Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_right30000 ഇ.വികൾ ബുക്ക്​...

30000 ഇ.വികൾ ബുക്ക്​ ചെയ്​ത്​ കേരളവും ഗോവയും; സർക്കാർ മേഖലയിൽ കൂടുതൽ വൈദ്യുത വാഹനങ്ങൾ വരും

text_fields
bookmark_border
Goa and Kerala to deploy a fleet of more than 30,000
cancel

വാഹനരംഗം വൈദ്യൂതീകരിക്കുന്നതി​െൻറ ഭാഗമായി കേരളവും ഗോവയും കൂടുതൽ ഇ.വികൾ വാങ്ങുന്നു. എനർജി എഫിഷ്യൻസി സർവീസസ് ലിമിറ്റഡി​െൻറ (ഇ.ഇ.എസ്.എൽ) പൂർണ ഉടമസ്ഥതയിലുള്ള കൺവെർജൻസ് എനർജി സർവീസസ് ലിമിറ്റഡുമായാണ്​ ഇരു സംസ്​ഥാനങ്ങളും കരാർ ഒപ്പുവച്ചിരിക്കുന്നത്​. ലോകപരിസ്​ഥിതി ദിനത്തിൽ നടന്ന കരാറിലൂടെ 30000 ഇരുചക്ര, മുച്ചക്ര വാഹനങ്ങൾ വാങ്ങുകയാണ്​ ലക്ഷ്യം. സർക്കാർ മേഖലയിൽ ഉപയോഗിക്കാനാണ്​ വാഹനങ്ങൾ വാങ്ങുന്നത്​.


ഇലക്ട്രിക് ഇരുചക്രവാഹനങ്ങൾ സർക്കാർ ജീവനക്കാർക്ക് ഉപയോഗിക്കാനും ഇലക്ട്രിക് ത്രീ വീലറുകൾ സാധന കൈമാറ്റം ഉൾപ്പടെയുള്ളവക്ക്​ ഉപയോഗിക്കാനുമാണ്​ നീക്കം നടക്കുന്നത്​. ഇലക്ട്രിക് വാഹനങ്ങൾ നിർമിക്കുന്നതിനും അടിസ്ഥാന സൗകര്യങ്ങൾ വികസിപ്പിക്കുന്നതിനും ഭാരത് ഇലക്ട്രോണിക്​സ്​ ലിമിറ്റഡ് (ബെൽ), ടിവിഎസ് മോട്ടോർ കമ്പനി, ജെബിഎം റിന്യൂവബിൾസ് പ്രൈവറ്റ് ലിമിറ്റഡ്, ഫോർട്ടം ഇന്ത്യ എന്നിവയുൾപ്പെടെ നിരവധി കമ്പനികളുമായി കൺവെർജൻസ് എനർജി സർവീസസ് ലിമിറ്റഡ്​ കരാറിൽ ഒപ്പുവച്ചിട്ടുണ്ട്​. ഇവരിലൂടെയാകും കമ്പനി ഇ.വികൾ സംസ്​ഥാനങ്ങൾക്ക്​ നൽകുക. പുതിയ കരാറുകൾ‌ക്ക് കീഴിൽ, ഇലക്ട്രിക് വാഹനങ്ങൾ‌ക്ക് ചാർ‌ജിങ്​ സൗകര്യം ഒരുക്കുന്നതിനും വകുപ്പുണ്ട്​.


നാഷനൽ ഹൈവേകളിലും എക്സ്പ്രസ് ഹൈവേകളിലും ചാർജിങ്​ പോയിൻറുകളും കരാറി​െൻറ ഭാഗമായി സ്​ഥാപിക്കും. എല്ലാ ഇവി സെഗ്‌മെന്റുകളിലുമുള്ള ഉപഭോക്താക്കൾക്കും പാർക്കിങ്​, ചാർജിങ്​ സൗകര്യങ്ങൾ ഒരുക്കാനാണ്​ നീക്കം നടക്കുന്നത്​. നിലവിൽ രാജ്യത്ത്​ ഇലക്​ട്രിക്​ സ്​കൂട്ടർ, ഒാ​േട്ടാറിക്ഷ, പിക്കപ്പ്​ ഒാ​േട്ടാ തുടങ്ങിയയാണ്​ കൂടുതൽ ജനപ്രിയമായിട്ടുള്ളത്​. കുറഞ്ഞ വേഗതയുള്ള ഇലക്ട്രിക് ഇരുചക്രവാഹനങ്ങൾ നഗരത്തിനാണ്​ കൂടുതൽ യോജിച്ചത്​. ചരക്ക് ഗതാഗതത്തിൽ ഇലക്ട്രിക് ത്രീ വീലറുകൾ പ്രധാന പങ്ക് വഹിക്കുന്നുണ്ട്​. പെട്രോളിന്റെയും ഡീസലിന്റെയും വില ക്രമാതീതമായി വർധിക്കുന്നത് ഇന്ത്യയിലെ ഇവി വിൽപ്പനക്ക്​ ആക്കം കൂട്ടുകയാണ്​​.

Show Full Article
TAGS:electric vehicle EV kerala electric scooters 
Next Story