Begin typing your search above and press return to search.
exit_to_app
exit_to_app
Bajaj Auto reopens bookings for Chetak electric in Pune
cancel
Homechevron_rightHot Wheelschevron_rightAuto Newschevron_rightനിർത്തിവച്ച ചേതക്​...

നിർത്തിവച്ച ചേതക്​ ബുക്കിങ്​ പുനരാരംഭിച്ച്​​ ബജാജ്​; ബുക്ക്​ ചെയ്യേണ്ടത്​ വെബ്​സൈറ്റ്​ വഴി

text_fields
bookmark_border

പുണെ, ബംഗളൂരു നഗരങ്ങളിൽ നിർത്തിവച്ച ചേതക്​ ബുക്കിങ്​ പുനരാരംഭിച്ച്​ ബജാജ്​. ബുധനാഴ്​ചയാണ്​ ബുക്കിങ്​ തുടങ്ങിയത്​. കമ്പനിയുടെ ഒൗദ്യോഗിക വെബ്സൈറ്റിൽ നിന്ന്​ വാഹനം രജിസ്റ്റർ ചെയ്യാം. ഏതാനും മാസങ്ങൾക്ക് മുമ്പ് പൂണെയിലും ബംഗളൂരുവിലും ബുക്കിങ്​ താൽക്കാലികമായി നിർത്തിയിരുന്നു ഇതാണിപ്പോ പുനരാരംഭിച്ചത്​. നിലവിൽ ചേതക്​ എട്ട്​ ഇന്ത്യൻ നഗരങ്ങളിൽ ലഭ്യമാണ്​. പുണെ, ചെന്നൈ, ബംഗളൂരു, ഹൈദരാബാദ്, നാഗ്​പുർ, മൈസൂരു, മംഗളൂരു, ഒൗറംഗാബാദ്​ എന്നീ നഗരങ്ങളാണത്​. ചേതകിനെ ഇതുവരെ കേരള വിപണിയിൽ ബജാജ്​ എത്തിച്ചിട്ടില്ല.


സമൂഹമാധ്യമങ്ങളിൽക്കൂടിയാണ്​ ബുക്കിങ്​ പുനരാരംഭിച്ച വിവരം ബജാജ്​ അറിയിച്ചത്​. താൽപ്പര്യമുള്ളവർക്ക്​ 2000 രൂപ നൽകി വാഹനം ബുക്ക്​ ചെയ്യാം. അർബൻ, പ്രീമിയം എന്നിങ്ങനെ രണ്ട് ട്രിമ്മുകളിലാണ് വാഹനം ലഭ്യമാകുന്നത്. അർബൻ ട്രിമ്മിന് 1.42 ലക്ഷം (എക്സ്-ഷോറൂം) വിലയുണ്ട്, പ്രീമിയം ട്രിമ്മി​െൻറ വില​ 1.44 ലക്ഷം (എക്സ്-ഷോറൂം) ആണ്​. 2023 ഒാടെ 22 ഇന്ത്യൻ നഗരങ്ങളിൽ ചേതക്​ വിൽക്കാനാണ്​ ബജാജ്​ പദ്ധതിയിട്ടിരിക്കുന്നത്​.

2020 ഡിസംബർ വരെയുള്ള കാലയളവിൽ 18 ചേതക് ഡീലർഷിപ്പുകളാണ്​ ബജാജ്​ ആരംഭിച്ചത്​. അതിൽ അഞ്ചെണ്ണം പുണെയിലും ബാക്കിയുള്ളവ ബംഗളൂരുവിലുമാണ്. ഈഥർ 450 എക്‌സിനും ടിവിഎസ് ഐക്യൂബ് ഇലക്ട്രിക് സ്‌കൂട്ടറുമാണ്​ ചേതക്കിന്‍റെ പ്രധാന എതിരാളികൾ. ബജാജ്​ ​േചതക്കിലുള്ള 3.08 കിലോവാട്ട് ബ്രഷ്‌ലെസ്സ് ഡിസി മോട്ടോറിന്‍റെ പരമാവധി ടോർക്​ 16എൻ.എം ആണ്. 60.3Ah ലിഥിയം അയൺ ബാറ്ററിയുള്ള സ്കൂട്ടർ ഇക്കോ മോഡിൽ 95 കിലോമീറ്ററും സ്‌പോർട്ട് മോഡിൽ 85 കിലോമീറ്ററും പരിധി വാഗ്​ദാനം ചെയ്യുന്നു.

പരമ്പരാഗത 5 എ പവർ സോക്കറ്റ് വഴി 5 മണിക്കൂറിനുള്ളിൽ സ്​കൂട്ടർ പൂർണമായും ചാർജ് ചെയ്യാം. ഒരു മണിക്കൂറിനുള്ളിൽ 25 ശതമാനം ചാർജും ചെയ്യാനാകും. ബാറ്ററി ഉൾപ്പെടെ ചേതക്കിൽ ബജാജ് 3 വർഷത്തെ അല്ലെങ്കിൽ 50,000 കിലോമീറ്റർ വാറൻറി നൽകും.നീക്കംചെയ്യാനാകാത്ത 3 കിലോവാട്ട് ഐപി 67 ലിഥിയം അയൺ ബാറ്ററിയാണ്​ വാഹനത്തിനുള്ളത്​​.

Show Full Article
TAGS:Bajaj Chetak booking reopen 
Next Story