ഹീറൊ മാസ്ട്രോ എഡ്​ജ്​ വിപണിയിൽ; വില 60,950 രൂപ മുതൽ

നിരവധി മാസത്തെ കാത്തിരിപ്പിന്ശേഷം ഹീറോ മോട്ടോകോർപ്പ് ബിഎസ് 6 മാസ്ട്രോ എഡ്ജ് 110 ഇന്ത്യൻ വിപണിയിൽ അവതരിപ്പിച്ചു. സ്​കൂട്ടറി​െൻറ സ്​റ്റാൻഡേർഡ് വേരിയൻറിന്, 60,950 രൂപയും ഉയർന്ന വേരിയൻറിന് 62,450 രൂപയുമാണ് വില. (രണ്ട് വിലകളും എക്സ്ഷോറൂം, ഡൽഹി).

പുതിയ ബി‌എസ് 6 എഞ്ചിന് പുറമെ സെമി ഡിജിറ്റൽ ഇൻസ്ട്രുമെൻറ്​ ക്ലസ്റ്റർ, എക്സ്റ്റേണൽ ഫ്യൂവൽ ഫില്ലർ ക്യാപ്, മൊബൈൽ ചാർജിംഗ് പോർട്ട്, അണ്ടർ സീറ്റ് സ്റ്റോറേജ്, ബൂട്ട് ലൈറ്റ്​ തുടങ്ങിയ സവിശേഷതകൾ സ്കൂട്ടറിൽ ലഭ്യമാണ്. പ്രധാന ഹെഡ്‌ലൈറ്റ് പരമ്പരാഗത ഹാലൊജെൻ യൂണിറ്റാണ്​. ടെയിൽ ലൈറ്റ് എൽ.ഇ.ഡിയാണ്. പിൻഭാഗത്തെ ആകർഷകമാക്കാൻ ഇത്​ സഹായിക്കുന്നുണ്ട്​.

പുതിയ എക്സ്റ്റീരിയർ ഗ്രാഫിക്സും മിഡ്നൈറ്റ് ബ്ലൂ, സീൽ സിൽവർ എന്നീ രണ്ട് നിറങ്ങളും സ്കൂട്ടറിന് നൽകിയിട്ടുണ്ട്​. കാൻഡി ബ്ലേസിംഗ് റെഡ്, പേൾ ഫേഡ്‌ലെസ് വൈറ്റ്, പാന്തർ ബ്ലാക്ക്, ടെക്നോ ബ്ലൂ എന്നീ മുൻകാല നിറങ്ങളും ഇപ്പോഴും തുടരുന്നുണ്ട്​. അപ്ഡേറ്റ് ചെയ്ത ബിഎസ് 6110.9 സിസി സിംഗിൾ സിലിണ്ടർ എഞ്ചിനാണ്​ സ്​കൂട്ടറിന്​. 7,500 ആർ‌പി‌എമ്മിൽ എട്ട്​ പി‌എസ് കരുത്തും 5,500 ആർ‌പി‌എമ്മിൽ 8.75 എൻ‌എം ടോർക്കും ഉത്പാദിപ്പിക്കും.

എയർ-കൂൾഡ് എഞ്ചിനാണിത്​. സിവിടി ഗിയർബോക്​സാണ്​ വാഹനത്തിന്​. മുന്നിൽ ടെലിസ്‌കോപ്പിക് സസ്‌പെൻഷനും 12 ഇഞ്ച് അലോയ് വീലും ലഭിക്കും. പിന്നിൽ സ്വിങ്​ സ്പ്രിങ്​-ലോഡഡ് ഹൈഡ്രോളിക് ഡാംപറും 10 ഇഞ്ച് അലോയ് വീലും ലഭിക്കും. ഇൻറഗ്രേറ്റഡ് ബ്രേക്കിംഗ് സിസ്റ്റമാണ്​ നൽകിയിരിക്കുന്നത്​.

പുതിയ മാസ്ട്രോ എഡ്​ജിന്​ 1,843 മില്ലീമീറ്റർ നീളവും 715 മില്ലീമീറ്റർ വീതിയും 1,188 മില്ലീമീറ്റർ ഉയരവും ഉണ്ട്​. വീൽബേസ് 1,261 മില്ലിമീറ്ററും ഗ്രൗണ്ട് ക്ലിയറൻസ് 155 മില്ലിമീറ്ററുമാണ്​. സീറ്റ് 775 മില്ലീമീറ്റർ ഉയരത്തിലാണ് സ്ഥാപിച്ചിരിക്കുന്നത്.