Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightHot Wheelschevron_rightAuto Newschevron_rightഹാർലി ബൈക്കുകൾ...

ഹാർലി ബൈക്കുകൾ നിർമിക്കാനൊരുങ്ങി ഹീറോ; വിൽപ്പനയിലും വിൽപ്പനാനന്തരസേവനത്തിലും ധാരണ

text_fields
bookmark_border
ഹാർലി ബൈക്കുകൾ നിർമിക്കാനൊരുങ്ങി ഹീറോ; വിൽപ്പനയിലും വിൽപ്പനാനന്തരസേവനത്തിലും ധാരണ
cancel

രാജ്യംവിടാൻ തീരുമാനിച്ച അമേരിക്കൻ ഇരുചക്രവാഹന നിർമാതാക്കളായ ഹാർലി ഡേവിഡ്​സനുമായി സഹകരണ കരാർ ഒപ്പുവച്ച്​ ഹീറോ മോ​േട്ടാർ കോപ്​. ഹാർലി-ഡേവിഡ്‌സണി​െൻറ ഇന്ത്യയിലെ വിൽപ്പനയും വിൽപ്പനാനന്തര സേവനവും ഹീറോ കൈകാര്യം ചെയ്യും. ഹാർലിയുടെ പേരിൽ പ്രീമിയം ഉൽപ്പന്നങ്ങൾ, ബൈക്കുകൾ എന്നിവ ഹീറോ വികസിപ്പിക്കാനും ധാരണയായിട്ടുണ്ട്​. 2009 മുതൽ ഇന്ത്യയിൽ പ്രവർത്തിക്കുന്ന അമേരിക്കൻ ഇരുചക്രവാഹന നിർമാതാക്കളായ ഹാർലി ഡേവിഡ്​സൺ ആഴ്​ചകൾക്ക്​ മുമ്പാണ്​ രാജ്യം വിടുമെന്ന്​ പ്രഖ്യാപിച്ചത്​.

വർഷങ്ങളായി തുടരുന്ന വിൽപ്പന മുരടിപ്പാണ്​ തീരുമാനത്തിന്​ പിന്നിൽ. 2010 ജൂലൈയിലാണ്​ ആദ്യ ഹാർലി ഡീലർഷിപ്പ് ഇന്ത്യയിൽ സ്​ഥാപിക്കുന്നത്​. അന്നുമുതൽ രാജ്യത്തെ പ്രീമിയം മോട്ടോർ സൈക്കിൾ വിൽപ്പനയ്ക്ക് നേതൃത്വം നൽകുന്നത്​ കമ്പനിയാണ്​. ഹീറോ പുതിയ ഹാർലി-ഡേവിഡ്‌സൺ മോട്ടോർസൈക്കിളുകൾ വികസിപ്പിക്കുമെന്നത്​ ഇന്ത്യൻ വാഹനപ്രേമികളെ സംബന്ധിച്ച്​ ആവേശം പകരുന്ന വാർത്തയാണ്​. വൻ വിലയുള്ള ഹാർലികൾ ഹീറോയിലൂടെ വിലകുറച്ച്​ ലഭിക്കുമെന്നാണ്​ പ്രതീക്ഷിക്കപ്പെടുന്നത്​.

ബജാജ്, ടിവിഎസ് തുടങ്ങിയ ഇന്ത്യൻ കമ്പനികൾക്ക് ഇതിനകം തന്നെ വിദേശ മോട്ടോർ സൈക്കിൾ ബ്രാൻഡുകളുമായി പങ്കാളിത്തം ഉണ്ട്. ഹീറോയും ഒടുവിൽ ഇൗ വഴിക്കാണ്​ നീങ്ങുന്നത്​. പുതിയ ലൈസൻസിംഗ് കരാർ പ്രകാരം ഹാർലി-ഡേവിഡ്​സൺ ബ്രാൻഡിന് കീഴിലെ പ്രീമിയം മോട്ടോർസൈക്കിളുകളുടെ ഒരു ശ്രേണി ഹീറോ വികസിപ്പിക്കുകയും വിൽക്കുകയും ചെയ്യും.


ഹാർലിയുടെ മടക്കം

ലോകത്തിലെ വാഹനപ്രേമികളുടെ സ്വപ്​ന വാഹനമായ ഹാർലിയുടെ മടക്കം വലിയ നിരാശയാണ്​ വിപണിയിൽ ഉണ്ടാക്കിയത്​. ഹാർലി പോലൊരു വമ്പ​െൻറ മടക്കത്തിന്​ പിന്നിൽ നിരവധി കാരണങ്ങളാണ്​ വിലയിരുത്തപ്പെടുന്നത്​. മെയ്​ക്​ ഇൻ ഇന്ത്യ സ്ട്രീറ്റ് 750 മോഡലുകൾ ഇറക്കി വിപണിപിടിക്കാനുള്ള അവസാന ശ്രമവും പരാജയപ്പെട്ടാണ്​​ ഹാർലിയുടെ മടക്കം. കഴിഞ്ഞ സാമ്പത്തിക വർഷത്തിൽ, ഹാർലി ഇന്ത്യയിൽ 2,500 ൽ താഴെ യൂനിറ്റുകൾ മാത്രമാണ്​ വിറ്റത്​. 2020 ഏപ്രിൽ-ജൂൺ കാലയളവിൽ,100 ഓളം ബൈക്കുകൾ മാത്രമാണ് വിറ്റഴിക്കാനായത്​. ഇതോടെ കമ്പനി ഏറ്റവും മോശം പ്രകടനം കാഴ്ചവെച്ച അന്താരാഷ്ട്ര വിപണികളിലൊന്നായി ഇന്ത്യ മാറുകയായിരുന്നു.


'ദി റിവയർ'

ആഗോളതലത്തിൽ കമ്പനിയുടെ പ്രവർത്തനങ്ങൾ പുനഃസംഘടിപ്പിക്കുന്ന പദ്ധതിയെ ഹാർലി വിളിക്കുന്നത്​ 'ദി റിവയർ' എന്നാണ്​. ഹാർലി-ഡേവിഡ്​സൺ പ്രസിഡൻറും ചെയർമാനും സിഇഒയുമായ ജോഷെൻ സീറ്റ്സ് രൂപപ്പെടുത്തിയ പദ്ധതിയിൽ വിവിധതരം പ്രവർത്തനങ്ങളാണുള്ളത്​. ആഗോള ഡീലർഷിപ്പ്​ ശൃംഖല പുനഃസംഘടിപ്പിക്കുക, ചില അന്താരാഷ്ട്ര വിപണികളിൽ നിന്ന് പുറത്തുകടക്കുക,

ഇന്ത്യയിലെ വിൽപ്പന, ഉൽപ്പാദന പ്രവർത്തനങ്ങൾ നിർത്തലാക്കൽ എന്നിവ ഇതിൽ ഉൾപ്പെടുന്നു. പുനസംഘടന പ്രവർത്തനങ്ങൾ ഓഗസ്റ്റിൽ തുടങ്ങി 12 മാസംകൊണ്ട്​ പൂർത്തിയാക്കാനാണ്​ ഉദ്ദേശിക്കുന്നത്​. ഇതി​െൻറ ഭാഗമായി ഇന്ത്യയിൽ ഹാർലി തങ്ങളുടെ ജീവനക്കാരുടെ എണ്ണം 70 ആയി കുറയ്ക്കും. 'ദി റിവയർ'പദ്ധതിയുടെ ഭാഗമായുള്ള കരാറുകൾ റദ്ദാക്കുക, ജീവനക്കാരെ പിരിച്ചുവിടുക തുടങ്ങിയ പ്രവർത്തനങ്ങൾക്ക്​ 169 മില്യൺ ഡോളറാണ്​ ചിലവ്​ കണക്കാക്കുന്നത്​.

Show Full Article
TAGS:Hero Harley-Davidson agreement for India hotwheels 
Next Story