20 'ഡെഫനെറ്റ്​ലി മെയിൽ' വർഷങ്ങൾ; പുതിയ പൾസറുകൾ പുറത്തിറക്കി ബജാജ്​ ഒാ​േട്ടാ

കൊച്ചി: ഇന്ത്യൻ വിപണിയിലെ ആദ്യ സ്​പോർട്​സ്​ ബൈക്ക്​ എന്ന്​ വിളിക്കാവുന്ന ബജാജ്​ പൾസർ അവതരിപ്പിച്ചിട്ട്​ 20 വർഷം തികയുന്നു. '​ഡെഫനിറ്റ്​ലി മെയിൽ'എന്ന പരസ്യ വാചകവുമായി നിരത്തിലെത്തിയ പൾസർ പിന്നീട്​ യുവാക്കൾക്കിടയിൽ തരംഗമായിരുന്നു. നഴ്​സ്​ ആഡ്​ എന്നറിയപ്പെടുന്ന പൾസർ പരസ്യവും രാജ്യത്ത്​ വൻതോതിൽ ജനപ്രിയമായി. 150/180 സി.സിയിലാണ്​ അന്ന്​ ബൈക്ക്​ അവതരിപ്പിച്ചത്​. 15 ബി.എച്ച്​.പി കരുത്തുള്ള വാഹനമായിരുന്നു 180 സി.സി പൾസർ.

20ാം വാർഷികത്തിൽ രണ്ട് പുതിയ പള്‍സര്‍ 250 സി.സി ബൈക്കുകളാണ്​ കമ്പനി പുറത്തിറക്കിയിരിക്കുന്നത്​. പള്‍സര്‍ എന്‍250യും എഫ്250യും പൾസർ പാരമ്പര്യം അനുസ്യൂതം നിലനിർത്തും. 250സിസി ബിഎസ് 6 ഡിറ്റിഎസ്-ഐ ഓയില്‍ കൂള്‍ഡ് എഞ്ചിന്‍ 24.5 പിഎസ് മികച്ച പവറും 21.5 പിഎസ് എന്‍എം പീക്ക് ടോർകും നല്‍കുന്നു. പള്‍സര്‍ എഫ് 250ക്കു 1,40,000 രൂപയും എന്‍ 250ക്ക് 1,38,000 രൂപയുമാണ് വില. ടെക്നോ ഗ്രേ, റേസിങ്​ റെഡ് എന്നിങ്ങനെ രണ്ട് നിറങ്ങളില്‍ ലഭ്യമാണ്​.

ആകര്‍ഷകമായ സ്‌പോര്‍ട്ടി ലുക്ക്, പ്രൊജക്ടര്‍ എല്‍ഇഡി ഹെഡ്‌ലാമ്പുകള്‍, അസിസ്റ്റ് ആന്‍ഡ് സ്ലിപ്പര്‍ ക്ലച്ച്, ഗിയര്‍ ഇന്‍ഡിക്കേറ്റര്‍, യുഎസ്ബി മൊബൈല്‍ ചാര്‍ജിങ്​, മോണോ-ഷോക്ക് സസ്പെന്‍ഷന്‍, അസിസ്റ്റ് ആന്‍ഡ് സ്ലിപ്പര്‍ ക്ലച്ച്, ഇന്‍ഫിനിറ്റി ഡിസ്പ്ലേ കണ്‍സോള്‍, ഗിയര്‍ പൊസിഷന്‍ ഇന്‍ഡിക്കേറ്റര്‍, 300 എംഎം 230 എംഎം ബ്രേക്കിങ്​ എന്നിവയാണ് മറ്റു പ്രത്യേകതകള്‍.

2001 ഒക്ടോബര്‍ 28-നാണ് ബജാജ് ഒാേട്ടാ ഇന്ത്യയില്‍ ആദ്യത്തെ പള്‍സര്‍ പുറത്തിറക്കിയത്. അതിനുശേഷം, ഇന്ത്യയില്‍ പുതിയ മാനദണ്ഡങ്ങള്‍ സ്ഥാപിക്കുകയും ആഗോളതലത്തില്‍ പള്‍സറിനെ 50 രാജ്യങ്ങളിലെ ഏറ്റവും പ്രിയപ്പെട്ട' മോേട്ടാര്‍സൈക്കിള്‍ ബ്രാന്‍ഡുകളിലൊന്നാക്കി മാറ്റി. രണ്ട് പുതിയ പള്‍സര്‍ 250-കള്‍ പുറത്തിറക്കിക്കൊണ്ട് പള്‍സര്‍ വീണ്ടും ഈ മാനദണ്ഡം ഉയര്‍ത്തിയെന്നു ബജാജ് ഒാേട്ടാ എക്‌സിക്യൂട്ടീവ് ഡയറക്ടര്‍ രാകേഷ് ശര്‍മ്മ പറഞ്ഞു

മോട്ടോർസൈക്കിളിന്റെ രണ്ട് പതിപ്പുകൾക്കും സ്പ്ലിറ്റ് സീറ്റുകളും ഡിജി-അനലോഗ്​ ഇൻസ്ട്രുമെന്റേഷനും ലഭിക്കും. എൻ.എസ്​, ആർ.എസ്​ ഇതര പൾസറിന് പിന്നിൽ മോണോഷോക്ക് ലഭിക്കുന്നത് ഇതാദ്യമാണ്. മുൻവശത്തെ സസ്പെൻഷൻ പരമ്പരാഗത ടെലിസ്കോപ്പിക് ഫോർക്​ ആണ്. മുന്നിൽ 300 എംഎം ഡിസ്‌കും പിന്നിൽ 230 എംഎം ഡിസ്‌കും സിംഗിൾ ചാനൽ എബിഎസും ബൈക്കുകളിൽ സജ്ജീകരിച്ചിരിക്കുന്നു. പുതിയ പൾസറുകൾക്ക് 14 ലിറ്റർ ഇന്ധന ടാങ്ക് ശേഷിയുണ്ട്. എൻ 250 ന് 162 കിലോഗ്രാം ഭാരവും എഫ്​ 250 ന് 164 കിലോഗ്രാം ഭാരവുമുണ്ട്.