Begin typing your search above and press return to search.
proflie-avatar
Login
exit_to_app
exit_to_app
Homechevron_rightHot Wheelschevron_rightAuto Newschevron_rightഒാട്ടത്തിനിടെ...

ഒാട്ടത്തിനിടെ ഇടിച്ചുതകർന്ന്​ ഫെരാരി സൂപ്പർ കാർ; ഭീതിപ്പെടുത്തുന്ന ദൃശ്യങ്ങൾ

text_fields
bookmark_border
ഒാട്ടത്തിനിടെ ഇടിച്ചുതകർന്ന്​ ഫെരാരി സൂപ്പർ കാർ; ഭീതിപ്പെടുത്തുന്ന ദൃശ്യങ്ങൾ
cancel

ഫെരാരിയുടെ ഏറ്റവും കരുത്തനായ സ്​പോർട്​സ്​ കാറുകളിൽ ഒന്നാണ്​ 812 സൂപ്പർഫാസ്​റ്റ്​. ഫെരാരിയുടെ ഏറ്റവും വേഗതയേറിയ മോഡലും ഇതുതന്നെ. 812 സൂപ്പർഫാസ്​റ്റുകളിലൊന്ന്​ ലണ്ടനിലെ പാലത്തിൽവച്ച്​ ഒാട്ടത്തിനിടെ ഇടിച്ചുതകർന്ന ദൃശ്യങ്ങളാണിപ്പോൾ പുറത്തുവന്നിരിക്കുന്നത്​. വാഹനത്തിനുള്ളിൽ പിടിപ്പിച്ചിരുന്ന കാമറയിലാണ്​ അപകട ദൃശ്യം പതിഞ്ഞത്​. ട്രാഫിക്​ സിഗ്​നലിൽ നിർത്തിയിട്ടിരുന്ന വാഹനം മുന്നോ​െട്ടടുക്കു​േമ്പാൾ വേഗതകൂടി നിയന്ത്രണം വിടുകയായിരുന്നു. 3.5 കോടിയിലധികം രൂപ വിലവരുന്ന വാഹനമാണ്​ 12 സൂപ്പർഫാസ്​റ്റ്​.

അപകടത്തെ തുടർന്ന്​ വാഹനത്തിനുള്ളിൽ കേടുപാടുകൾ സംഭവിച്ചതായും കാണാം. മുന്നിലെ രണ്ട്​ എയർബാഗുകളും പുറത്തുവന്നു. അപകടസമയത്ത് പാലത്തിൽ കാൽനടയാത്രക്കാരും സൈക്കിൾ യാത്രക്കാരും ഉണ്ടായിരുന്നെങ്കിലും ആർക്കും പരിക്കേറ്റിട്ടില്ല. അപകടം നടന്ന റോഡിൽ 20 മൈൽ വേഗതാ പരിധി ഉണ്ടായിരുന്നുവെന്നും ഫെരാരി ഇത്​ ലംഘിച്ചതായും റിപ്പോർട്ടുണ്ട്.സംഭവത്തെക്കുറിച്ച് പോലീസ് അന്വേഷണം ആരംഭിച്ചു.

812 സൂപ്പർഫാസ്​റ്റ്​

812 സൂപ്പർഫാസ്​റ്റ്​ പേര് സൂചിപ്പിക്കുന്നതുപോലെ ഫെരാരി ഇതുവരെ നിർമ്മിച്ചതിൽ വച്ച് ഏറ്റവും ശക്തവും വേഗതയേറിയതുമായ മോഡലാണ്​. 6.5 ലിറ്റർ, വി 12 എഞ്ചിനാണ്​ വാഹനത്തിന്​. 2.9 സെക്കൻഡിൽ 100 കിലോമീറ്റർ വേഗത കൈവരിക്കാനാവും. ഫെറാരി ഇൗ വാഹനം ആദ്യമായി ലോകത്തിന് പരിചയപ്പെടുത്തിയത് 2017 ജനീവ മോട്ടോർ ഷോയിലാണ്. ഇതി​െൻറ എയറോഡൈനാമിക്​ ഡിസൈൻ, ഇലക്ട്രിക് പവർ സ്റ്റിയറിംഗ് എന്നിവ സൂപ്പർ കാറുകളുടെ ലോകത്ത് വേറിട്ടുനിൽക്കുന്നതാണ്​.


അടുത്തിടെ വാഹനത്തിൽ തകരാർ കണ്ടെത്തിയതി​നെതുടർന്ന്​ തിരിച്ചുവിളിക്കാൻ തീരുമാനിച്ചിരുന്നു. അമേരിക്കയിൽ വിറ്റഴിച്ച 1,063 യൂനിറ്റുകളാണ്​ തിരിച്ചുവിളിച്ചത്​. 2018 നും 2020 നും ഇടയിൽ നിർമ്മിച്ചവയാണിവ. പിന്നിലെ വിൻഡോകളിലാണ്​ തകരാറ്​ ​. ഉയർന്ന വേഗതയിൽ വിൻഡോകൾ ഇളകിവീഴുന്നതായാണ്​ കണ്ടെത്തിയിരിക്കുന്നത്​. ഇവ കൃത്യമായി പിടിപ്പിച്ചിട്ടുണ്ടാവില്ല എന്നായിരുന്നു​ കമ്പനിയുടെ നിഗമനം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:automobileFerrari812 Superfascrashes in London
Next Story