Begin typing your search above and press return to search.
proflie-avatar
Login
exit_to_app
exit_to_app
Homechevron_rightHot Wheelschevron_rightAuto Newschevron_rightബജാജ്​ ചേതക്​ ഇ.വി...

ബജാജ്​ ചേതക്​ ഇ.വി ഇനിമുതൽ ഇൗ നഗരത്തിലും; ബുക്കിങ്​ ഉടൻ

text_fields
bookmark_border
Bajaj Chetak electric scooter to be launched in this city next
cancel

ബജാജി​െൻറ ഇ.വി സ്​കൂട്ടറായ ചേതക്​ രാജ്യത്തെ ഒരു നഗരത്തിൽക്കൂടി ലഭ്യമാകും. പുനെ, ചെന്നൈ, ബംഗളൂരു, ഹൈദരാബാദ് എന്നിവയുൾപ്പെടെ തിരഞ്ഞെടുത്ത ഇന്ത്യൻ നഗരങ്ങളിൽ നിലവിൽ ചേതക്​ ഇ.വി വിൽക്കുന്നുണ്ട്​. അർബൻ, പ്രീമിയം എന്നിങ്ങനെ രണ്ട് ട്രിമ്മുകളിലാണ് വാഹനം ലഭ്യമാകുന്നത്. അർബൻ ട്രിമ്മിന് 1.42 ലക്ഷം (എക്സ്-ഷോറൂം) വിലയുണ്ട്, പ്രീമിയം ട്രിമ്മി​െൻറ വില​ 1.44 ലക്ഷം (എക്സ്-ഷോറൂം) ആണ്​.നിലവിലെ നഗരങ്ങൾക്കൊപ്പം നാഗ്​പൂരിൽക്കൂടിയാണ്​ ചേതക്​ വിൽപ്പനക്കെത്തുക. സമൂഹമാധ്യമങ്ങളിൽക്കൂടിയാണ്​ ഇക്കാര്യം ബജാജ്​ അറിയിച്ചത്​. ഇ.വിയുടെ ബുക്കിങ്​ ഉടൻ ആരംഭിക്കുമെന്നും കമ്പനി അധികൃതർ അറിയിച്ചു.


2020 ഡിസംബർ വരെയുള്ള കാലയളവിൽ 18 ചേതക് ഡീലർഷിപ്പുകളാണ്​ ബജാജ്​ ആരംഭിച്ചത്​. അതിൽ അഞ്ചെണ്ണം പുണെയിലും ബാക്കിയുള്ളവ ബംഗളൂരുവിലുമാണ്. ഈഥർ 450 എക്‌സിനും ടിവിഎസ് ഐക്യൂബ് ഇലക്ട്രിക് സ്‌കൂട്ടറുമാണ്​ ചേതക്കിന്‍റെ പ്രധാന എതിരാളികൾ. ബജാജ്​ ​േചതക്കിലുള്ള 3.08 കിലോവാട്ട് ബ്രഷ്‌ലെസ്സ് ഡിസി മോട്ടോറിന്‍റെ പരമാവധി ടോർക്​ 16എൻ.എം ആണ്. 60.3Ah ലിഥിയം അയൺ ബാറ്ററിയുള്ള സ്കൂട്ടർ ഇക്കോ മോഡിൽ 95 കിലോമീറ്ററും സ്‌പോർട്ട് മോഡിൽ 85 കിലോമീറ്ററും പരിധി വാഗ്​ദാനം ചെയ്യുന്നു.


പരമ്പരാഗത 5 എ പവർ സോക്കറ്റ് വഴി 5 മണിക്കൂറിനുള്ളിൽ സ്​കൂട്ടർ പൂർണമായും ചാർജ് ചെയ്യാം. ഒരു മണിക്കൂറിനുള്ളിൽ 25 ശതമാനം ചാർജും ചെയ്യാനാകും. ബാറ്ററി ഉൾപ്പെടെ ചേതക്കിൽ ബജാജ് 3 വർഷത്തെ അല്ലെങ്കിൽ 50,000 കിലോമീറ്റർ വാറൻറി നൽകും.നീക്കംചെയ്യാനാകാത്ത 3 കിലോവാട്ട് ഐപി 67 ലിഥിയം അയൺ ബാറ്ററിയാണ്​ വാഹനത്തിനുള്ളത്​​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Bajajelectric scooterBajaj Chetak
Next Story