Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_rightമാവെറികിനെ...

മാവെറികിനെ തിരിച്ചെത്തിച്ച്​ ഫോർഡ്​, ഇത്തവണ പിക്കപ്പ്​ രൂപത്തിൽ

text_fields
bookmark_border
Ford Maverick pickup truck breaks cover
cancel

മാവെറിക്​ എന്നത്​ ഏറ്റവും കാൽപ്പനികമായ ഇംഗ്ലീഷ്​ വാക്കുകളിൽ ഒന്നാണ്​. യാഥാസ്​ഥിതികരല്ലാത്ത സ്വതന്ത്ര മനസുള്ളവരേയും അത്തരം സ്വഭാവമുള്ള എല്ലാത്തിനേയും നമുക്ക്​ മാവെറിക്​ എന്ന്​ വിളിക്കാം. 1970കളിൽ ​ഫോർഡ്​ നിർമിച്ചിരുന്ന ഒരു മസിൽ കാറായിരുന്നു മാവെറിക്​. ഇറങ്ങിയ വർഷംതന്നെ പതിനായിരക്കണക്കിന്​ മാവെറിക്കുകൾ അ​മേരിക്കയിൽ വിറ്റഴിഞ്ഞു.


1977വരെ ഫോർഡ്​ വാഹനം നിർമിച്ചിരുന്നു. മാവെറികിനെ വീണ്ടും നിരത്തിലെത്തിക്കാനൊരുങ്ങുകയാണ്​ ഹോർഡ്​. പുതിയ വരവിൽ പിക്കപ്പ്​ രൂപത്തിലാണ്​ വാഹനം വരിക. ഫോർഡി​െൻറ ഏറ്റവും ചെറിയ പിക്കപ്പ്​ ആയിരിക്കും മാവെറിക്​. രണ്ട് പെട്രോൾ ഹൈബ്രിഡ് എഞ്ചിൻ ഓപ്ഷനുകൾ വാഹനത്തിലുണ്ട്​. തുടക്കത്തിൽ അമേരിക്കയിലാകും വാഹനം വിൽക്കുക.


എൻട്രി ലെവൽ പിക്കപ്പ്​

ഫോർഡിന്റെ എൻട്രി ലെവൽ പിക്കപ്പ് ആയിരിക്കും മാവെറിക്. 5,072 മില്ലിമീറ്റർ നീളവും 1,745 മില്ലിമീറ്റർ ഉയരവും ഉള്ള വാഹനമാണിത്​. ഫോർഡ്​ റേഞ്ചറിന് താഴെയായി വാഹനം ഇടംപിടിക്കും. റേഞ്ചറിനേക്കാൾ 282 മിമി നീളവും 71 എംഎം ഉയരവും കുറവാണ്​ മാവെറികിന്​. ഫോർഡ് ബ്രോങ്കോ സ്‌പോർട്ടുമായി പങ്കിടുന്ന മോണോകോക്ക് ഷാസിയിലാണ്​ ട്രക്​ നിർമിച്ചിരിക്കുന്നത്​. ഓപ്‌ഷണൽ ആയി ഫോർവീൽ സവിശേഷതകളും ലഭിക്കും. 191 എച്ച്​.പി കരുത്തുള്ള, 2.5 ലിറ്റർ നാല് സിലിണ്ടർ പെട്രോൾ എഞ്ചിനാണ് മാവെറിക്കിന്​ കരുത്തുപകരുന്നത്​. 2.0 ലിറ്റർ പെട്രോൾ എഞ്ചിനുള്ള ഓപ്ഷനും 250 എച്ച്പിയിൽ ലഭ്യമാണ്.


എക്സ് എൽ, എക്സ് എൽ ടി, ലാരിയറ്റ് എന്നിങ്ങനെ മൂന്ന് ട്രിമ്മുകളിൽ വാഹനം ലഭ്യമാണ്​. ഫോർ-വീൽ ഡ്രൈവ്, ഓൾ-ടെറൈൻ ടയറുകൾ, സസ്പെൻഷൻ ട്യൂണിങ്​, ഓഫ്-റോഡ് ഡ്രൈവ് മോഡുകൾ എന്നിവ എക്സ്എൽടി, ലാരിയറ്റ് വേരിയൻറുകളിൽ ഉൾപ്പെടുത്തിയിട്ടുണ്ട്​. 8.0 ഇഞ്ച് ഇൻഫോടെയ്ൻമെന്റ് ടച്ച്‌സ്‌ക്രീനിൽ ആപ്പിൾ കാർപ്ലേയും ആൻഡ്രോയിഡ് ഓട്ടോ കണക്റ്റിവിറ്റിയും ലഭിക്കും. തൽക്കാലം വാഹനം ഇന്ത്യയിൽ എത്തില്ല. സമീപഭാവിയിൽ റേഞ്ചർ റാപ്‌റ്ററിനെ ഫോർഡ് ഇന്ത്യയിലെത്തിക്കുമെന്ന് പ്രതീക്ഷിക്കുന്നു.

Show Full Article
TAGS:Ford Maverick Ford Maverick pickup truck 
Next Story