Begin typing your search above and press return to search.
exit_to_app
exit_to_app
Hero MotoCorp launches new Xtreme 160R Stealth Edition at ₹1.16 lakh
cancel
Homechevron_rightHot Wheelschevron_rightAuto Newschevron_rightഎക്‌സ്ട്രീം 160 ആർ...

എക്‌സ്ട്രീം 160 ആർ സ്​റ്റെൽത്​ എഡിഷനുമായി ഹീറോ; ലക്ഷ്യം യുവാക്കൾ

text_fields
bookmark_border

ന്യൂഡൽഹി: ഹീറോ മോട്ടോകോർപ്പിന്‍റെ പ്രീമിയം കമ്യൂട്ടർ മോട്ടോർസൈക്കിളാണ് എക്‌സ്ട്രീം 160 ആർ. എക്​സ്​ട്രീമി​െൻറ സ്​റ്റെൽത്​ എഡിഷൻ അവതരിപ്പിച്ചിരിക്കുകയാണ്​ ഹീറോ ഇപ്പോൾ. സാധാരണ ബൈക്കിൽനിന്ന്​ മാറിയുള്ള നിരവധി പ്രത്യേകതകൾ ഈ ബൈക്കിന്​ ലഭിക്കും. ഇവയുടെ വിലയും കൂടുതലാണ്​. 1.16 ലക്ഷം രൂപ (എക്‌സ്-ഷോറൂം, ഡൽഹി)യാണ്​ സ്​റ്റെൽത്​ എഡിഷ​െൻറ വില. പുതിയ വകഭേദത്തിലൂടെ യുവാക്കളെയാണ്​ കമ്പനി ലക്ഷ്യമിടുന്നത്​.


കറുത്ത മാറ്റ്​ ഫിനിഷാണ്​ വാഹനത്തിന്​ നൽകിയിരിക്കുന്നത്​. എൽ.ഇ.ഡി വിങ്കറുകൾ, സൈഡ് സ്റ്റാൻഡ്, എഞ്ചിൻ കട്ട് ഓഫ് തുടങ്ങിയ ചില സെഗ്​മെന്‍റ്​ ലീഡിങ്​ സവിശേഷതകളോടെയാണ് വാഹനം വരുന്നത്. യു.എസ്.ബി ചാർജർ, എൽ.സി.ഡി ബ്രൈറ്റ്നസ് അഡ്​ജസ്റ്റ്​മെന്‍റ്​​, സ്പീഡോമീറ്ററിൽ ഒരു പുതിയ ഗിയർ ഇൻഡിക്കേറ്റർ ഫീച്ചർ എന്നിവയും ഉൾപ്പെടുത്തിയിട്ടുണ്ട്. യു.എസ്.ബി ചാർജർ ഹാൻഡിൽബാറിന് കീഴിൽ പിടിപ്പിച്ചിരിക്കുന്നു. ഇത് അനായാസമുള്ള ചാർജിങിനും എളുപ്പത്തിലുള്ള കണക്റ്റിവിറ്റിക്കും സഹായിക്കും.


139.5 കിലോഗ്രാം ഭാരമുള്ളതാണ്​ ബൈക്ക്​. ഭാരം കുറഞ്ഞ ഡയമണ്ട് ഫ്രെയിം സെറ്റപ്പ് ബൈക്കിന്‍റെ സവിശേഷതയാണ്. 37 എം.എം ടെലിസ്കോപിക് ഫ്രണ്ട് ഫോർക്കുകളും ഏഴുതരത്തിൽ ക്രമീകരിക്കാവുന്ന റിയർ മോണോ-ഷോക്ക് സസ്പെൻഷനും നൽകിയിട്ടുണ്ട്​. 165 എം.എം ആണ്​ ഗ്രൗണ്ട് ക്ലിയറൻസ്.

163 സിസി, സിംഗിൾ സിലിണ്ടർ, രണ്ട് വാൽവ് എഞ്ചിൻ, 8,500 ആർ.പി.എമ്മിൽ 15 ബി.എച്ച്.പിയും 6,500 ആർ.പി.എമ്മിൽ 14 എൻ.എം ടോർക്കും വാഹനം ഉദ്​​പാദിപ്പിക്കും. എക്‌സ്ട്രീം 160 ആർ സിംഗിൾ ഡിസ്​ക്​ ബ്രേക്ക് വേരിയന്‍റിന് 1,02,000 രൂപ (എക്‌സ്‌ഷോറൂം)യാണ്​ വില. ഇരട്ട-ഡിസ്ക് ബ്രേക്ക്​ വേരിയന്‍റിന് 1,05,050 (എക്സ്-ഷോറൂം) വിലയുണ്ട്. ഭാരം കുറഞ്ഞതും വേഗതയും കരുത്തും സമന്വയിച്ചതുമായ വാഹനമാണ്​ എക്​സ്ട്രീം​ 160 ആർ. മികച്ച ഇന്ധനക്ഷമതയും ഇതിന്‍റെ പ്രത്യേകതയാണ്​. 55.47 ആണ്​ മൈലേജ്​.

Show Full Article
TAGS:Hero Xtreme Stealth Edition 
News Summary - Hero MotoCorp launches new Xtreme 160R Stealth Edition at ₹1.16 lakh
Next Story