Begin typing your search above and press return to search.
exit_to_app
exit_to_app
30 ലക്ഷം കാറുകൾ തിരിച്ചുവിളിക്കാൻ ഫോർഡ്​
cancel
Homechevron_rightHot Wheelschevron_rightAuto Newschevron_right30 ലക്ഷം കാറുകൾ...

30 ലക്ഷം കാറുകൾ തിരിച്ചുവിളിക്കാൻ ഫോർഡ്​

text_fields
bookmark_border

എയർബാഗ്​ സുരക്ഷയുമായി ബന്ധപ്പെട്ടുള്ള പിഴവിനെ തുടർന്ന്​ അമേരിക്കൻ വാഹന നിർമാതാക്കളായ ഫോർഡ്​ 30 ലക്ഷം കാറുകൾ തിരിച്ചുവിളിക്കാനൊരുങ്ങുന്നു. ഫോർഡി​െൻറ ചരിത്രത്തിലെ തന്നെ ഏറ്റവും വലിയ വാഹനം തിരിച്ചുവിളിക്കൽ നടപടിക്ക്​ കാരണക്കാരനായത്​ അമേരിക്കയിലെ നാഷണൽ ഹൈ​വേ സേഫ്​റ്റി അഡ്​മിനിസ്​ട്രേഷനും (NHTSA). എയർബാഗ്​ ഇൻഫ്​ലേറ്ററുകൾ കീറി ലോഹശകലങ്ങൾ പുറത്തേക്ക്​ തെറിക്കുന്ന പ്രതിഭാസത്തിന്​​ പിന്നാലെയാണ്​ അധികൃതരുടെ ഉത്തരവ്​ വരുന്നത്​. അത്​ ഗുരുതരമായ പരിക്കുകൾക്ക്​ കാരണമാവുന്നതായാണ്​ റിപ്പോർട്ട്​.

ഭീമമായ സാമ്പത്തിക ബാധ്യതയുണ്ടാക്കുന്ന നടപടിയിലേക്കാണ്​ ഫോർഡ്​ കടക്കാൻ പോകുന്നത്​. ​30 ലക്ഷം കാറുകൾ തിരിച്ചുവിളിക്കുക വഴി അവർക്ക്​ 610 ദശലക്ഷം ഡോളറാണ് (4,450 കോടി രൂപ)​ ചെലവ്​ വരിക. അമേരിക്കയിൽ മാത്രം 27 ലക്ഷം കാറുകൾ എയർബാഗിലുള്ള പ്രശ്​നം കാരണം തിരിച്ചുവിളിക്കും. റേഞ്ചർ, ഫ്യൂഷൻ, എഡ്​ജ്​, ലിങ്കൺ സൈഫർ/എംകെസെഡ്​, മെർകുറി മിലൻ, ലിങ്കൺ എംകെഎക്​സ്​ തുടങ്ങിയ കാറുകൾക്കാണ്​ പ്രശ്​നം കാണപ്പെട്ടത്​. 2006 മുതൽ 2012 വരെയുള്ള കാലഘട്ടത്തിൽ നിർമിച്ച കാറുകളാണിവ.

ഇത്തരത്തില്‍ വാഹനങ്ങള്‍ തിരിച്ചുവിളിക്കുന്നത് റദ്ദാക്കണമെന്നാവശ്യപ്പെട്ട് ഫോര്‍ഡ് മോട്ടോര്‍ കമ്പനി 2017 നിയമ പോരാട്ടം ആരംഭിച്ചിരുന്നു. എന്നാൽ എൻ.എച്ച്​.ടി.എസ്​.എ ആവശ്യം ഇപ്പോള്‍ തള്ളിയിരിക്കുകയാണ്. അതേസമയം, തകാത്ത ഇന്‍ഫ്‌ലേറ്ററുകളുടെ ഉപയോഗം വലിയ വിവാദം സൃഷ്ടിച്ചിരുന്നു. ആഗോള തലത്തില്‍ നാനൂറില്‍ പരം ആളുകള്‍ക്ക് ഇതുമൂലം പരിക്കേൽക്കുകയുണ്ടായി. 27 പേരാണ് അതിനാൽ കൊല്ലപ്പെട്ടത്. അതില്‍ 18 എണ്ണവും അമേരിക്കയില്‍ ആയിരുന്നു.

Show Full Article
TAGS:Ford car recall 
News Summary - Ford to recall 30 lakh vehicles over faulty airbags
Next Story