മഹീന്ദ്രയുടെ 'സ്വന്തം' ഹൈപ്പർ കാർ, 1874 കുതിരശക്​തിയുമായി ബാറ്റിസ്​റ്റ; വില 17.1 കോടി

ഹൈപ്പർ കാറുകൾ നിർമിക്കുന്ന മഹീന്ദ്ര എന്നത്​ നമ്മുക്ക്​ പുതുമയുള്ള സംഗതിയാണ്​. ബോലേറോയും എക്​സ്​.യു.വിയും ഥാറുമൊക്കെയാണ്​ നമ്മളെ സംബന്ധിച്ച്​ മഹീന്ദ്ര വാഹനങ്ങൾ. എന്നാൽ ലോകത്തെ ഏറ്റവും കരുത്തേറിയ വാഹനങ്ങളിലൊന്ന്​ നിർമിക്കുന്നത്​ മഹീന്ദ്രയുടെ മേൽനോട്ടത്തിലാ​െണന്നതാണ്​ വാസ്​തവം. മഹീന്ദ്രയുടെ ഉടമസ്​ഥതയിലുള്ള ഇറ്റാലിയൻ ഡിസൈനർ കമ്പനിയായ പിനിൻഫരീനയാണ്​ ബാറ്റിസ്​റ്റ എന്ന പേരിൽ ഇലക്​ട്രിക്​ ഹൈപ്പർ കാർ നിർമിക്കുന്നത്​. 1874 കുതിരശക്​തിയുള്ള വാഹനം ഇറ്റലിയിൽ നിന്ന്​ പുറത്തിറങ്ങുന്ന ഏറ്റവും കരുത്തുള്ള വാഹനമായിരിക്കും. സാക്ഷാൽ ഫെരാരിയുടെ കളിത്തൊട്ടിലിലാണ്​ മഹീന്ദ്രയുടെ തേരോട്ടം എന്നത്​ ഏതായാലും ഇന്ത്യക്കാർക്ക്​ അഭിമാനിക്കാനുള്ള വകനൽകും.

ബാറ്റിസ്​റ്റ ഇ-ഹൈപ്പർകാർ ആഗസ്റ്റ് 12 ന് ആഗോളതലത്തിൽ അവതരിപ്പിക്കും. തിരഞ്ഞെടുത്ത ഉപഭോക്താക്കൾക്കായി കാലിഫോർണിയയിലെ മോണ്ടറി മോ​േട്ടാർ ഷോയിലായിരിക്കും വാഹനത്തി​െൻറ അവതരണം നടക്കുക. രണ്ട് സെക്കൻഡിൽ പൂജ്യത്തിൽ നിന്ന്​ 100 കിലോമീറ്റർ വേഗത​ ​കൈവരിക്കാൻ വാഹനത്തിനാകും. 2,300 എൻ.എം ആണ്​ ടോർക്​. ബാറ്റിസ്​റ്റയുടെ 150 യൂനിറ്റുകൾ മാത്രമായിരിക്കും നിർമിക്കുക. നാല്​ ഇലക്​ട്രിക്​ മോ​േട്ടാറുകളാണ്​ വാഹനത്തിന്​ കരുത്തുപകരുക. സാധാരണ വേഗതയിൽ 500 കിലോമീറ്റർ റേഞ്ച്​ നൽകാൻ ബാറ്റിസ്​റ്റക്കാവും​. എന്നാൽ വേഗത കൂടുന്തോറും റേഞ്ച്​ കുറയും.

'90 വർഷത്തിലധികം പഴക്കമുള്ള ഡിസൈൻ പൈതൃകമുള്ള പിനിൻഫരീന, ആഡംബരത്തി​െൻറ മനോഹരവും സുസ്ഥിരവുമായ ഭാവിയിലേക്ക്​ മുന്നേറുന്നതിൽ ഞങ്ങൾ സന്തുഷ്​ടരാണ്'-സിഇഒ പെർ സ്വാൻറസൺ പറഞ്ഞു. 'ബാറ്റിസ്റ്റയുടെ ഗംഭീര പ്രകടനവും ആഡംബരവും ആദ്യമായി അനുഭവിക്കുന്ന അമേരിക്കയിലെ ക്ലയൻറുകൾക്കായി ഞങ്ങൾ കാത്തിരിക്കുന്നു'-അദ്ദേഹം കൂട്ടിച്ചേർത്തു.

1.7മില്യൻ പൗണ്ട്​ അഥവാ 17.5 കോടി രൂപയാണ്​ ബാറ്റിസ്​റ്റയുടെ വില. ക്രൊയേഷ്യൻ നിർമാതാവായ റിമാകി​െൻറ​ നെവേര, പുറത്തിറങ്ങാനിരിക്കുന്ന ലോട്ടസ് ഇവിജ എന്നിവ ബാറ്റിസ്​റ്റയുടെ എതിരാളികളാണ്​. ഇതിൽ നെവേരയുമായി എഞ്ചിൻ പങ്കിടുന്നുണ്ടെന്ന പ്രത്യേകതയും ബാറ്റിസ്​റ്റക്കുണ്ട്​.