ഗ്രാവിറ്റാസല്ല സഫാരിയാണത്​, ആരാധകരെ ത്രസിപ്പിച്ച്​ ടാറ്റയുടെ പ്രഖ്യാപനം

വരാനിരിക്കുന്ന എസ്​.യു.വി മോഡലിന്​ സഫാരിയെന്ന്​ പേരിട്ട്​ ടാറ്റ. ഗ്രാവിറ്റാസ്​ എന്ന കോഡ്​നെയിമിൽ അറിയപ്പെട്ടിരുന്ന വാഹനമാണ്​ സഫാരിയെന്ന്​ പുനർനാമകരണം ചെയ്യുന്നത്​. ഓട്ടോ എക്സ്പോ 2020 ൽ ഗ്രാവിറ്റാസ് ആയി അവതരിപ്പിച്ച ഏഴ്​ സീറ്റുകളുള്ള എസ്‌യുവി മോഡലാണിത്​. ജനുവരിയിൽ വാഹനം ഷോറൂമുകളിലെത്തും.ടാറ്റയുടെ ഏറ്റവുംവലിയ എസ്​.യു.വിയെന്ന ഖ്യാതിമായായി സഫാരി​ വിപണിയിലെത്തുക. ഹാരിയർ എന്ന ജനപ്രിയ എസ്​.യു.വിയുടെ വലുപ്പംകൂടിയ മോഡലാണ്​ സഫാരി​.

ഡിസൈനും മെക്കാനിക്കൽ പ്രത്യേകതകളും അഞ്ച് സീറ്റുകളുള്ള ഹാരിയറുമായി പങ്കിടുന്ന എസ്​.യു.വി കൂടിയാണിത്​. വാഹനത്തിന്‍റെ വില ഉടൻ പ്രഖ്യാപിക്കില്ലെന്നാണ്​ ടാറ്റ പറയുന്നത്​. മൂന്ന്​നിര സീറ്റുകളുള്ള സഫാരിക്ക്​​ ഹാരിയറിനേക്കാൾ ഉയരമുണ്ട്.ഹാരിയർ പോലെ മാനുവൽ, ഓട്ടോ ഓപ്ഷനുകളുള്ള 170 എച്ച്പി ഡീസൽ എഞ്ചിനായിരിക്കും വാഹനത്തിന്​. ഹാരിയറും സഫാരിയും ടാറ്റയുടെ ഒമേഗ പ്ലാറ്റ്ഫോമാണ്​ പങ്കിടുന്നത്​. മൂന്നാം നിര സീറ്റുകളെ ഉൾക്കൊള്ളുന്നതിന് ഹാരിയറിന്‍റെ നീളത്തിൽ​ നിന്ന്​ 63 മില്ലീമീറ്ററും ഉയരത്തിൽ 80 മില്ലീമീറ്ററും സഫാരിക്ക്​​ ടാറ്റ വർധിപ്പിച്ചിട്ടുണ്ട്​. 4,661 മില്ലീമീറ്റർ നീളവും 1,894 മില്ലീമീറ്റർ വീതിയും 1,786 മില്ലീമീറ്റർ ഉയരവും 2,741 മില്ലീമീറ്ററും വീൽബേസുമാണ്​ പുതിയ വാഹനത്തിനുള്ളത്​​.

The Legend, Reborn.
The perfect combination of Design, Versatility, Comfort & Performance, is here.
The All- New Tata Safari. Get ready to #ReclaimYourLife

Arriving in showrooms this January. pic.twitter.com/Bz3PuR5mp3

— Tata Motors Cars (@TataMotors_Cars) January 6, 2021

രൂപത്തിൽ ഏകദേശം ഒരുപോലെയാണ്​ ഇരുവാഹനങ്ങളും. സഫാരിയും ഹാരിയറും തമ്മിലുള്ള മുൻവശത്തെ സ്റ്റൈലിംഗ് വ്യത്യാസങ്ങൾ സൂക്ഷ്മമാണ്​. എന്നാൽ ബി പില്ലർ മുതൽ സഫാരി​ വ്യത്യസ്തമാണ്​. പുതിയ എസ്‌യുവിക്കായി പുതുപുത്തൻ അലോയ് ഡിസൈനും നൽകിയിട്ടുണ്ട്​. ഇന്‍റീരിയറും മറ്റ്​ സവിശേഷതകളുടെ ലിസ്റ്റും സമാനമാകുമെന്ന് പ്രതീക്ഷിക്കുന്നു. ടാറ്റയുടെ ഏറ്റവും ഉയർന്ന എസ്‌യുവി എന്ന നിലയിൽ സഫാരിക്ക്​ ഹാരിയറിനേക്കാൾ വില കൂടുതലുണ്ടാകും. ഹാരിയറിന്‍റെ വില 13.84-20.30 ലക്ഷം രൂപയാണ്. ഏറ്റവും കുറഞ്ഞ മോഡൽ സഫാരിക്ക്​ 15 ലക്ഷം രൂപയാണ്​ പ്രതീക്ഷിക്കപ്പെടുന്നത്​.