Begin typing your search above and press return to search.
proflie-avatar
Login
exit_to_app
exit_to_app
Homechevron_rightHot Wheelschevron_rightAuto Newschevron_rightചരിത്രം തിരുത്തി മായ;...

ചരിത്രം തിരുത്തി മായ; ഫെരാരി ഫോർമുല വൺ അക്കാഡമിയിലെ ആദ്യ​ വനിതാ ഡ്രൈവർ

text_fields
bookmark_border
Ferrari sign first female driver
cancel

ഫെരാരിയുടെ ഫോർമുല വൺ ഡ്രൈവർ അക്കാദമിയിലേക്ക് ആദ്യമായൊരു വനിതയെ ഉൾപ്പെടുത്തി. 16 കാരിയായ ഡച്ച് ഗോ-കാർട്ടർ മായ വെഗുമായാണ്​ വെള്ളിയാഴ്ച ഫെരാരി കരാർ ഒപ്പിട്ടത്​.ഫെരാരി നടത്തിയ അഞ്ച് ദിവസത്തെ സ്കൗട്ടിംഗ് ക്യാമ്പിലെ വിജയിയായിരുന്നു മായ. ഇറ്റാലിയൻ ടീമിന്‍റെ മാരനെല്ലോ ആസ്ഥാനത്തും ഫിയോറാനോ ടെസ്റ്റ് ട്രാക്കിലുമായി നടന്ന ക്യാമ്പിൽ മികച്ച പ്രകടനമാണ്​ മായ നടത്തിയത്​.


ഫോർമുല ഫോർ ചാമ്പ്യൻഷിപ്പിൽ ഒരു സീസണിൽ ഫെരാരിയോടൊപ്പം മായ പ​ങ്കെടുക്കും. 'ഫെരാരിയുടെയും അക്കാദമിയുടെയും ചരിത്രത്തിലെ സുപ്രധാന നിമിഷമാണിത്'- ഫോർമുല വൺ ടീം തലവൻ മാറ്റിയ ബിനോട്ടോ പ്രസ്താവനയിൽ പറഞ്ഞു.'മോട്ടോർസ്പോർട്ടിനെ കൂടുതൽ ഇൻക്ലൂസീവ്​ ആക്കുന്നതിനുള്ള ഞങ്ങളുടെ പ്രതിബദ്ധതയുടെ വ്യക്തമായ സൂചനയാണ് മായയുടെ വരവ്'-അദ്ദേഹം കൂട്ടിച്ചേർത്തു. 1976ൽ ഇറ്റാലിയൻ ​വനിതാ ഡ്രൈവർ ലെല്ല ലോംബാർഡി ഫോർമുല വണ്ണിൽ മത്സരിച്ചതിനുശേഷം ഒരു വനിതാ ഡ്രൈവർ ഗ്രാൻഡ് പ്രീയിൽ എത്തിയിരുന്നില്ല.


നാല് വനിതാ ഫൈനലിസ്റ്റുകളിൽ ഒരാൾ ഒരു പ്രത്യേക വിഭാഗത്തിൽ സ്കൗട്ടിംഗ് ക്യാമ്പിന്‍റെ ചരിത്രത്തിലെ ഏറ്റവും ഉയർന്ന റാങ്ക്​ നേടിയതായും അക്കാദമി മാനേജർ മാർക്കോ മാറ്റാസ പറഞ്ഞു. 'ഗേൾസ് ഓൺ ട്രാക്ക്-റൈസിംഗ് സ്റ്റാർസ്' പ്രോഗ്രാമിൽ 12-16 വയസ്സ് പ്രായമുള്ള 20 ഡ്രൈവർമാരെ ദേശീയ മോട്ടോർസ്പോർട്ട് അധികൃതർ ഉൾപ്പെടുത്തിയിരുന്നു. ഡച്ചുകാരനായ പിതാവിനും ബെൽജിയംകാരിയായ മാതാവിനുമൊപ്പമാണ്​ മായ വെഗ്​ കഴിയുന്നത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:automobileformula1Ferrarifemale driver
Next Story