ആൻഡ്രോയ്​ഡ്​ ഒാ​േട്ടാ പരിഷ്​കരിക്കുമെന്ന്​ ഗൂഗിൾ; കലണ്ടർ ഉൾപ്പെടുത്താനും തീരുമാനം

സ്​മാർട്ട്​ ഫോണുകൾ വാഹനങ്ങളുമായി ബന്ധിപ്പിക്കുന്നതിന്​ വ്യാപകമായി ഉപയോഗിക്കുന്ന ആപ്ലക്കേഷനാണ്​ ആൻഡ്രോയ്​ഡ്​ ഒാ​േട്ടാ. ഗൂഗിളാണ്​ ഇൗ ആപ്ലിക്കേഷ​െൻറ ഉടമകൾ. ആൻഡ്രോയ്​ഡ്​ പ്ലാറ്റ്​ഫോമിൽ പ്രവർത്തിക്കുന്ന സ്​മാർട്ട്​ ഫോണുകളിലാണ്​ ഇവ പ്രവർത്തിക്കുക.

ആപ്പിൾ ഫോണുകൾ കാറുകളുമായി ബന്ധിപ്പിക്കുന്നതിനുള്ള ആപ്ലിക്കേഷനെ ആപ്പിൾ കാർ പ്ലെ എന്നാണ്​ പറയുക. ആൻഡ്രോയ്​ഡ്​ ഒാ​േട്ടായെ പരിഷ്​കരിക്കാൻ തീരുമാനിച്ചിരിക്കുകയാണ്​ നിലവിൽ ഗൂഗിൾ. കലണ്ടർ ഉൾപ്പടെ ഡ്രൈവമാരെ കേന്ദ്രീകരിച്ചുള്ള ഒരു കൂട്ടം ആപ്ലിക്കേഷനുകൾ ചേർക്കാനാണ്​ നീക്കം നടക്കുന്നത്​.

തേർഡ്​ പാർട്ടി ആപ്ലിക്കേഷനുകൾക്ക് അനുവാദം നൽകുമെന്നും ഗൂഗിൾ പറയുന്നു. ആൻഡ്രോയിഡ് ഓട്ടോയിൽ പ്രവർത്തിക്കുന്ന കാർ-ഇൻഫോടെയിൻമെൻറ്​ സിസ്റ്റങ്ങൾക്കായി പ്ലേ സ്റ്റോറിൽ മൂവായിരത്തിലധികം ആപ്ലിക്കേഷനുകൾ നിലവിലുണ്ട്​. മ്യൂസിക് സ്ട്രീമിംഗ് സേവനങ്ങൾ അല്ലെങ്കിൽ പോഡ്​കാസ്​റ്റിംഗ് പോലുള്ള അടിസ്ഥാന ഓഡിയോ പ്ലേബാക്ക് ആപ്ലിക്കേഷനുകളാണ് ഇവയിൽ ഭൂരിഭാഗവും.

അമേരിക്കയിൽ‌ ഗൂഗിളി​െൻറതല്ലാത്ത ആപ്ലിക്കേഷനുകൾ‌ ആൻഡ്രോയ്​ഡ്​ ഒാ​േട്ടായിലേക്ക് കൊണ്ടുവരുന്നതിന് വിവിധ പങ്കാളികളുമായി ചേർന്ന്​ ശ്രമം നടക്കുന്നുണ്ട്​. പാർക്കിംഗിനായി സ്പോട്ട് ഹീറോ, ഇ.വികൾ ചാർജ് ചെയ്യാൻ​ ചാർജ് പോയിൻറ്​, നാവിഗേഷനായി സിജിക് എന്നിവയുമായി ഗൂഗിൾ സഹകരിക്കുന്നുണ്ട്​.

കലണ്ടറിൻറ കാര്യത്തിൽ സാധാരണ ആൻഡ്രോയ്​ഡ്​ ആപ്ലിക്കേഷനിലെ ഗ്രിഡിനുപകരം അതാത്​ ദിവസത്തെ ഇവൻറുകളുടെ അജണ്ട കാണിക്കുന്ന സംവിധാനമാകും വരിക. നാവിഗേഷനിലും പരിഷ്​കരണം വരുത്തുമെന്നാണ്​ സൂചന. മറ്റൊരു പ്രധാന കൂട്ടിച്ചേർക്കൽ സെറ്റിങ്​​സ്​ ബട്ട​െൻറതാണ്​. ഈ അപ്‌ഡേഷനുകളെല്ലാം ആൻഡ്രോയിഡ് 6.0-ലും അതിനുശേഷമുള്ളതുമായ എല്ലാ വെർഷനുകളിലും ലഭ്യമാകും.