക് ആയി ക്രമീകരിക്കാവുന്ന സെമി-ആക്റ്റീവ് സസ്‌പെൻഷൻ സജ്ജീകരണം, സെന്‍റർ സ്റ്റാൻഡ്, ചൂടാക്കാവുന്ന ഹാൻഡ്​ ഗ്രിപ്പുകൾ, ടയർ പ്രഷർ മോണിറ്ററിംഗ് സിസ്റ്റം (ടിപിഎംഎസ്), സ്റ്റിയറിംഗ് ഡാംപ്പർ, ഈ വിഭാഗത്തിൽ ആദ്യമായി വരുന്ന അഡാപ്റ്റീവ് റൈഡ് എന്നിവയുൾപ്പെടെ ഇതിൽ ലഭിക്കും.


സ്റ്റാൻഡേർഡ് ട്രിമ്മിൽ അഞ്ച് റൈഡിങ്​ മോഡുകൾ നൽകിയിട്ടുണ്ട്​. പ്രീ-പ്രോഗ്രാം ചെയ്ത നാല് മോഡുകളും (റോഡ്, സ്പോർട്ട്, റെയിൻ, ഓഫ്-റോഡ്, ഓഫ്-റോഡ് പ്ലസ്) ഒരു കസ്റ്റം മോഡും ഉണ്ട്. റൈഡറുടെ താൽപ്പര്യങ്ങൾക്ക്​ അനുസരിച്ച് കസ്റ്റംമോഡ്​ സജ്ജീകരിക്കാൻ കഴിയും. സ്​പെഷൽ ​വേരിയന്‍റിൽ രണ്ട് അധിക കസ്റ്റം മോഡുകൾ നൽകിയിട്ടുണ്ട്​. രണ്ട് ബൈക്കുകളിലും 1,252 സിസി എഞ്ചിനാണുള്ളത്​.

9,000 ആർപിഎമ്മിൽ 150 ബിഎച്ച്പി കരുത്തും 6,750 ആർപിഎമ്മിൽ 127 എൻഎം ടോർക്കും പാൻഅമേരിക ഉത്​പാദിപ്പിക്കും. ആറ് സ്പീഡ് യൂനിറ്റ് ഉൾപ്പെടുന്നതാണ് ബൈക്കിലെ ട്രാൻസ്മിഷൻ ഓപ്ഷൻ. ബി‌എം‌ഡബ്ല്യു ആർ 1250 ജി‌എസും ഇന്ത്യൻ വിപണിയിൽ വരാനിരിക്കുന്ന ഡ്യുക്കാട്ടി മൾട്ടിസ്ട്രാഡ വി 4 ഉം ആണ്​ പാൻ അമേരികയുടെ പ്രധാന എതിരാളികൾ.


'2021 ലെ ഏറ്റവും മികച്ച മോട്ടോർസൈക്കിളുകളിലൊന്നാണ് പാൻ അമേരിക്ക 1250. അഡ്വഞ്ചർ ടൂറിങ്​ വിഭാഗത്തിലേക്കുള്ള ഹാർലിയുടെ ആദ്യ വാഹനമാണിത്​. മോട്ടോർസൈക്കിൾ ഇതിനകം തന്നെ ഉപഭോക്താക്കൾക്കിടയിൽ വലിയ ആവേശം സൃഷ്ടിച്ചിട്ടുണ്ട്​'-ഹീറോ പ്രീമിയം സെഗ്​മെൻറ്​ ബിസിനസ് മേധാവി രവി അവളൂർ പറഞ്ഞു.

കഴിഞ്ഞ വർഷം ഒക്ടോബറിലാണ്​ ഇന്ത്യൻ വിപണിയിൽ ഹാർലി-ഡേവിഡ്‌സണുമായി ഹീറോ പങ്കാളിത്തം പ്രഖ്യാപിക്കുന്നത്​. ഉപഭോക്താക്കളുടെ ടച്ച് പോയിൻറുകളും മോട്ടോർസൈക്കിളുകളുടെ സർവ്വീസ്​ കേന്ദ്രങ്ങളും ഹീറോ വിപുലീകരിക്കുന്നുണ്ട്​. ഹാർലി-ഡേവിഡ്‌സൺ ഉപഭോക്താക്കൾക്കായി രാജ്യത്തുടനീളം 14 സമ്പൂർണ്ണ ഡീലർഷിപ്പുകളുടെയും ഏഴ് അംഗീകൃത സേവന കേന്ദ്രങ്ങളുടെയും ശൃംഖലയാണ് ഇപ്പോൾ ഹീറോക്കുള്ളത്. 2022 ഫെബ്രുവരി 3 മുതൽ 5 വരെ ഗോവയിൽ ഹാർലി വാർഷിക റാലി സംഘടിപ്പിക്കുമെന്നും അദ്ദേഹം പറഞ്ഞു.

Show Full Article
TAGS:Harley-Davidson Pan America booking Hero 
News Summary - Hero MotoCorp opens booking for next batch of Harley-Davidson Pan America 1250
Next Story