Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_rightപിക്കപ്പ്​ രാജാവ്​...

പിക്കപ്പ്​ രാജാവ്​ 'റേഞ്ചർ റാപ്​ടർ'ഇറക്കുമതി ചെയ്യുമെന്ന്​ ഫോർഡ്​

text_fields
bookmark_border
പിക്കപ്പ്​ രാജാവ്​ റേഞ്ചർ റാപ്​ടർഇറക്കുമതി ചെയ്യുമെന്ന്​ ഫോർഡ്​
cancel

പിക്കപ്പ്​ എന്ന്​ കേൾക്കു​േമ്പാൾ ഇരുമ്പുകൊണ്ട്​ നിർമിച്ച, കടകടാ ശബ്​ദമുണ്ടാക്കി പായുന്ന ചിലതരം ട്രക്കുകളാണ്​ സാധാരണഗതിയിൽ നമ്മുടെ മനസിൽവരിക. ചൂടിൽ പഴുത്ത്,​ വളച്ചിട്ടും വളയാത്ത സ്​റ്റിയറിങിൽ തൂങ്ങി കഷ്​ടപ്പെട്ട്​ ഒാടിക്കുന്ന അത്തരം പിക്കപ്പുകൾ വികസിത രാജ്യങ്ങളിൽ ഇപ്പോൾ കാണാൻ കഴിയില്ല. ലോക വാഹന വ്യവസായത്തി​െൻറ പറുദീസയായ അമേരിക്കയിൽ ഏറ്റവുമധികം വിൽക്കപ്പെടുന്ന പിക്കപ്പാണ്​ ഫോർഡ്​ റേഞ്ചർ റാപ്​ടർ. ജിഎംസി സിയറ, ഷെവി കൊളറാഡോ, ടൊയോട്ട തുന്ദ്ര, നിസ്സാൻ ഫ്രോണ്ടിയർ, ജീപ്പ് ഗ്ലാഡിയേറ്റർ, ഹോണ്ട റിഡ്‌ലൈൻ തുടങ്ങിയവയാണ്​ റേഞ്ചറി​െൻറ പ്രധാന എതിരാളികൾ.


പെർഫോമൻസ്​ പിക്കപ്പ്​ എന്നാണ്​ റേഞ്ചർ റാപ്​ടർ അറിയപ്പെടുന്നത്​. പരിമിതമായ എണ്ണം റേഞ്ചർ റാപ്‌റ്റർ ഇറക്കുമതി ചെയ്യാൻ ഫോർഡ് ഒരുങ്ങുന്നതായാണ്​ നിലവിലെ സൂചന. ഫോർഡ് എൻ‌ഡോവർ എസ്‌യുവിക്ക് സമാനമായ റണ്ണിംഗ് ഗിയറിനെ അടിസ്ഥാനമാക്കിയാണ്​ റാപ്​ടർ നിർമിച്ചിരിക്കുന്നത്​. ദൈനംദിന പിക്ക്അപ്പ് മാത്രമല്ല റാപ്​ടർ, പരുക്കൻ ഭൂപ്രദേശങ്ങളിൽ പോകാൻ പ്രത്യേകം രൂപകൽപ്പന ചെയ്​ത സൂപ്പർ പിക്കപ്പുകളാണിത്​. 2021 ​െൻറ രണ്ടാം പാദത്തിൽ വാഹനം എത്തുമെന്നാണ്​ പ്രതീക്ഷിക്കപ്പെടുന്നത്​.


റേഞ്ചർ റാപ്‌റ്ററി​െൻറ ഗ്രൗണ്ട് ക്ലിയറൻസ് 283 മില്ലിമീറ്ററാണ്. സ്പീഡ് ബ്രേക്കറുകൾ മാത്രമല്ല നിങ്ങൾക്ക് ഇതുപയോഗിച്ച്​ ഡിവൈഡറുകളെ പോലും മറികടക്കാൻ കഴിയുമെന്ന്​ സാരം. 800 മില്ലീമീറ്റർ ആഴമുള്ള വെള്ളത്തിലൂടെ സഞ്ചരിക്കാനും റാപ്​ടറിനാകും. കൂടാതെ 285 എംഎം ടയറുകൾ മികച്ച ട്രാക്ഷനും നൽകുന്നു. ഇരട്ട ടർ‌ബോകളുള്ള 213 എച്ച്പി ഉത്​പാദിപ്പിക്കുന്ന 500 എൻ‌എം ടോർക്ക് ശേഷിയുള്ള എഞ്ചിനാണ്​ വാഹനത്തിന്​. ഫോർഡി​െൻറ 10 സ്പീഡ് ഓട്ടോമാറ്റിക് ഗിയർ‌ബോക്​സാണ്​ ട്രാൻസ്​മിഷനായി ഉപയോഗിക്കുന്നത്​.


കൂടാതെ ഫോർവീൽ ഡ്രൈവിന് ഒരു ടെറൈൻ മാനേജുമെൻറ്​ സിസ്റ്റവും ആറ് മോഡുകളും നൽകിയിട്ടുണ്ട്. 2021 ​െൻറ രണ്ടാം പകുതിയിൽ 2,500 യൂനിറ്റുകൾ ഇന്ത്യയിലെ ഷോറൂമുകളിൽ എത്തിക്കാനാണ്​ ഫോർഡി​െൻറ തീരുമാനം. സവിശേഷമായ ഈ ഓഫ്റോഡർ സ്വന്തമാക്കാൻ 70 ലക്ഷം രൂപ വരെ നൽകേണ്ടിവരും.

Show Full Article
TAGS:ford Ranger Ranger Raptor Ford ranger 
Next Story