വില 100 കോടി രൂപ, പൂർത്തിയാക്കാനെടുത്തത്​ രണ്ട്​ വർഷം; പുതിയ കറുത്ത കരുത്തനെ അവതരിപ്പിച്ച്​ ബുഗാട്ടി

ലോകത്ത്​ ഏറ്റവും വേഗതയുള്ള ഹൈപ്പർ കാറുകൾ നിർമിക്കുന്ന കമ്പനിയാണ്​ ബുഗാട്ടി. എഞ്ചിനീയറിങ്​ വിസ്​മയങ്ങളെന്നാണ്​​ ബുഗാട്ടി കാറുകളെ വിശേഷിപ്പിക്കുന്നത്​ തന്നെ. ആഡംബരത്വം നിറഞ്ഞ്​ കവിയുന്ന ബുഗാട്ടി കാറുകൾ വിലയുടെ കാര്യത്തിലും ഒരിക്കൽ പോലും ആരെയും ഞെട്ടിക്കാതിരുന്നിട്ടില്ല. കമ്പനി പുതുതായി പുറത്തിറക്കിയ ബുഗാട്ടി ലാ വോയിറ്റർ നോയർ അന്തിമ പതിപ്പിന്​ വിലയിട്ടിരിക്കുന്നത് 13.4 മില്യൺ ഡോളറാണ്​.​ 100 കോടിയോളം ഇന്ത്യൻ രൂപ​. കണ്ണഞ്ചിപ്പിക്കുന്ന ഇൗ ഫാൻസി മെഷീൻ പൂർത്തിയാക്കാൻ അണിയറപ്രവർത്തകരെടുത്തത്​ 65,000 എഞ്ചിനീയറിങ്​ മണിക്കൂറുകളാണ്​.

ബുഗാട്ടി ചിറോണിനെ അടിസ്ഥാനമാക്കിയുള്ളതാണ് വരാനിരിക്കുന്ന താരം. കാറി​െൻറ പേരും കാറി​െൻറ കളറും ഒന്നുതന്നെയാണ്​​ എന്നതാണ്​ മറ്റൊരു പ്രത്യേകത. 'ലാ വോയിറ്റർ നോയിറി​െൻറ' ഫ്രഞ്ചിൽ നിന്നുള്ള വിവർത്തനം 'കറുത്ത കാർ' എന്നാണ്​ ആണ്. ചിറോണിൽ നിന്ന് ബുഗാട്ടിയുടെ പുതിയ കറുത്ത കരുത്തൻ ക്വാഡ്-ടർബോചാർജ്ഡ്, 1,479-കുതിരശക്തിയുള്ള 8.0 ലിറ്റർ ഡബ്ല്യു16 എഞ്ചിൻ കടംകൊണ്ടിട്ടുണ്ട്​. എങ്കിലും അതി​െൻറ പൂർണ്ണമായ ബെസ്‌പോക്ക് രൂപകൽപ്പനയും വിപുലീകൃത വീൽബേസും ഏറെ വ്യത്യസ്​തമാണ്​. ചിറോണിനെ അപേക്ഷിച്ച് ബുഗാട്ടിയുടെ ഏറ്റവും പുതിയ കാറി​െൻറ വീൽബേസ് 9.8 ഇഞ്ച് വർദ്ധിപ്പിച്ചിട്ടുണ്ട്​.

രൂപകൽപ്പനയുടെ കാര്യത്തിൽ, പുതിയ ജെറ്റ് ബ്ലാക്ക് കാർ രാജകീയവും സ്പോർട്ടിയും അങ്ങേയറ്റം ശക്തവുമാണെന്ന്​ തിരിച്ചറിയാൻ കഴിയും. ഇൗ ഫോർ വീൽ മെഷീന് പിന്നിൽ ആറ് എക്‌സ്‌ഹോസ്റ്റ് ടിപ്പുകൾ ഉണ്ട്, അത് വളരെ അഗ്രസീസ്​ അനുഭവം കാറിന്​ പകരുന്നു​. കാറി​െൻറ ബോഡിക്ക്​ ഒരു കാർബൺ ഫൈബർ പ്രതലവും 'ബ്ലാക്ക്​ കാർബൺ ഗ്ലോസി' എന്ന വ്യക്തമായ കോട്ടിങ്ങുമുണ്ട്. ലാ വോയിറ്റർ നോയറി​െൻറ ഓരോ അൾട്രാ വൈഡ്‌ലൈറ്റ് സ്ട്രിപ്പുകളിലും ഉയർന്ന വെളിച്ചം പകരുന്ന എൽഇഡി ബൾബുകളുടെ 25 ഓളം വ്യക്തിഗത യൂണിറ്റുകളുമുണ്ട്​ കൂടാതെ ഫ്രണ്ട് ഗ്രില്ലിലെ 3ഡി പ്രിൻറഡ്​ രൂപവും എടുത്തുപറയേണ്ടതാണ്​​.