ഹെന്നസി വെനം; ലോകത്തെ വേഗതയേറിയ ഹൈപ്പർ കാർ

ലോകത്തെ ഏറ്റവും വേഗതയേറിയ റോഡ്​ കാർ എന്ന ബഹുമതി ഹെന്നസി വെനം എഫ് 5ന്​. ഹൈപ്പർ കാർ വിഭാഗത്തിൽപെടുന്ന വെനത്തിന്​ 1817 എച്ച്പി കരുത്തുണ്ട്​. പിന്നിൽ പിടിപ്പിച്ച 6.6 ലിറ്റർ ട്വിൻ-ടർബോ​ വി 8 എഞ്ചിനാണ് ടെക്​സസ് ആസ്ഥാനമായുള്ള ഹെന്നസിയുടെ ഇൗ അതികായന്​ കരുത്തുപകരുന്നത്​. 8,000 ആർപിഎമ്മിൽ 1,817 എച്ച്പി കരുത്ത്​ വാഹനം ഉത്പാദിപ്പിക്കും. വെനം എഫ് 5 ​െൻറ 24 യൂനിറ്റുകൾ മാത്രമേ നിർമ്മിക്കുകയുള്ളൂ. ഓരോന്നിനും 2.1 ദശലക്ഷം ഡോളർ വിലവരും.

മണിക്കൂറിൽ 304 മൈൽ വേഗതയുള്ള ബുഗാട്ടി ചിറോണി​െൻറ റെക്കോർഡ്​ ആണ്​ വെനം തകർത്തത്​. വെനത്തിന്​ 311 മൈൽ (മണിക്കൂറിൽ 500 കിലോമീറ്റർ) വേഗത കൈവരിക്കാനാകുമെന്നാണ്​ കമ്പനി അവകാശപ്പെടുന്നത്​. പൂജ്യം മുതൽ 100 കിലോമീറ്റർ വരെ വേഗത കൈവരിക്കാൻ 2.6 സെക്കൻഡ് മാത്രമാണ്​ വാഹനത്തിന്​ വേണ്ടത്​. റിയർ-വീൽ ഡ്രൈവ് കാറി​െൻറ ഭാരം 1,360 കിലോഗ്രാം ആണ്. ഇത് ഒരു കിലോയ്ക്ക് 1.34 എച്ച്പി എന്ന അമ്പരപ്പിക്കുന്ന പവർ-ടു-വെയ്റ്റ് അനുപാതം വാഹനത്തിന്​ നൽകുന്നു. കാറിന് പൂർണമായും പുതിയ ഡിസൈനാണ്​ നൽകിയിരിക്കുന്നത്​. ഷാസി, കാർബൺ ഫൈബർ ബോഡി എന്നിവ എയറോഡൈനാമിക്​സിൽ കേന്ദ്രീകരിച്ച് സാധ്യമായ ഏറ്റവും കുറഞ്ഞ ഭാരം നേടാൻ വാഹനത്തിനായി.

കാർബൺ-ഫൈബർ മോണോകോക്ക് ഷാസിയാണ്​ വാഹനത്തിന്​. സ്പോർട്ട്, ട്രാക്ക്, ഡ്രാഗ്, വെറ്റ്, എഫ് 5 എന്നിങ്ങനെ അഞ്ച് ഡ്രൈവ് മോഡുകൾ വാഹനത്തിന്​ ഉണ്ട്​. ഡ്രൈവർ കേന്ദ്രീകരിച്ചുള്ള ഇൻറീരിയർ വിമാനത്തി​െൻറ കോക്ക്പിറ്റുകളോട് സാമ്യമുള്ളതാണ്. വാതിലുകൾ, ഡാഷ്‌ബോർഡ്, സീറ്റുകൾ എന്നിവയിൽ ലെതർ പാനലുകൾ ഉണ്ട്.

കാർബൺ ഫൈബർ സ്റ്റിയറിംഗ് വീൽ എഫ് 1 റേസിംഗ് കാറുകളിൽ നിന്ന് പ്രചോദനം ഉൾക്കൊണ്ടാണ്​ നിർമിച്ചിരിക്കുന്നത്​. ഇത് ലൈറ്റുകൾ, വിൻഡ്‌സ്ക്രീൻ വൈപ്പറുകൾ, ടേൺ സിഗ്നലുകൾ എന്നിവയ്‌ക്ക് മികച്ച നിയന്ത്രണങ്ങൾ നൽകുന്നു. 7.0 ഇഞ്ച് ഇൻസ്ട്രുമെൻറ്​ ഡിസ്പ്ലേ ക്ലസ്റ്ററും ഉൾപ്പെടുത്തിയിട്ടുണ്ട്. സാറ്റലൈറ്റ് നാവിഗേഷൻ, സ്റ്റീരിയോ, ബ്ലൂടൂത്ത്, ആപ്പിൾ കാർ പ്ലേ, ആൻഡ്രോയ്​ഡ്​ ഓട്ടോ എന്നിവയും നൽകിയിട്ടുണ്ട്.