Top
Begin typing your search above and press return to search.
keyboard_arrow_down
Login
exit_to_app
exit_to_app
ആർ 18 ക്ലാസിക്കുമായി ബി.എം.ഡബ്ല്യൂ; നിരവധി ഫീച്ചറുകൾ കൂട്ടിച്ചേർത്തു
cancel
Homechevron_rightHot Wheelschevron_rightAuto Newschevron_rightആർ 18 ക്ലാസിക്കുമായി...

ആർ 18 ക്ലാസിക്കുമായി ബി.എം.ഡബ്ല്യൂ; നിരവധി ഫീച്ചറുകൾ കൂട്ടിച്ചേർത്തു

text_fields
bookmark_border

ബി.എം.ഡബ്ല്യു മോ​േട്ടാറാഡ്​ സ്​റ്റാൻഡേർഡ് R18 ക്രൂസി​െൻറ പുതിയ വേരിയൻറായ ക്ലാസിക് അവതരിപ്പിച്ചു. സ്​റ്റാൻഡേർഡ് ബൈക്കിൽ ഒന്നിലധികം ടൂറിങ്​ അധിഷ്​ഠിത ആക്‌സസറികൾ കൂട്ടിച്ചേർത്താണ്​ പുതിയ വേരിയൻറ്​ സൃഷ്​ടിച്ചിരിക്കുന്നത്​​. 2020 സെപ്റ്റംബറിൽ ഇന്ത്യയിൽ അവതരിപ്പിച്ച സ്​റ്റാൻഡേർഡ് ആർ 18 അടിസ്ഥാനമാക്കിയാണ് ആർ 18 ക്ലാസിക് നിർമ്മിച്ചിരിക്കുന്നത്.

മുൻവശത്തെ വലിയ വിൻഡ്‌സ്ക്രീൻ, സാഡിൽ ബാഗുകൾ, എൽഇഡി പവർ ഓക്​സിലറി ലൈറ്റുകൾ എന്നിവ പുതിയ ബൈക്കിൽ നൽകിയിട്ടുണ്ട്​. ഇതിനുപുറമെ സ്​റ്റാൻഡേർഡ് മോഡലിൽ നിന്ന് വ്യത്യസ്തമായി പിൻയാത്രക്കാരനായി സീറ്റും ക്ലാസിക്കിൽ ലഭ്യമാണ്. ഏറ്റവും വലിയ മാറ്റം മുന്നിലെ ടയറിലാണ്​. R18 ലെ 19 ഇഞ്ച് യൂണിറ്റിന് പകരം 16 ഇഞ്ച് ഫ്രണ്ട് വീലാണ്​ ക്ലാസിക്കിലുള്ളത്​. ക്രൂയിസ് കൺട്രോളും സ്​റ്റാൻഡേർഡായി ലഭിക്കുന്നു.R18 ​െൻറ അതേ 1,802 സിസി, എയർ, ഓയിൽ-കൂൾഡ്​ എഞ്ചിനാണ് ബൈക്കിന്​ കരുത്തുപകരുന്നത്​.

ബി‌എം‌ഡബ്ല്യു ഇതുവരെ നിർമ്മിച്ചിട്ടുള്ളതിൽ ഏറ്റവും വലിയ ബോക്‌സർ എഞ്ചിനാണിത്. 4,750 ആർപിഎമ്മിൽ 91 എച്ച്പി കരുത്തും 3,000 ആർപിഎമ്മിൽ 158 എൻഎം ടോർക്കും വാഹനം ഉത്പാദിപ്പിക്കും. കൃത്യമായി പറഞ്ഞാൽ 2,000-4,000 ആർ.പി.എമ്മിനുള്ളിൽ ലഭിക്കുന്ന 150എൻഎം ടോർക്കാണ്​ ബൈക്കി​െൻറ കരുത്ത്​. പഴയ ബി‌എം‌ഡബ്ല്യു ക്രൂയിസറുകളിൽ നിന്ന് പ്രചോദനം ഉൾക്കൊണ്ട്​ ഡ്രൈവ് ഷാഫ്റ്റ് വഴി പിൻ ചക്രങ്ങളിലേക്ക് കരുത്ത്​ നൽകുകയാണ്​ R18 ചെയ്യുന്നത്​. ബി‌എം‌ഡബ്ല്യു എല്ലായ്‌പ്പോഴും അതി​െൻറ അന്താരാഷ്​ട്ര മോഡലുകൾ‌ മിക്കതും ഇന്ത്യയിലേക്ക്‌ കൊണ്ടുവന്നിട്ടുണ്ട്, പുതിയ വേരിയൻറ് അടുത്ത വർഷംതന്നെ രാജ്യത്ത്​ എത്തുമെന്നാണ്​ സൂചന.

Show Full Article
TAGS:BMW BMW R18 R18 Classic hotwheels 
Next Story